Indian 3: சர்ப்ரைஸ் கொடுத்த கமல் – ஷங்கர்..இந்தியன் 3 ஆம் பாகத்தின் ட்ரெய்லர் இதோ!

இந்தியன் 3 : நடிகர் கமல்ஹாசன் நடித்துள்ள இந்தியன் 2 படம் இன்று தியேட்டரில் வெளியாகி உள்ளது. ரசிகர்கள் காலை முதல் இப்படத்தை காண திரையரங்கிற்கு படையெடுத்து வருகின்றனர். இப்படியான நிலையில் இந்தியன் 2 படத்தின் முடிவில் இந்தியன் 3 ஆம் பாகத்துக்கான ட்ரெய்லர் வெளியாகும் என இயக்குனர் ஷங்கர் தெரிவித்து இருந்தார். இந்த வகையில் இரண்டாம் பாகம் காண சென்ற ரசிகர்களுக்கு இன்ப அதிர்ச்சி அளிக்கும் விதமாக மூன்றாம் பாகத்தின் ட்ரெய்லர் வெளியாகி இணையத்தில் வைரலாகி உள்ளது. இந்தியன் 2 டைட்டிலின் கீழ் zero tolerance என்ற கேப்ஷன் கொடுக்கப்பட்டிருந்தது. இந்தியன் 3 டைட்டிலின் கீழ் war mode இந்த கேப்ஷன் இடம் பெற்றுள்ளது.இந்த வீடியோவை தியேட்டரில் படம் பார்க்க சென்ற ரசிகர்கள் வெளியிட்டுள்ளனர்  இந்தியன் 3 படம் 2025 ஆம் ஆண்டு வெளியாகும் என தெரிவிக்கப்பட்டுள்ளது. இதனால் ரசிகர்கள் மகிழ்ச்சியடைந்துள்ளனர்.

#Indian3 trailer #Indian2 review pic.twitter.com/6EnjfqNlkI

— G⋆U⋆R⋆Uッ𓃵 (@guruoffcl2) July 12, 2024

இந்தியன் படம்

கடந்த 1996 ஆம் ஆண்டு பிரமாண்ட இயக்குனர் ஷங்கர்- நடிகர் கமல்ஹாசன் கூட்டணியில் வெளியான இந்தியன் படம் மிகப்பெரிய வெற்றியை பெற்றது. ஏ ஆர் ரகுமான் இசையமைத்த இந்த படத்தில் மனிஷா கொய்ராலா, ஊர்மிளா, கவுண்டமணி,செந்தில், நெடுமுடி வேணு, மனோரமா, கஸ்தூரி,சுகன்யா என பலரும் நடித்திருந்தனர். இப்படத்தில் இரட்டை வேடம் ஏற்றிருந்த கமல் அதில் ஒரு கேரக்டரில் சுதந்திரப் போராட்ட தியாகியாக தோன்றி ஊழலுக்கு எதிராக போர் தொடுப்பவராக நடித்திருந்தார்.

இந்தியன் 2 படம்

கடந்த பத்து ஆண்டுகளில் பல படங்களின் இரண்டாம் பாகங்கள் எடுக்கப்பட்ட நிலையில், இந்தியன் படத்தின் இரண்டாம் பாகத்தை எடுக்க வேண்டும் என ரசிகர்கள் சமூக வலைத்தளங்கள் மூலமாக கமல்ஹாசனுக்கும் இயக்குனர் ஷங்கருக்கும் கோரிக்கை விடுத்தனர். இந்நிலையில் கடந்த 2018 ஆம் ஆண்டு லைகா நிறுவனம் பெரும் பெரும் பொருட்செலவில் இந்தியன் 2 படத்தை தயாரிப்பதாக அறிவித்தது. இந்தப் படத்தில் காஜல் அகர்வால், ரகுல் ப்ரீத்தி சிங், ப்ரியா பவானி சங்கர், சித்தார்த், பாபி சிம்ஹா, விவேக், மனோபாலா, நெடுமுடி வேணு, மாரிமுத்து, எஸ் ஜே சூர்யா என பலரும் நடிப்பதாக தெரிவிக்கப்பட்டது. அனிருத் இப்படத்தில் இசையமைப்பாளராக நியமிக்கப்பட்ட நிலையில் படத்தின் ஷுட்டிங் தொடங்கி விறுவிறுப்பாக நடைபெற்றது.

ஆனால் கொரோனா ஊரடங்கு, படப்பிடிப்பில் விபத்து, இயக்குனருக்கும் தயாரிப்பு நிர்வாகத்திற்கும் இடையேயான கருத்து வேறுபாடு, சில நடிகர்களின் மரணம் என கிட்டத்தட்ட ஐந்து ஆண்டுகளாக படப்பிடிப்பு சிறிது சிறிதாக நடைபெற்று ஒரு வழியாக ரிலீஸ் ஆகியுள்ளது. இந்தப் படத்தின் தியேட்டர் விநியோக உரிமையை உதயநிதி ஸ்டாலினின் ரெட் ஜெயன்ட் நிறுவனம் கைப்பற்றியது. உலகம் முழுக்க பல்வேறு பிரமோஷன்கள் இந்தியன் 2 படத்துக்காக நடைபெற்று வந்த நிலையில் இன்று இந்த படம் வெளியாகி உள்ளது குறிப்பிடத்தக்கது.