Kanguva X Review: ‘கங்குவா’ படம் எப்படி இருக்கு? சூப்பரா? சொதப்பலா? ட்விட்டர் விமர்சனம்!

கோப்பு புகைப்படம்

கங்குவா: நடிகர் சூர்யா நடிப்பில் பெரும் எதிர்பார்ப்புகளுக்கு மத்தியில் 2 ஆண்டுகளுக்குப் பின் கங்குவா படம் இன்று உலகமெங்கும் வெளியாகியுள்ளது. அண்ணாத்த படத்துக்குப் பின் இயக்குநர் சிவாவும், எதற்கும் துணிந்தவன் படத்திற்குப் பின் சூர்யாவும் இணையப் போகிறார்கள் என்ற தகவல் வந்தபோது மிகப்பெரிய எதிர்பார்ப்பு எழுந்தது. அதுவும் வரலாற்று ரீதியான கதையில் இணைகிறார்கள் என்றதும் அனைவரும் ஒருபடி சந்தேகம் மேலெழுந்தது. 3டி தொழில்நுட்பம், 13க்கும் மேற்பட்ட மொழிகள் என கங்குவா படம் பற்றி நாளொருமேனியாக வெளியான தகவல் எல்லாம் இப்படி ஒரு நாளுக்காக தான் காத்திருந்தோம் என ரசிகர்கள் ஆவலுடன் இருக்க காரணமாக அமைந்தது. இப்படியான நிலையில் கங்குவா படம் இன்று வெளியாகியுள்ளது.

தமிழ்நாட்டில் 9 மணிக்கு தான் முதல் காட்சி திரையிடப்பட உள்ள நிலையில் அண்டை மாநிலங்களில் அதிகாலை காட்சியே கங்குவா திரையிடப்பட்டுள்ளது. அந்த மாநிலங்களிலும் தமிழ் மொழியிலும் படம் திரையிடப்படுவதால் எல்லையில் உள்ள சூர்யா ரசிகர்கள் அங்கு படையெடுத்து சென்று கங்குவா பார்த்துள்ளனர். இந்த படத்தில் திஷா பதானி, பாபி தியோல், நட்டி, யோகிபாபு, கோவை சரளா, ரெட்டின் கிங்ஸ்லி, ஜெகபதி பாபு, பிரகாஷ்ராஜ், ஆனந்த ராஜ், கே.எஸ்.ரவிகுமார், ஆனந்தராஜ் என நட்சத்திர பட்டாளமே நடித்துள்ளது. தேவி ஸ்ரீ பிரசாத் இசையமைத்திருக்கும் இப்படத்தை பிரமாண்டமாக ஸ்டூடியோ க்ரீன் சார்பில் ஞானவேல்ராஜா தயாரித்துள்ளார்.

இந்த படத்தில் கார்த்தி கேமியோ ரோலில் நடித்திருக்கிறார் என்பது சிறப்பான நிகழ்வாக அமைந்துள்ளது. கங்குவா படத்தின் டீசர், ட்ரெய்லர் பார்க்கும்போது பிரமாண்டமான கிராபிக்ஸ் காட்சிகள் ரசிகர்களை அசர வைத்தது. இந்த படத்துக்காக சூர்யா, ஞானவேல்ராஜா, சிவா என அனைவரும் ஒவ்வொரு மாநிலமாக சென்று ப்ரோமோஷனில் ஈடுபட்டனர்.

இந்நிலையில் படம் பார்த்த ரசிகர்கள் சிலர் சமூக வலைத்தளங்களில் கருத்துகளை பதிவிட்டுள்ளனர். அதில், “கங்குவா படம் பிரமாண்டத்தில் மிரட்டுகிறது. கண்டிப்பாக ரசிகர்களுக்கு கூஸ்பம்ப்ஸ் காட்சிகள் இருக்கும்” என தெரிவித்துள்ளார்.இன்னும் சிலர், “டைட்டில் கார்டு தொடங்கி படம் முழுக்க ஒருவித எதிர்பார்ப்புடன் தான் கதை செல்கிறது. ஆங்காங்கே தேவி ஸ்ரீ பிரசாத் இசை செட்டாகவில்லை” என கூறியுள்ளனர்.

இன்னொரு இணையவாசி, “”கங்குவா” கண்டிப்பாக அனைவரையும் ஈர்க்கக்கூடிய ஆக்‌ஷன் படமாகும்.  ஆனால் சென்டிமென்ட் காட்சிகள் இன்னும் ஆழமாக வைத்திருக்கலாம். சூர்யா ஒரு சிறந்த நடிப்பை வழங்கியுள்ளார். ஆக்‌ஷன் காட்சிகள் பிரமாதமாக உள்ளன.  அதன் கதை சொல்லல் மற்றும் கதாபாத்திர தேர்வில் மாற்றம் கண்டிருக்கலாம்” என தெரிவித்துள்ளார். அதேசமயம் சிலர் நெகட்டிவாகவும் கமெண்டுகளை வழங்கியுள்ளனர்.