Mathew Thomas: கார் விபத்து.. பிரபல நடிகர் மேத்யூ தாமஸ் வீட்டில் சோகம்.. ரசிகர்கள் ஷாக்
Leo Actor Mathew Thomas: மலையாள நடிகர் மேத்யூ தாமஸ் அவரின் குடும்பத்தினர் மே 15 நேற்று ஒரு மோசமான விபத்தில் சிக்கியுள்ளனர். மேத்யூவின் குடும்பத்தினர் ஜீப்பில் கேரளாவின் கொச்சியில் உள்ள சாஸ்தாமுகல் என்ற இடத்தில் இருந்து குடும்ப நிகழ்வில் கலந்துகொண்டு திரும்பும் போது கட்டுமான பணியில் உள்ள நெடுஞ்சாலையில் ஜீப் கவிழ்ந்து விபத்துக்குள்ளானது.
மலையாள நடிகர் மேத்யூ தாமஸ்
‘மாஸ்டர்’ திரைப்படத்தை தொடர்ந்து விஜய் மற்றும் லோகேஷ் கனகராஜ் கூட்டணியில் வெளியான திரைப்படம் ‘லியோ’. இந்தப் படத்தில் விஜயுடன் த்ரிஷா, சஞ்சய் தத், அர்ஜூன், கௌதம் வாசுதேவ் மேனன், மிஷ்கின், பிரியா ஆனந்த், மேத்யூவ் தாமஸ், சாண்டி, மடோனா செபாஸ்டியன், மன்சூர் அலிகான் உள்ளிட்டோர் நடித்துள்ளனர். அனிருத் இந்தப் படத்திற்கு இசையமைத்திருந்தார். லியோ படம் வெளியாகி கலவையான விமர்சனங்களை பெற்றிருந்தாலும், பாக்ஸ் ஆபீஸ் வசூலில் சாதனை படைத்தது. மேலும் இந்த படத்தில் நடிகர் விஜய்க்கு பள்ளியில் படிக்கும் 16 வயது மாணவனாக நடித்திருந்தார் நடிகர் மேத்யூ தாமஸ்.
மலையாளத்தில் 2019-ம் ஆண்டு வெளியான கும்பலங்கி நைட்ஸ் எனும் படத்தில் நடித்து அறிமுகமானவர் நடிகர் மாத்யூ தாமஸ். இதையடுத்து தண்ணீர் மத்தன் தினங்கள், அஞ்சம் பதிரா, ஜோ ஜோ போன்ற பல படங்களில் நடித்து பிரபலமானார். மலையாளத்தில் நடித்துக் கொண்டிருக்கும் போதே அவரை பார்த்த ரசிகர்கள் விஜயின் சிறு வயதில் இருந்தது போல இவர் இருக்கிறார் என்றும் ரசிகர்களால் பேசப்பட்டார்.
இதனை தொடர்ந்து சமீபத்தில் வெளியான பிரேமலு படத்தில் கேமியோ ரோலில் வந்தாலும் தனது பாத்திரத்தை மிகவும் சிறப்பாக செய்து ரசிகர்களிடம் பாராட்டைப் பெற்றார் மேத்யூவ் தாமஸ்.
இந்நிலையில் மலையாள நடிகர் மேத்யூ தாமஸ் அவரின் குடும்பத்தினர் மே 15 நேற்று ஒரு மோசமான விபத்தில் சிக்கியுள்ளனர். மேத்யூவின் குடும்பத்தினர் ஜீப்பில் கேரளாவின் கொச்சியில் உள்ள சாஸ்தாமுகல் என்ற இடத்தில் இருந்து குடும்ப நிகழ்வில் கலந்துகொண்டு திரும்பும் போது கட்டுமான பணியில் உள்ள நெடுஞ்சாலையில் ஜீப் கவிழ்ந்து விபத்துக்குள்ளானது. அந்த விபத்தில் துரதிர்ஷ்டவசமாக 61 வயது உறவினர் பீனா டேனியல் உயிரிழந்தார்.
Also read… Panchayat Season 3: பெரிதும் எதிர்பாக்கப்பட்ட ’பஞ்சாயத்’ சீசன் 3 சீரிஸ் ட்ரெய்லர் இதோ!
அதனை தொடர்ந்து மேத்யூவின் தந்தை பிஜூ, தாயார் சூசன், உயிரிழந்த பீனாவின் கணவர் சஜு ஆகியோர் காயம் அடைந்து மருத்துவமனையில் சிகிச்சை பெற்று வருகின்றனர், மேலும் ஜீப்பை ஓட்டி வந்த மேத்யூவின் சகோதரர் ஜான் ஆகியோர் சிகிச்சை பெற்று வருகின்றனர். சம்பவ இடத்திற்கு சென்ற விபத்துக்கான காரணம் குறித்து அதிகாரிகள் தற்போது விசாரணை நடத்தி வருகின்றனர்.