Theatre Release Movies: இந்த வாரம் திரையரங்குகளில் வெளியாகும் திரைப்படங்கள்! எப்போது தெரியுமா?

ஜாலியோ ஜிம்கானா : தமிழ்த் திரைப்பட பிரபல நடிகரும் மற்றும் நடனக் கலைஞருமான பிரபு தேவா நடிப்பில் உருவாகிவரும் திரைப்படம் ஜாலியோ ஜிம்கானா. பிரபல தயாரிப்பு நிறுவனமான டிரான்ஸ் இந்தியா அண்ட் எண்டெர்டைமண்ட் தயாரித்துள்ளது. இப்படத்தில் மடோனா செபாஸ்டியன், அபிராமி, யாஷிகா ஆனந்த், யோகி பாபு ஆகிய பல பிரபலங்களும் நடித்துள்ளனர். கடந்த ஆண்டே ஜாலியோ ஜிம்கானா திரைப்படத்தின் முதல் போஸ்டர் வெளியாகி மக்கள் மத்தியில் நல்ல வரவேற்பை பெற்றது. இதைத்தொடர்ந்து இப்படத்தின் ட்ரைலர் மற்றும் பாடல்கள்கள் என மக்கள் மத்தியில் விமர்சனங்களுக்கு உள்ளானது. மாறுபட்ட திரைக்கதைகளுடன், நகைச்சுவை கலந்து உருவாகியுள்ள இந்த திரைப்படம் வருகின்ற நவம்பர் 22ம் தேதி திரையரங்குகளில் வெளியாகி உள்ளது.

இதையும் படிங்க :ஓடிடியில் வெளியாகும் கவினின் “ப்ளடி பெக்கர்”.. எப்போது தெரியுமா?

‘எமக்குத் தொழில் ரொமான்ஸ்:

தமிழ்த் திரைப்படங்களில் முக்கிய நடிகர்களில் ஒருவராக இருந்துவருபவர் நடிகர் அசோக் செல்வன். இவரின் நடிப்பில் உருவாகியுள்ள திரைப்படம் ‘எமக்குத் தொழில் ரொமான்ஸ்’. இத்திரைப்படத்தை அறிமுக இயக்குநர் பாலாஜி கேசவன் இயக்கியுள்ளார். நடிகர் அசோக் செல்வனுடன் இப்படத்தில் ஹீரோயினாக  அவந்திகா நடித்துள்ளார். தொடர்ந்து இப்படத்தில் துணைக் கதாபாத்திரங்களாக எம்.எஸ்.பாஸ்கர், ஊர்வசி, அழகம் பெருமாள், பகவதி பெருமாள், விஜய் வரதராஜ், படவா கோபி போன்ற பல பிரபலங்களும் நடித்துள்ளனர்.

இதையும் படிங்க :Vanangaan: காத்திருப்புக்கு பலன்.. அருண் விஜய்யின் வணங்கான் ரிலீஸ் தேதி அறிவிப்பு!

இப்படத்தின் ட்ரைலர் வெளியாகி மக்களிடையே நல்ல வரவேற்பைப் பெற்றுவந்த நிலையில் இத்திரைப்படத்தின் கதைக்களமானது ஒரு இளைஞனின் காதல், அதனால் ஏற்படும் பிரச்சனைகள், அவனுக்கு உதவும் குடும்பம், நண்பர்கள் என ரொமான்ஸ் நகைச்சுவை திரைப்படமாக அமைந்துள்ளது என்று கூறப்படுகிறது. இந்நிலையில் இந்த எமக்குத் தொழில் ரொமான்ஸ் முன்னதாக நவம்பர் 15-ம் தேதி வெளியாகும் என்று கூறப்பட்டு வந்த நிலையில் தற்போது இந்த திரைப்படம் நவம்பர் 22ம் தேதி திரையரங்குகளில் வெளியாகும் என்று அறிவிக்கப்பட்டுள்ளது.

நிறங்கள் மூன்று :

தமிழ்த் திரைப்படத்தின் பிரபல நடிகர்களில் ஒருவர்தான் அதர்வா முரளி. தற்போது இவரின் நடிப்பில் வெளியாக உள்ள திரைப்படம்தான் “நிறங்கள் மூன்று” . பிரபல இயக்குநர் கார்த்திக் நரேன் இயக்கத்தில் ஐங்கரன் நிறுவனம் தயாரிப்பிலும் இந்த திரைப்படம் உருவாக்கி உள்ளது. அதர்வா நீண்ட நாள் இடைவேளைக்குப் பிறகு நடிக்கும் திரைப்படம் நிறங்கள் மூன்று குறிப்பிடத்தக்கது.

நடிகர் அதர்வாவுடன் இப்படத்தில் ரஹ்மான், சரத்குமார் மற்றும் நிக்கி கல்ராணி எனப் பல பிரபலங்களும் இணைந்து நடித்துள்ளனர். இந்த படத்திற்கு இசையமைப்பாளர் ஜேக்ஸ் பிஜாய் இசையமைத்துள்ளார்.ஆக்ஷன் மற்றும் க்ரைம் கதைகளுடன் அதர்வாவின் மாறுபட்ட நடிப்பிலும் உருவாகியுள்ள இந்த திரைப்படமானது வருகின்ற நவம்பர் 22ம் தேதி உலகமெங்கும் வெளியாகவுள்ளது.

இதையும் படிங்க :டிசம்பரில் கீர்த்தி சுரேஷ் திருமணம்.. மாப்பிள்ளை யார் தெரியுமா?

பராரி :

தமிழ் வெற்றி திரைப்படங்களான ஜோக்கர், ஜிப்ஸி மற்றும் ஜப்பான் போன்ற திரைப்படங்களை இயக்கிய இயக்குநர் ராஜு முருகனின் உதவி இயக்குநர் எழில் பெரிவேடி இயக்கியுள்ள திரைப்படம் “பராரி”. இவர் திரைப்பட இயக்குநராக அறிமுகமாகிய இந்த திரைப்படத்தில் ஹரிஷங்கர் மற்றும் சங்கீதா கல்யாண் போன்ற இருவரும் முன்னணி கதாபாத்திரத்தில் நடித்துள்ளனர்.

இதையும் படிங்க :Amaran Collection:விஜய்யை முந்தும் சிவகார்த்திகேயன்.. எப்படிதெரியுமா?

இந்த திரைப்படத்திற்கு ஷான் ரோல்டன் இசையமைத்துள்ளார். கிராமத்துக் கதைக்களத்துடன் ஒடுக்கப்பட்ட மக்களின் வாழ்க்கை முறையை முறியடிக்கும் விதத்தில் உருவாக்கி உள்ள இந்த திரைப்படமும் வருகின்ற நவம்பர் 22ம் தேதி திரையரங்குகளில் வெளியாக உள்ளது.