Theatre Release Movies: கோலிவுட்டில் இந்த வாரம் திரைக்கு வரும் படங்கள் லிஸ்ட் இதோ!

படங்கள்

கோலிவுட் சினிமாவில் என்னம்மா கண்ணு, சார்லி சாப்ளின், இங்கிலீஷ்காரன், காதல் கிறுக்கன்,  கோவை பிரதர்ஸ், வியாபாரி போன்ற படங்களை இயக்கிய இயக்குநர் சக்தி சிதம்பரம் அடுத்ததாக இயக்கியுள்ள படம் ‘ஜாலியோ ஜிம்கானா’. இந்தப் படத்தில் பிரபுதேவா நாயகனாக நடித்துள்ளார். அவருக்கு ஜோடியாக நடிகை மடோனா செபாஸ்டியன் நடித்திருக்கிறார். மேலும் இந்த திரைப்படத்தில் இவர்களுடன் இணைந்து யாஷிகா ஆனந்த், கிங்ஸ்லி, யோகிபாபு, அபிராமி, ஒய்.ஜி மகேந்திரன் உள்ளிட்டோரும் நடிக்கின்றனர். இந்த நிலையில் இந்தப் படத்தின் ட்ரெய்லர் முன்னதாக வெளியாகி ரசிகர்களிடையே வரவேற்பைப் பெற்றது. இந்த நிலையில் படம் வருகின்ற 22-ம் தேதி திரையரங்குகளில் வெளியாக உள்ளது குறிப்பிடதக்கது.

அசோக் செல்வன் நடிப்பில் முன்னதாக வெளியான ‘ப்ளூ ஸ்டார்’ திரைப்படம் ரசிகர்களிடையே நல்ல வரவேற்பை பெற்றது. அவர் நடிப்பில் அடுத்ததாக வெளியாக உள்ள படம் ‘எமக்குத் தொழில் ரொமான்ஸ்’. இந்தப் படத்தை அறிமுக இயக்குநர் பாலாஜி கேசவன் இயக்கியுள்ளார். அவந்திகா நாயகியாக நடித்துள்ள இப்படத்தில் எம்.எஸ்.பாஸ்கர், ஊர்வசி, அழகம்பெருமாள், பகவதி பெருமாள், விஜய் வரதராஜ், படவா கோபி உள்ளிட்ட பலர் நடித்துள்ளனர். இந்தப் படத்தின் ட்ரெய்லரை படக்குழு முன்னதாக வெளியிட்டது. ஒரு இளைஞனின் காதல், அதனால் ஏற்படும் பிரச்சனைகள், அவனுக்கு உதவும் குடும்பம், நண்பர்கள் என ரொமான்ஸ் காமெடி திரைப்படமாக இந்த படம் உருவாகியுள்ளது என ட்ரெய்லரை பார்க்கும் போது தெரிந்தது. இந்நிலையில் இந்தப் படம் வருகின்ற 22-ம் தேதி திரையரங்குகளில் வெளியாக உள்ளது குறிப்பிடதக்கது.

Also read… 2024-ம் ஆண்டு விவாகரத்தை அறிவித்த கோலிவுட் பிரபலங்கள் யார் யார்?

துருவங்கள் பதினாறு, மாஃபியா பாகம் 1 ஆகிய படங்களை இயக்கியதன் மூலம் பிரபலம் ஆனவர் இயக்குநர் கார்த்திக் நரேன். இவரது இயக்கத்தில் அடுத்ததாக உருவாகியுள்ள படம் நிறங்கள் மூன்று. இந்த படத்தில் நடிகர் அதர்வா நாயகனாக நடித்துள்ளார். இவருடன் இணைந்து நடிகரக்ள் அம்மு அபிராமி, சரத்குமார், ரகுமான் உள்ளிட்ட பலரும் நடித்துள்ளனர். ஐங்கரன் இண்டர்நேஷனல் நிறுவனம் தயாரித்துள்ள இந்தப் படம் வருகின்ற 22-ம் தேதி திரையரங்குகளில் வெளியாக உள்ளது குறிப்பிடதக்கது.

Also read… Bigg Boss Tamil Season 8: அரண்மனையாக மாறிய பிக்பாஸ் வீடு… அரியணை வெல்லப்போவது ஆண்களா? பெண்களா?

இயக்குநர் ராஜுமுருகனின் தயாரிப்பில் உருவாகியுள்ள படம் ‘பராரி’. குக்கூ, ஜோக்கர், ஜிப்ஸி, ஜப்பான் போன்ற பல படங்களை இயக்கிய இயக்குநர் ராஜு முருகன், எஸ்பி சினிமாஸ் நிறுவனத்துடன் இணைந்து இந்தப் படத்தை தயாரித்துள்ளார். நடிகர்கள் ஹரிஷங்கர், சங்கீதா கல்யாண் நடிப்பில் இயக்குநர் எழில் பெரியவேடி இயக்கத்தில் உருவாகியுள்ள படம் பராரி. இப்படத்தின் இயக்குநர் எழில் பெரியவேடி ராஜு முருகனின் உதவி இயக்குநர் என்பது குறிப்பிடதக்கது. இசையமைப்பாளர் ஷான் ரோல்டன் இசையமைக்க இந்த படத்திற்கு சாம் RDX படத்தொகுப்பு செய்துள்ளார். இந்த நிலையில் இந்தப் படம் வருகின்ற 22-ம் தேதி திரையரங்குகளில் வெளியாக உள்ளது குறிப்பிடதக்கது.