OTT Update: லக்கி பாஸ்கர் டூ பிரதர் வரை… இந்த வாரம் ஓடிடியில் வெளியாகும் படங்களின் லிஸ்ட்!

ஓடிடி திரைப்படங்கள்

லக்கி பாஸ்கர்: மலையாள திரைப்படங்களின் மூலம் அறிமுகமாகி பின் தற்போது தமிழ், மலையாளம், தெலுங்கு மற்றும் இந்தி எனப் பாண் இந்திய நடிகராக இருப்பவர் துல்கர் சல்மான். தற்போது இவரின் பிரம்மாண்ட நடிப்பில் கடந்த தீபாவளி பண்டிகையை முன்னிட்டு வெளியான திரைப்படம் லக்கி பாஸ்கர். இயக்குநர் வெங்கி அட்லூரி இயக்கத்தில் உருவான இப்படத்தில் நடிகர் துல்கர் சல்மானுக்கு ஜோடியாக நடிகை மீனாட்சி சவுத்ரி நடித்திருந்தார். இந்த படம் தமிழ், மலையாளம், தெலுங்கு, இந்தி மற்றும் கன்னடம் என 4க்கும் மேற்பட்ட மொழிகளில் வெளியாகியது. ம்நடிகரும் மற்றும் இசையமைப்பாளருமான ஜி.வி பிரகாஷ் இசையமைப்பில் வெளியாகியது.

இந்த லக்கி பாஸ்கர் படம் வெளியாகி ரசிகர்கள் மத்தியில் நல்ல வரவேற்பைப் பெற்ற நிலையில் தற்போது ரூ.111 கோடிகளுக்கு மேல் வசூல் செய்து சாதனை படைத்துள்ளது. திரையரங்குகளைத் தொடர்ந்து இந்த திரைப்படம் எப்போது ஓடிடியில் வெளியாகும் என்று மக்களிடையே பல சந்தேகங்கள் ஏற்பட்ட நிலையில் தற்போது நேற்று நவம்பர் 28ம் தேதி நெட்பிளிக்ஸில் வெளியாகியுள்ளது. இந்த லக்கி பாஸ்கர் திரைப்படத்தை நெட்பிளிக்ஸில் மறக்காமல் பாருங்க.

இதையும் படிங்க:சமந்தா தந்தை மறைவு.. உருக்கமாக பதிவிட்ட நடிகை!

ப்ளடி பெக்கர்:

தமிழ்த் திரைப்படங்களில் சின்னத்திரை மூலம் திரைப்படங்களுக்கு அடியெடுத்து வைத்த முக்கிய நடிகர் கவின் ராஜ். டாடா, ஸ்டார் போன்ற திரைப்படங்களில் தொடர்ந்து, இவர் நடித்த திரைப்படம் ‘ப்ளடி பெக்கர்’. இப்படம் கடந்த அக்டோபர் 31ம் தேதி வெளியானது. ஆரம்பத்தில் துணைக் கதாபாத்திரமாக நடித்து வந்த இவர் “நட்புனா என்னனு தெரியுமா” என்ற திரைப்படத்தின் மூலமாக நடிகராக அறிமுகமாக்கினார்.

தொடர்ந்து திரைப்படங்களில் நடிப்பதில் ஆர்வம் காட்டிவந்த இவருக்கு லிப்ட், டாடா, மற்றும் ஸ்டார் போன்ற திரைப்படங்கள் வெற்றியாக அமைந்தது. இப்படங்களைத் தொடர்ந்து ப்ளடி பெக்கர் திரைப்படத்தில் நடிகர் கவினுடன் ரெடின் கிங்ஸ்லி, மாருதி பிரகாஷ்ராஜ், சுனில் சுகாதா, அக்சயா ஹரிஹரன் போன்ற பலரும் நடித்துள்ளனர். இதில் நடிகர் கவின் பிச்சைக்காரன் கதாபாத்திரத்தில் நடித்துள்ளார்.

திரையரங்குகளில் வெளியாகி இதுவரை ரூ10 கோடிகளை வசூல் செய்துள்ள இந்த திரைப்படம் ஓடிடியில் எப்போது வெளியாகும் என்று எதிர்பார்க்கப்பட்டு வந்த நிலையில், அதன்படியாக ப்ளடி பெக்க்கர் திரைப்படம் வருகின்ற நவம்பர் 29ம் தேதியான இன்று அமேசன் ப்ரைம் வீடியோ ஓடிடியில் வெளியாகியுள்ளது. இந்த வீக் எண்டில்மிஸ் பண்ணாமல் பாருங்க.

இதையும் படிங்க:சூர்யா 44 திரைப்படத்திற்கு வந்த டைட்டில் பிரச்சனை..?

பிரதர்:

தமிழ் சினிமாவில் பிரபல நடிகர்களில் ஒருவராக இருந்துவரும் நடிகர் ஜெயம் ரவியின் நடிப்பில் வெளியான திரைப்படம் பிரதர். இயக்குநர் எம். ராஜேஷ் இயக்கத்தில் உருவான இந்த திரைப்படத்தை ஸ்கிரீன் சீன் மீடியா தயாரிப்பு நிறுவனம் தயாரித்துள்ளது. நடிகர் ஜெயம் ரவியின் 30வது திரைப்படமான இப்படத்தில் இசையமைப்பாளர் ஹாரிஸ் ஜெயராஜ் இசையமைத்துள்ளார்.

இந்த பிரதர் திரைப்படத்தில் ஜெயம் ரவிக்கு ஜோடியாக நடிகை பிரியங்கா மோகன் நடித்துள்ளார். இதைத்தொடர்ந்து இப்படத்தில் நட்டி நடராஜன், பூமிகா மற்றும் சரண்யா பொன்வண்ணன் போனார் பலரும் இணைந்து நடித்துள்ளனர். கடந்த அக்டோபர் 31ம் தேதி தீபாவளி பண்டிகையன்று வெளியான இப்படம் தற்போது ஓடிடியில் வெளியாகியுள்ளது. இப்படத்தினை மறக்காமல் ஜீ5 ஓடிடி தளத்தில் மறக்காமல் பாருங்க.

இதையும் படிங்க:விடாமுயற்சி தீம் மியூசிக்.. டீசரில் வந்த ‘கடவுளே.. அஜித்தே’ இதை கவனிச்சீங்களா?

அந்தகன் :

தமிழ் சினிமாவில் 90ஸ் முதல் 2k தற்போது வரை பிப்ல நடிகராகத் திரைப்படங்களில் நடித்து வருபவர் பிரசாந்த். இயக்குனர் தியாகராஜன் இயக்கத்தின் மற்றும் இவரின் நடிப்பில் உருவான இத்திரைப்படம் கடந்த ஆகஸ்ட் 9ம் தேதி திரையரங்குகளில் வெளியாகியது.

நடிகர் பிரசாந்த்துடன் இப்படத்தில் நடிகை சிம்ரன், பிரியா ஆனந்த், கார்த்திக், சமுத்திரக்கனி, ஊர்வசி மற்றும் யோகி பாபு எனப் பலரும் நடித்துள்ளனர். இந்தி மொழியில் வெளியான “அந்தாதூண்”, ரீமேக் ஆக்ஷன் திரைப்படமான இது அமேசான் ப்ரைம் ஓடிடியில் வெளியாகி உள்ளது. இந்த வாரம் இந்த திரைப்படங்கள் அனைத்தையும் கண்டிப்பாகப் பாருங்கள்.

இதையும் படிங்க:விரைவில் திருமணம்.. திருப்பதியில் தரிசனம்.. நடிகை கீர்த்தி சுரேஷ் கொடுத்த அப்டேட்!