OTT Update : ஓடிடியில் இந்த வாரம் வெளியான மாஸ் திரைப்படங்களின் லிஸ்ட் இதோ..!

தமிழ்த் திரைப்பட ரசிகர்களிடம் திரையரங்குகளில் வெளியாகும் திரைப்படங்களின் எதிர்பார்ப்பை விட ஓடிடியில் எப்போது திரைப்படங்கள் வெளியாகும் என்ற ஆர்வம் அதிகம். இந்நிலையில் பிரபல ஓடிடி இணையதளங்களில் பல திரைப்படங்களும் மற்றும் வெப் தொடர்களும் வெளியாகி உள்ளது. நடிகர் பிரபுதேவாவின் பேட்ட ராப், பிரபல ஹாலிவுட் திரைப்படமான டெட்பூல் அண்ட் வால்வரின் மற்றும் பிரபல சுதந்திரப் போராட்ட கதைக்களத்துடன் கூடிய பிரீடம் அட் மிட்நைட் என ஆக்ஷ்ன், நகைச்சுவை மற்றும் வரலாறு என்ற கோணத்தில் பல் திரைப்படங்கள் வெளியாகி உள்ளனர். அந்த திரைப்படங்களும், வெப் தொடர்களும் என இணையத்தில் எப்போது வெளியாகும் என்பதைப் பற்றிப் பார்க்கலாம்.

பேட்ட ராப் :

தமிழ் பிரபல நடிகரும், நடன புயலுமான பிரபு தேவாவின் முன்னணி நடிப்பில் உருவான திரைப்படம் “பேட்ட ராப்”. பிரபல திரைப்பட இயக்குநர் எஸ்.ஜே. சீனு இயக்கத்தில் மற்றும் ஜூபி பி. சாம் தயாரிப்பில் கடந்த செப்டம்பர் 27ம் தேதி திரையரங்குகளில் வெளியாகியது. முழுவதும் தமிழ் மொழியை மையமாகக் கொண்டு உருவாக்கிய இந்த திரைப்படத்தில் பிரபு தேவாவுடன், நடிகை வேதிகா, விவேக் பிரசன்னா, பகவதி பெருமாள், ரியாஸ் கான் மற்றும் கலாபவன் இவர்களுடன் பிரபல நடிகை சன்னி லியோன் சிறப்புக் கதாபாத்திரமாக நடித்திருந்தார். அதிக நகைச்சுவை நிறைந்த திரைப்படமான இப்பட்டத்திற்கு டி.இமான் இசையமைத்துள்ளார். இந்த திரைப்படமானது திரைப்படங்களில் ஹீரோவாக மாற துடிக்கும் நடுத்தர இளைஞனின் கதையை அடிப்படியாகக் கொண்டு உருவாக்கிய திரைப்படமாகும். கடந்த செப்டம்பர் மாதம் வெளியான திரைப்படம் தற்போது கடந்த அக்டோபர் 12ம் தேதி டிஸ்னி ப்ளஸ் ஹாட்ஸ்டாரில் வெளியாகி உள்ளது.

இதையும் படிங்க :கங்குவா படம் விமர்சனம்.. எகிறிய எதிர்பார்ப்பை பூர்த்தி செய்ததா? ரிவியூ இதோ!

டெட்பூல் அண்ட் வால்வரின்:

இந்த லிஸ்டில் அடுத்ததாக இருப்பது டெட்பூல் அண்ட் வால்வரின். மார்வெல் காமிக்கை அடிப்படையாகக் கொண்ட இந்த திரைப்படம் 2016ம் ஆண்டு வெளியான டெட்பூல் திரைப்படத்தின் தொடர்ச்சியாகும். தற்போது டெட்பூல் 3வது பாகமாக வெளியான திரைப்படம் இந்த டெட்பூல் அண்ட் வால்வரின். கடந்த ஜூலை 26ம் தேதி வெளியான இந்த திரைப்படத்தில் பிரபல ஹாலிவுட் நடிகர்களான ரியான் ரெனால்ட்ஸ், ஹக் ஜேக்மேன் மற்றும் எம்மா கொரின் எனப் பல ஹாலிவுட் திரைப்பட பிரபலங்களும் நடித்திருந்தனர். நகைச்சுவை மற்றும் ஆக்ஷன் நிறைந்த இந்த திரைப்படத்தின் மூன்றாம் பாகத்தில் “எக்ஸ் மென்” திரைப்படத்தின் மூலம் பிரபலமான வால்வரின் கதாபாத்திரத்தை இணைத்து அருமையான திரைப்படமாகக் கொண்டு வந்தனர். மார்வெல் ஸ்டுடியோ தயாரித்த இந்த திரைப்படத்தைப் பிரபல இயக்குநர் ஷான் லெவி மிகப் பிரம்மாண்டமாக இயக்கி உள்ளார். தமிழ் மக்களால் ஆர்வமுடன் எதிர்பார்த்து வந்த இந்த திரைப்படமானது கடந்த நவம்பர் 12ம் தேதி டிஸ்னி ப்ளஸ் ஹாட்ஸ்டாரில் வெளியாகியுள்ளது.

இதையும் படிங்க :‘கங்குவா’ படம் எப்படி இருக்கு? சூப்பரா? சொதப்பலா? ட்விட்டர் விமர்சனம்!

பிரீடம் அட் மிட்நைட் :

தமிழில் திரைப்படங்களைப் போல ஓடிடியில் வெளியாகும் தொடர்களும் பெரும் வரவேற்பைப் பெற்று வருகிறது. அந்த வகையில் இந்தியச் சுதந்திரப் போராட்டத்தை மக்களுக்குத் திரை கட்சியாகத் தெரிவிக்கும் வகையில் உருவாக்கியதுதான் இந்த பிரீடம் அட் மிட்நைட். பிரபல இந்தி இயக்குநர் நிகில் அத்வானி இயக்கத்தில் வெளியாகிவரும் இந்த தொடர் தமிழ், இந்தி, தெலுங்கு எனப் பல மொழிகளில் வெளியாக உள்ளது. மகாத்மா காந்தியின் சுதந்திரப் போராட்டத்தையும், பிரிட்டிஸ்ட் பிரிவினையும் அடிப்படையாகக் கொண்டு வெளியாக உள்ள வரலாற்று சார்ந்த தொடராகும். இந்த தொடரில் சித்தந்த் குப்தா, சிராக் வோஹ்ரா மற்றும் ராஜேந்திர சாவ்லா என பலரும் நடித்துள்ளனர். இந்த “பிரீடம் அட் மிட்நைட்” வெப் தொடரானது வருகின்ற நவம்பர் 15ம் தேதி சோனி லிவ் ஓடிடியில் வெளியாக உள்ளது.

இதையும் படிங்க :விஜய், அஜித்துக்கு பிறகு சிவகார்த்திகேயன்.. தொடர்ந்து வசூல் சாதனை படைக்கும் ’அமரன்’ படம்!

தி பென்குயின் :

தமிழ் மொழி வெப் தொடர்களின் மிஞ்சி அனைவராலும் அதிகம் பார்க்கப்பட்டு வரும் வெப் தொடர்களில் முன்னிலையில் இருப்பது “தி பென்குயின்”. இந்த வெப் தொடரை வார்னர் பிரதர்ஸ் மற்றும் டிசி ஸ்டூடியோஸ் இணைந்து தயாரித்து உள்ள இந்த தொடரானது கடந்த 2022ம் முதல் ஒவ்வொரு சீசனாக வெளியாகி வருகிறது. க்ரைம் த்ரில்லர் கதைக்களத்துடன் உருவாக்கி உள்ள இந்த தொடரில் மக்கள் மத்தியில் அதிகளவு வரவேற்பை பெற்று வெளியாகி வருகிறது. இந்த தொடரானது ‘தி பேட்மேன்’ என்ற தொடரின், தொடர்ச்சி கதைகளை அடிப்படையாக கொண்டு இந்த வெப் தொடர் உருவாகி உள்ளதாம். தி பென்குயின் தொடரிலிருந்து ஏற்கனவே 7 தொடர்கள் வெளியாகிய நிலையில் கடந்த நவம்பர் 11ம் தேதி 8வது அடுத்த தொடர் (A Great or Little Thing) வெளியாகி உள்ளது. இந்த தி பென்குயின் தொடரின் மொத்த 8 தொடர்களும் தற்போது ஜியோ சினிமாவில் உள்ளது.

இதையும் படிங்க :தனுஷின் அடுத்தப்படம்.. “நிலவுக்கு என் மேல் என்னடி கோபம்” படத்தின் ரிலீஸ் தேதி எப்போது?