நயன்தாரா குழந்தைகளுடன் இருக்கும் போட்டோ வைரல்..!

லேடி சூப்பர் ஸ்டார் நயன்தாரா மற்றும் அவரது கணவர் விக்னேஷ் சிவன்  இருவரும் சோசியல் மீடியாவில் மிகவும் மிகவும் ஆக்டிவாக  இருக்கும் நபர்கள். இவர்கள் இருவரும் அவ்வப்போது வெளிநாடுகளுக்கு சென்று வரும்போது எடுக்கும் புகைப்படங்களையும் அவர்களின்
இரட்டை குழந்தைகளின் புகைப்படங்கள் சமூகவலைதங்களில் பதிவிட்டு வருகின்றனர்.

விக்னேஷ் சிவன்,’லவ் இன்சூரன்ஸ் கார்ப்பரேஷன்’ என்ற புதிய படத்தை இயக்கி வருகிறார். இதன்காரணமாக வெளிநாட்டில் தங்கி படப்பிடிப்பு பணிகளை மேற்கொண்டு வருகிறார். விக்னேஷ் சிவன் இன்ஸ்டாகிராம் பக்கத்தில் நடிகை நயன்தாரா இரட்டை குழந்தைகளை மடியில் வைத்து கட்டிப்பிடித்துக் கொண்டு இருக்கும் புகைப்படத்தை பகிர்ந்துள்ளார்.

இந்த புகைப்படம் வலைத்தளத்தில் வைரலாகி ‘லைக்ஸ்’ களை குவித்து வருகிறது. விக்னேஷ் சிவன் சமீபத்தில் படப்பிடிப்புக்காக மலேசியா மற்றும் சிங்கப்பூர் சென்று இருந்தார். தற்போது படப்பிடிப்பை முடித்து சென்னை திரும்பிய அவர் குழந்தைகளுடன் இருக்கும் நயன்தாராவின் புகைப்படங்களை வெளியிட்டுள்ளார்.

அதில், “வெளிநாடு படப்பிடிப்பை முடித்து விட்டு எனது உயிர் மற்றும் உலகத்தை காண வீடு திரும்பி உள்ளேன். இனி கொஞ்ச நாட்கள் வீட்டில் அவர்களுடன் இருக்க போகிறேன்” என்ற பதிவையும் பகிர்ந்துள்ளார்.