‘என்மேல் தப்பு இல்ல’.. புஷ்பா 2 மேடையில் ஓபனாக பேசிய தேவி ஸ்ரீ பிரசாத்!

நடிகர் அல்லு அர்ஜுனின் பிரமாதமான நடிப்பில் வெளியாகத் தயாராகி உள்ள இந்த புஷ்பா 2 திரைப்படத்தில் இவருக்கு ஜோடியாக நடிகை ராஷ்மிகா மந்தனா நடித்துள்ளார். இதையடுத்து முக்கிய கதாபாத்திரங்களாக ஃபஹத் பாசில் , ஜெகபதி பாபு , தனஞ்சயா , ராவ் ரமேஷ் மற்றும் சுனில் போன்ற முன்னணி பிரபலங்களும் இணைந்து நடித்துள்ளனர். இயக்குநர் சுகுமார் இயக்கத்தில் உருவாகி உள்ள இந்த திரைப்படத்தை மைத்ரி மூவி மேக்கர்ஸ் தயாரிப்பில் பெரிய பட்ஜெட்டில் வெளியாக உள்ளது. இத்திரைப்படத்தின் முதல் பாகத்தில் தேவி ஸ்ரீ பிரசாத் இசையமைத்திருந்த நிலையில் தற்போது புஷ்பா தி ரூல் திரைப்படத்திலும் இவரேதான் இசையமைத்துள்ளார்.

முதல் பாகத்தில் இவரின் இசையமைப்பில் வெளியான பாடல்கள் அனைத்தும் வெற்றி பெற்ற நிலையில் தற்போது பாகம் இரண்டிலும் ட்ரெண்டிங் பாடல்களை உருவாக்கி உள்ளார். இந்நிலையில் நேற்று சென்னையில் நடைபெற்ற “கிஸ்க்கி” பாடல் வெளியிட்டு விழாவின் போது தயாரிப்பாளரிடம் பேசியது கடும் சர்ச்சையை ஏற்படுத்தி உள்ளது.

இதையும் படிங்க :யாருன்னு எல்லாருக்கும் தெரியும் – காதலர் பற்றி ராஷ்மிகா பேச்சு!

இசையமைப்பாளர் தேவி ஸ்ரீ பிரசாத் பேசியது..

நேற்று சென்னையில் நடைபெற்ற “கிஸ்க்கி” பாடல் வெளியிட்டு விழாவின் போது மேடையில் நடிகர் அல்லு அர்ஜுன் மற்றும் ராஷ்மிகா மந்தனா இவர்கள் பேசியதைத் தொடர்ந்து இசையமைப்பாளர் தேவி ஸ்ரீ பிரசாத் பேசியிருந்தார். ஆரம்பத்தில் பேசிய அவர் புஷ்பா தி ரைஸ் படம் வெளியான பின் ரசிகர்களிடையே பெரும் வரவேற்பைப் பெற்ற நிலையில் தற்போது இந்த புஷ்பா தி ரூல் திரைப்படம் வெளியாக்குவதற்கு முன்பே ஒட்டு மொத்த இந்தியாவிலும் சரி பெரிய வரவேற்பைப் பெற்று வருகிறது.

புஷ்பா 1 திரைப்படத்திற்காக நடிகர் அல்லு அர்ஜுனுக்கு தேசிய விருது கிடைத்தது. அந்த விருது எனக்கும் கிடைத்தது மாதிரி தான். தொடர்ந்து பேசிய அவர் இப்படத்தைப் பார்த்தேன் மிகவும் அருமையாக இருந்தது என்றும் படத்தின் இறுதிக்கட்ட வேலைகள் நடந்து கொண்டிருப்பதால் இயக்குநர் சுகுமாரால் இந்த நிகழ்ச்சிக்குக் கூட வர முடியவில்லை என்றும் கூறினார்.

இதையும் படிங்க :முன்னாள் கணவர் குறித்து பேசிய நடிகை சமந்தா.. என்ன சொன்னார் தெரியுமா?

தயாரிப்பாளரைக் குறித்துப் பேசியது..

தொடர்ந்து மேடையில் பேசிய அவரை தெலுங்கில் பேசுமாறு ரசிகர்கள் கேட்டனர், இதனால் தெலுங்கில் பேச ஆரம்பித்த தேவி ஸ்ரீ பிரசாத் நமக்கு எது வேண்டுமோ அதைக் கேட்டுத்தான் வாங்க வேண்டும். தயாரிப்பாளர் தரும் சம்பளமாக இருந்தாலும் சரி அல்லது நாம் செய்த விஷயத்திற்கு நமக்குக் கிடைக்கும் பாராட்டாக இருந்தாலும் சரி நாம் கேட்டால்தான் கிடைக்கும் என்றும் நாம் எதுவும் கேட்காமல் அமைதியாக இருந்தால் தகுதியான மதிப்பை யாரும் கொடுக்க மாட்டார்கள் என்றும் கூறினார்.

இதையடுத்து தொடர்ந்து பேசிய இவர் ’’ரவி சார், நான் சரியான நேரத்தில் பாடலை தரவில்லை, சரியான நேரத்தில் இசையமைக்கவில்லை மற்றும் நிகழ்ச்சிக்குச் சரியான நேரத்தில் வரவில்லை என்று என்மேல் உங்களுக்கு அன்பு இருந்தாலும் நீங்கள் அதிகமாக என்மீது புகார்களைத் தான் அதிகமாகச் சொல்லி இருக்கீங்க என்றும், ஆனால் இன்று நான் நிகழ்ச்சிக்கு மிகச் சீக்கிரமாக வந்துவிட்டேன் ஆனால்  வருவதை ஷூட் செய்ய வேண்டும் என்று என்னை 25 நிமிடங்களுக்கு மேலாகக் காத்திருக்க வைத்தார்கள் இதில் என் மீது எந்த தவறுமில்லை சார்,

இதையும் படிங்க :லக்கி பாஸ்கர் ஓடிடி ரிலீஸ் தேதி அறிவிப்பு.. விவரம் சொன்ன நெட்பிளிக்ஸ்!

இந்த விஷயங்களைத் தனியாகச் சொன்னால் நன்றாக இருக்காது, ஏதுவாக இருந்தாலும் நேரடியாகக் கூறுவதே என் கேரக்டர் என்றும் அதனால்தான் நேரடியாக உங்களிடமே கூறினேன் என்று மேடையில் பேசிய தேவி ஸ்ரீ பிரசாத் தயாரிப்பாளரைத் திக்குமுக்காடச் செய்துவிட்டார்.

புஷ்பா 2 படத்தின் பின்னணி இசையிலிருந்து தேவி ஸ்ரீ பிரசாத் நீக்கப்பட்ட நிலையில் தற்போது இவருக்குப் பதிலாக தமன், அஜ்னீஷ் லோக்நாத் மற்றும் சாம் சி.எஸ் இவர்கள் இணைந்து இணைந்து உருவாக்கி வருகின்றனர்.

இதனிடையே தேவி ஸ்ரீ பிரசாத் எதற்காக புஷ்பா 2 படத்திலிருந்து நீக்கப்பட்டார் என்று ரசிகர்களிடையே பல கேள்விகள் இந்த நிலையில் தயாரிப்பாளருக்கும் இவருக்கும் இடையே பிரச்சினை என்பது தெளிவாகத் தெரிகிறது. இதன் காரணமாக இவர் இப்படத்திலிருந்து நீக்கப்பட்டிருக்கலாம் என்று சந்தேகங்கள் எழுந்து வருகிறது.

இதையும் படிங்க :தமிழில் தான் பேசுவேன்.. தெலுங்கு ரசிகர்களுக்கு ஷாக் கொடுத்த அல்லு அர்ஜூன்!