களைகட்டும் நெப்போலியன் மகன் திருமணம்… இணையத்தை கலக்கும் போட்டோஸ்

தனுஷ் அக்‌ஷயா

பிரபல நடிகர் நெப்போலியனின் மூத்த மகன் தனுஷின் திருமணம் நாளை நடைபெறவுள்ள நிலையில் மணமக்களின் போட்டோஷூட்  வீடியோ தற்போது இணையத்தில் வைரலாகி வருகின்றது. தமிழ் சினிமாவில் ஹீரோ, வில்லன், குணசித்திர நடிகர் என அனைத்து கதாப்பாத்திரத்திலும் தனது நடிப்பின் மூலம் ரசிகர்களை கட்டிப்போட்டவர் நெப்போலியன். இயக்குநர் பாரதிராஜா இயக்கத்தில் வெளியான ‘புது நெல்லு புது நாத்து’ என்ற படத்தின் மூலம் நடிகராக அறிமுகமானார். அதனை தொடர்ந்து நூற்றுக்கும் மேற்பட்ட ஹிட் படங்களில் நடித்துள்ளார் நெப்போலியன். சினிமா மட்டும் இன்றி அரசியலிலும் தனது பங்கை சிறப்பாக ஆற்றியுள்ளார் நெப்போலியன். தனது குடும்பத்திற்காக அரசியலை விட்டுவிட்டு அமெரிக்காவிற்கு சென்றுவிட்டார் நெப்போலியன். நெப்போலியனுக்கு, குணால் மற்றும் தனுஷ் என 2 மகன்கள் உள்ளனர் என்பது குறிப்பிடதக்கது.

கடந்த சில வருடங்களுக்கு முன்னர் பிரபல யூடியூப் சேனல் ஒன்றில் அமெரிக்காவில் உள்ள நெப்போலியனின் குடும்பம் தொடர்பான வீடியோ வெளியானது. அந்த நேரத்தில் நெப்போலியன் தனது மகன்களுக்காக செய்த பல விஷயங்களை மக்கள் பாராட்டினர். சிறந்த அப்பா நெப்போலியன் என்றும் அந்த வீடியோவிற்கு பிறகு பாராட்டப்பட்டார் நெப்போலியன்.

அதனை தொடர்ந்து நெப்போலியன் மற்றும் அவர்களது குடும்பம் தொடர்பான செய்திகளும் வீடியோக்களும் இணையத்தில் வைரலாகி வருகிறது. நெப்போலியனின் மூத்த மகன் தனுஷ் தசை சிதைவு நோயால் பாதிக்கப்பட்டடுள்ளார். அண்மையில் இவருக்கு திருமண நிச்சையம் நடைப்பெற்றது. வீடியோ கால் மூலமாக திருநெல்வேலி மாவட்டம் மூலக்கரைப்பட்டியைச் சேர்ந்த அக்ஷயாவுடன் திருமண நிச்சயதார்த்தம் நடைபெற்றது குறிப்பிடதக்கது.

Also read… நடிகை நயன்தாராவிற்கு பிடித்த சீரியல் இதுதானாம்… இணையத்தை கலக்கும் தகவல்

இந்த நிலையில் நாளை நெப்போலியனின் மூத்த மகன் தனுஷின் திருமணம் நடைபெற உள்ள நிலையில் ஒரு மாதத்திற்கு முன்னதாகவே நெப்போலியன் தனது குடும்பத்தினருடன் கப்பல் மூலமாக ஜப்பான் நாட்டிற்கு சென்றார். இந்த திருமணத்தில் கலந்து கொள்வதற்காக சினிமா பிரபலங்கள் பலர் ஜப்பான் சென்றுள்ளனர். அதில் நடிகர்கள் சரத்குமார், ராதிகா, குஷ்பு ,மீனா, டான்ஸ் மாஸ்டர் கலா, என திரையுலகப் பிரபலங்கள் பலர் ஜப்பான் சென்றிருக்கின்றனர்.

Also read… Bigg Boss Tamil Season 8: பிக்பாஸ் கொடுத்த டாஸ்க்… சிக்கித் தவிக்கும் வைல்ட் கார்ட் போட்டியாளர்கள்

திருமண நிகழ்ச்சியை பிரபல யூடுயூப் சேனல் நேரடியாக ஒளிபரப்பு செய்ய உள்ளதாக தகவல்கள் வெளியாகியுள்ளது. இதனை தொடர்ந்து திருமணத்தில் ஹல்தி, சங்கீத், மெஹந்தி போன்ற நிகழ்ச்சிகள் நடக்க இருப்பதாகவும் தகவல்கள் வெளியாகியுள்ளது. இதில் சங்கீத் நிகழ்ச்சியில் குஷ்பூ, ராதிகா உள்ளிட்ட நடிகைகள் நடனமாட வாய்ப்புகள் இருப்பதாகவும் ஒரு தகவல் வைரலாகி வருகின்றது.

ஜப்பானில் திருமணக் கொண்டாட்ட நிகழ்ச்சிகள் களைக்கட்டத் தொடங்கி உள்ளது. திருமணத்திற்கு முன்னதாக மணமக்கள் அக்‌ஷயா மற்றும் தனுஷ் எடுத்திருக்கும் ஃபோட்டோஷூட் வீடியோ இணையத்தில் வெளியாகி வைரலாகி வருகிறது. அதில் பிங்க் நிறத்தில் இருவரும் உடை அணிந்திருக்கிறார்கள். மேலும் இருவரும் ஜோடியாக பேசிக்கொண்டே வரும் காட்சிகள் இணையத்தில் வெளியாகி வைரலாகி வருகின்றது.