இந்த வாரம் ஓடிடியில் வெளியாகும் படங்கள் என்னென்ன… லிஸ்ட் இதோ

ஜெயிலர் படத்தின் வெற்றியை தொடர்ந்து நடிகர் ரஜினிகாந்த நடித்த படம் வேட்டையன். கூட்டத்தில் ஒருத்தன், ஜெய் பீம் ஆகிய படங்களை இயக்கிய இயக்குநர் ஞானவேல் இயக்கத்தில் ரஜினியின் நடிப்பில் வெளியான இந்தப் படத்தில் அமிதாப்பச்சன், ஃபகத் ஃபாசில், ராணா, மஞ்சு வாரியர், துஷாரா விஜயன், ரித்திகா சிங் உட்பட பலர் நடிக்கின்றனர். அனிருத் இசை அமைக்கும் இந்தப் படத்தை லைகா நிறுவனம் தயாரித்துள்ளது. தவறு செய்பவர்களுக்கு என்கவுண்டர் தான் ஒரே தீர்ப்பு என்று நினைக்கும் போலீஸ் அதிகாரியாக உள்ள ரஜினி  அதே நேரத்தில் என்கவுண்டரே இருக்க கூடாது என்று போராடும் அமிதாப் பச்சன் இவர்கள் இருவருக்கும் நடக்கும் மோதல் தான் படத்தின் கதை. துஷாரா விஜயன் சென்னையில் ஒரு வேலை வருகிறார். அப்படி சென்னைக்கு வந்த இடத்தில் அசல் கோளாரால் கொலை செய்யப்படுவதாக கூறப்படுகிறது. இதனால் ரஜினிகாந்த் அசல் கோளாரை என்கவுண்டர் செய்துவிடுகிறார். பின்பு விசாரணையில் அசல் நல்லவன் என்பது தெரியவர துஷாராவை கொலை செய்தது  யார் என்ற தேடுதல் வேட்டையில் ரஜினி தொடங்க அதன் பின் என்ன ஆனது என்பது தான் படத்தின் கதை. இந்த நிலையில் படம் வருகின்ற 8-ம் தேதி அமேசான் ப்ரைம் ஓடிடியில் வெளியாகவுள்ளது.

இயக்குநர் சீனு ராமசாமி இயக்கத்தில் உருவான ‘கோழிப்பண்ணை செல்லதுரை’ படம் கடந்த செப்டம்பர் மாதம் 18-ம் தேதி திரையரங்குகளில் வெளியானது.  இயக்குநர் சீனு ராமசாமி முன்னதாக இயக்கிய தென்மேற்கு பருவக்காற்று, நீர்ப்பறவை, தர்மதுரை, மாமனிதன் ஆகிய படங்கள் ரசிகர்கள் இடையே நல்ல வரவேற்பை பெற்றது. மாமனிதன் திரைப்படம், பல்வேறு சர்வதேச திரைப்பட விழாக்களில் பங்கு பெற்று பல விருதுகளை வென்றது. சீனு ராமசாமி இயக்கிய இந்தப் படத்தில் யோகி பாபு, புதுமுகங்கள் ஏகன், பிரிகிடா, ஐஸ்வர்யா தத்தா, தினேஷ் முத்தையா, சத்யா உட்பட பலர் நடித்துள்ளனர். அசோக்ராஜ் ஒளிப்பதிவு செய்திருந்தார். என்.ஆர்.ரகுநந்தன் இந்தப் படத்திற்கு இசை அமைதிருந்தார். படம் திரையரங்குகளில் வெளியாகி கலவையான விமர்சனத்தைப் பெற்ற நிலையில் படத்தின் ஓடிடி வெளியீடு குறித்த தகவல்க் வெளியாகியுள்ளது. அதன்படி படம் வருகின்ற 5-ம் தேதி அமேசான் ப்ரைம் ஓடிடியில் வெளியாகியுள்ளது.

தமிழில் தனுஷ் நடித்த மாரி 2 படத்தில் வில்லனாக அறிமுகமானார் டொவினோ தாமஸ். கடந்த ஆண்டு இவர் நடிப்பில் வெளியான 2018 படம் சர்வதேச அளவில் அங்கீகாரம் பெற்றதுடன் பலவிருதுகளை வென்று பாக்ஸ் ஆஃபீஸிலும் சாதனை படைத்தது. மலையாளத் திரையுலகின் நம்பிக்கை நட்சத்திரமாக வலம் வரும் டொவினோ தாமஸின் நடிப்பில் வெளியான மாயநதி, மின்னல் முரளி, தல்லுமாலா ஆகிய படங்கள் மலையாளம் மட்டுமின்றி மற்ற மொழி சினிமா ரசிகர்களின் வரவேற்பைப் பெற்றது. இந்த ஆண்டு டொவினோ தாமஸ் நடித்து வெளியான அன்வேஷிப்பின் கண்டேதும் படமும் ரசிகர்களிடையே நல்ல வரவேற்பைப் பெற்றது. ஒவ்வொரு படத்திலும் தனது நடிப்பில் வித்தியாசத்தை காட்டும் நடிகர் டொவினோ நடிப்பில் முன்னதாக வெளியான ‘மின்னல் முரளி’ படம் சூப்பர் ஹிட் அடித்தது. தற்போது டொவினோ தாமஸ் நடிப்பில் பெரிதும் எதிர்பார்க்கப்பட்ட படம் ‘அஜயந்தே ரண்டாம் மோஷனம்’. பீரியட் டிராமாவாக உருவான இப்படத்தை அறிமுக இயக்குநர் ஜிதின் லால் இயக்கியுள்ளார். இந்தப் படத்தில் கிருத்தி ஷெட்டி, பாசில் ஜோசப், ஐஸ்வர்யா ராஜேஷ், சுரபி லட்சுமி, சிவாஜித் மற்றும் அஜு வர்கீஸ் உள்ளிட்ட பலர் நடித்துள்ளனர். திபு நினன் தாமஸ் இசையமைத்துள்ளார். இந்தப் படம் முன்னதாக திரையரங்குகளில் வெளியாகி ரசிகரக்ளிடையே நல்ல வரவேற்பைப் பெற்றது. இந்த நிலையில் படம் வருகின்ற 8-ம் தேதி ஹாட்ஸ்டார் ஓடிடியில் வெளியாகவுள்ளதை படக்குழு அறிவித்துள்ளது.