வெளியானது ராம் சரணின் கேம் சேஞ்சர் படத்தின் ரிலீஸ் தேதி!

இயக்குநர் ஷங்கர் இயக்கத்தில் நடிகர் ராம் சரண் நடிப்பில் உருவாகியுள்ள கேம் சேஞ்சர் படத்தின் வெளியீடு குறித்த தகவல் வெளியாகியுள்ளது. தெலுங்கு திரையுலகின் பிரபலமான நடிகர்களில் ஒருவர் ராம்சரண். டோலிவுட் ரசிகர்களால் மெகாஸ்டார் என்று கொண்டாடப்படும் சிரஞ்சீவியின் மகனான இவர் மாவீரா என்ற படத்தின் மூலம் தென்னிந்திய ரசிகர்களின் மனதில் இடம் பிடித்தார். ஆர்.ஆர்.ஆர். படம் இவரது புகழை உலகம் முழுவதும் கொண்டு சேர்த்தது. இந்த நிலையில் இயக்குநர் ஷங்கர் இயக்கத்தில் ‘கேம் சேஞ்சர் என்ற படத்தில் நாயகனாக நடிக்கிறார் ராம் சரண். கார்த்திக் சுப்பராஜ் கதைக்கு ஷங்கரின் திரைக்கதை மற்றும் இயக்கத்தில் உருவாகி வரும் படம் கேம் சேஞ்சர். இதில் ராம் சரணுக்கு ஜோடியாக பிரபல பாலிவுட் நடிகை கியாரா அத்வானி நடித்துள்ளார்.

இயக்குநர் ஷங்கர் இயக்கத்தில் ராம் சரண் ஹீரோவாக நடித்துள்ள படம் ‘கேம் சேஞ்சர்’. இதில் கியாரா அத்வானி நாயகி. அஞ்சலி, எஸ்.ஜே.சூர்யா, ஸ்ரீகாந்த், சமுத்திரக்கனி, நவீன் சந்திரா, ஜெயராம், சுனில் உட்பட பலர் நடித்துள்ளனர். ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜு, மெகா பட்ஜெட்டில் தயாரிக்கிறார். தமன் இசையமைத்துள்ளார்.

Also read… தேசிய விருது வென்ற மகிழ்ச்சி… குடும்பத்துடன் கொண்டாடிய நித்யா மேனன்!

ஆர்.ஆர்.ஆர். படத்திற்கு பிறகு ராம்சரண் நடிக்கும் படம் என்பதால் அவரது ரசிகர்கள் இந்த படத்தின் வெளியீட்டிற்காக காத்துள்ளனர். ‘கேம் சேஞ்சர்’ திரைப்படத்தின் படப்பிடிப்பு ஆரம்பமானது முதல் படக்குழு பல்வேறு தடைகளை சந்தித்து வந்தது. இந்த நிலையில் இத்திரைப்படம் மே மாதம் வெளியாகும் என எதிர்பார்க்கப்பட்டது. ஆனால் வெளியாகவில்லை. அதேபோல், கமல்ஹாசன் நடிப்பில் ‘இந்தியன் 2’ படத்தின் பணிகளுக்கு மத்தியில் இயக்குநர் சங்கர் ‘கேம் சேஞ்சர்’ படத்தை இயக்கியுள்ளதால் இத்திரைப்படத்தின் மீதான எதிர்பார்ப்பு ரசிகர்களிடையே அதிகரித்திருந்தது. கடந்த ஜூலை இந்தியன் 2 படம் வெளியாகி எதிர்ப்பார்த்த வெற்றியை பெறாத நிலையில் கேம் சேஞ்சர் எப்படி இருக்கும் என்ற கேள்வி ரசிகர்களிடம் எழுந்துள்ளது.

Also read… தேவதை வம்சம் நீயோ… நடிகை மிருணாள் தாக்கூரின் அழகிய ஆல்பம்!

கடந்த 2021-ம் ஆண்டு இப்படத்தின் படப்பிடிப்பு தொடங்கியது. ஹைதராபாத், நியூசிலாந்து, ஆந்திரப் பிரதேசம், மும்பை மற்றும் சண்டிகர் ஆகிய நகரங்களில் படமாக்கப்பட்டுள்ளது. கிட்டத்தட்ட 3 ஆண்டுகள் இப்படத்தின் படப்பிடிப்பு நடைபெற்று வந்த நிலையில் ஜூலையில் படப்பிடிப்பு நிறைவு பெற்றது. போஸ்ட் புரொடக்‌ஷன் பணிகளுக்குப் பிறகு படம் டிசம்பர் மாதம் திரையரங்குகளில் வெளியாகும் என தெரிவிக்கப்பட்டிருந்தது.

#Gamechanger pic.twitter.com/Zo9QVeCR24

— Shankar Shanmugham (@shankarshanmugh) October 12, 2024

அதன்படி கேம். சேஞ்சர் திரைப்படம் பொங்கல் தினத்தை முன்னிட்டு வரும் ஜனவரி மாதம் 10-ந் தேதி வெளியாகும் என்று அறிவிக்கப்பட்டுள்ளது. இந்த அறிவிப்பு ரசிகர்கள் மத்தியில் பெரிய எதிர்பார்ப்பை ஏற்படுத்தியுள்ளது. இதே நாளில் சிரஞ்சீவி நடித்துள்ள ‘விஸ்வம்பரா’ திரைப்படம் திரையரங்குகளில் வெளியாக உள்ளது. தந்தை – மகன் இருவரின் திரைப்படங்களும் ஒரே நாளில் வெளியாக உள்ளது குறிப்பிடத்தக்கது.