புஷ்பா 2 படத்தின் டப்பிங் பணியை தொடங்கிய ராஷ்மிகா மந்தனா!

ராஷ்மிகா மந்தனா

நடிகர் அல்லு அர்ஜூன் மற்றும் ராஷ்மிகா மந்தனா நடிப்பில் உருவாகிவரும் புஷ்பா 2 படத்தில் தனது கதாப்பாத்திரத்திற்கு டப்பிங் பணியை தொடங்கினார் நடிகை ராஷ்மிகா மந்தனா. கடந்த 2016-ம் ஆண்டு ‘கிரிக் பார்ட்டி’ என்கிற திரைப்படத்தில் நாயகியாக அறிமுகமாகும் வாய்ப்பு கிடைத்தது ராஷ்மிகா மந்தனாவிற்கு. இதற்கு முன்னர் சில படங்களில் சிறு சிறு வேடங்களில்  நடிக்க வாய்ப்பு கிடைத்த போதிலும் அதனை நிராகரித்தார் நடிகை ரஷ்மிகா. தன்னுடைய திறமைக்கு ஏற்ற வாய்ப்பு அமைந்தால் மட்டுமே நடிக்க வேண்டும் என்பதில் உறுதியாக இருந்தார் ராஷ்மிகா. நடிகை ராஷ்மிகா மந்தனா என்றால் அவரது ரசிகர்கள் தொடங்கி தெலுங்கு சினிமா உலகின் முன்னணி நடிகர்கள் வரை பலரும் கூறுவது, நேஷ்னல் கிரஷ் என்பதுதான். தமிழ், தெலுங்கு, கன்னடா, ஹிந்தி என பான் இந்திய நடிகையாக வலம் வருபவர் நடிகை ராஷ்மிகா மந்தனா.

கடந்த 2021-ம் ஆண்டு தமிழில் வெளியான நடிகர் கார்த்தியின் சுல்தான் திரைப்படத்தில் நாயகியாக நடித்தார். இதனால் தமிழ் ரசிகர்களின் கவனத்தைப் பெற்றார் என்பதை விட இதற்கு முன்னதாக தெலுங்கில் வெளியான கீதா கோவிந்தம் படம் மூலமாக தெலுங்கு மட்டும் இன்றி தமிழ் ரசிகர்களின் மனதில் இடம் பிடித்தார்.

தொடர்ச்சியாக தமிழில் நடிகர் விஜய் நடிப்பில் வெளியான வாரிசு என்கின்ற திரைப்படத்தில் நடித்த ராஷ்மிகா, தற்பொழுது தனுஷின் குபேரா திரைப்படத்திலும் நடித்து வருகிறார். நடிகை ராஷ்மிகா மந்தனா, அல்லு அர்ஜுனுடன் ‘புஷ்பா 2’, இந்தியில் ‘ஜாவா’, சல்மான்கானுடன் ‘சிக்கந்தர்’ உட்பட சில படங்களில் தற்போது நடித்து வருகிறார்.

Also read… 2024-ம் ஆண்டு இதுவரை வெளியான படங்களில் அதிக வசூலை ஈட்டிய படங்களின் லிஸ்ட் இதோ

முன்னதாக ஹிந்தி படத்தில் நடிக்க ஆர்வம் அதிகரித்து அனிமல் படத்தில் நடித்தார். நடிகர் ரன்வீர் கபூரின் மனைவியாக இந்தப் படத்தில் நடித்திருந்தார் ராஷ்மிகா. இந்த படத்தில் ராஷ்மிகா மந்தனா கவர்ச்சியான காட்சிகளில் மட்டும் இல்லாமல், படுக்கையறை காட்சிகளிலும் நடித்தது பாலிவுட் உலகின் டாப் கதாநாயகிகளே ஆச்சரியப்படும் அளவிற்கு கவர்ச்சியாக நடித்து இருந்தார். இதனால் தற்போது பாலிவுட்டிலும் பிசியான நடிகையாக மாறிவிட்டார் ராஷ்மிகா மந்தனா.

தற்போது புஷ்பா 2 படத்தின் பணிகளில் பிசியாக இருக்கிறார் ராஷ்மிகா மந்தனா. இயக்குநர் சுகுமார் இயக்கத்தில் நடிகர்கள் அல்லு அர்ஜுன், ராஷ்மிகா மந்தனா, ஃபஹத் ஃபாசில், சுனில் உள்ளிட்டோர் நடித்து கடந்த 2021-ம் ஆண்டு வெளியான படம், ‘புஷ்பா: தி ரைஸ்’. செம்மரம் தொடர்பான வேலையில் கூலித் தொழிலாளியாக வாழ்க்கையைத் தொடங்கும் புஷ்பா கதாபாத்திரம் எப்படி ஒரு கடத்தல் கும்பல் தலைவனாகிறது என்பதுதான் படத்தின் ஒன்லைன்.

Also read… Bigg Boss Tamil Season 8: பிக்பாஸில் வர்ஷினிக்கு எதிராக போராட்டம் பன்னும் மற்ற போட்டியாளர்கள் – வெளியானது வீடியோ

இந்தப் படத்துக்கு தேவி ஸ்ரீ பிரசாத் இசை அமைத்திருந்தார். முதல் பாகத்தில் வெளியான பாடல்கள் அனைத்தும் தமிழ், தெலுங்கு, ஹிந்தி, மலையாளம் என அனைத்து மொழி ரசிகரக்ளிடையேயும் ஹிட் அடித்தது. படம் வசூலில் மாஸ் காட்டியிருந்தது.

இந்த நிலையில் இந்தப் படத்தின் இரண்டாம் பாகம் எப்போது வெளியாகும் என்று ரசிகர்கள் எதிர்பார்த்து காத்திருந்த நிலையில் படம் வருகின்ற டிசம்பர் 6-ம் தேதி திரையரங்குகளில் வெளியாகும் என்று முன்னதாக படக்குழு அறிவித்திருந்தது.

படத்தின் பணிகள் விறுவிறுப்பாக நடைப்பெற்று வரும் நிலையில் ராஷ்மிகா மந்தனா தனது கதாப்பாத்திரத்திற்கு டப்பிங் பேசும் பணிகளை தற்போது தொடங்கியுள்ளார். இது தொடர்பான புகைப்படங்கள் தற்போது இணையத்தில் வெளியாகி வைரலாகி வருகின்றது.