ரீ-ரிலிசான கில்லி திரைப்படம்.. திரிஷாவின் சமூகவலைதள பதிவு வைரல்..!

தமிழகத்தில் ’கில்லி’ திரைப்படம்  மீண்டும் ரீ-ரிலிஸ் செய்யப்பட்டுள்ள நிலையில், நடிகை த்ரிஷா 2004 இல் கில்லி படத்தை முதல் நாள், முதல் காட்சியில் பார்த்த அனுபவத்தை மீண்டும் இப்போது உணர்கிறேன் என்று எக்ஸ் தளத்தில் வாயிலாக தனது மகிழ்ச்சியை தெரிவித்துள்ளார்.

தமிழகத்தில் சமீக காலமாக 90-களில் வெளிவந்த திரைப்படங்கள் மீண்டும் திரையரங்குகளில் திரையிடப்படுவது ட்ரெண்டிங்கில் உள்ளது. 2023 ஆம் ஆண்டு கடைசியில் சென்னை கமலா தியேட்டரில் ‘3’ திரைப்படம் வெளியாகி மிகப்பெரிய வரவேற்ப்பை பெற்றது. ’3’ படத்தின் வெற்றியைத்தொடர்ந்து, வாரணம் ஆயிரம், கோ, முத்து, மயக்கம் என்ன, வாரணம் ஆயிரம், வல்லவன் ஆகிய படங்கள் கடந்த 2 மாதங்களில் ரீ-ரிலீஸ் செய்யப்பட்டது. இந்த ரீ-ரிலீஸ் கலாச்சாரம் எதிர்பார்த்ததை விட மிகப்பெரிய வெற்றியைப் பெற்றுள்ளதால் அடுத்ததாக படையப்பா, கில்லி, பையா படங்கள் ரீலிஸ் செய்யப்பட உள்ளதாக அறிவிக்கப்பட்டது.

ஏ.எம். ரத்னம் தயாரிப்பில், தரணி இயக்கத்தில், இளைய தளபதி விஜய்-த்ரிஷா நடிப்பில் 2004 ஆம் ஆண்டு வெளியான கில்லி திரைப்படம் தமிழகம் முழுவதும் திரையரங்கில் மீண்டும் ரிலீஸ் செய்யப்பட்டுள்ளது. இந்த திரைப்படத்தில் பிரகாஷ்ராஜ், ஆசிஷ் வித்யார்த்தி, தாமு, மயில்சாமி, நாகேந்திர பிரசாத், பொன்னம்பலம் உள்ளிட்ட பலர் நடித்திருந்தனர்

இன்று தமிழகம் முழுவதும் விஜய் நடித்துள்ள கில்லி திரைப்படம் மீண்டும் ரிலீஸ் செய்யப்பட்ட நிலையில், மிகப்பெரிய வரவேற்ப்பை பெற்று வருகிறது. வெகு நாட்களாக ரசிகர்கள் எதிர்பார்த்து காத்திருந்த திரைப்படம் என்பதால், எதிர்பார்த்ததை விட மிகப்பெரிய அளவில் முதல் நாளே ரசிகர்கள் கூட்டம் இருந்ததாக திரையரங்க உரிமையாளர்கள் தெரிவித்துள்ளனர். இது தொடர்பாக நடிகை திரிஷா வெளியிட்டுள்ள பதிவு சமூக வலைதளங்களில் லைக்ஸ்களை குவித்துவருகிறது.

கில்லி திரைப்படத்தில் கபடி வீரராக வாழ்ந்திருந்த விஜய், கபடி போட்டிக்காக மதுரைக்கு செல்லும்போது, அங்கு வில்லன் பிரகாஷ்ராஜ்ஜிடம் சிக்கிக்கொண்டிருந்த த்ரிஷாவை காப்பாற்றும் எண்ணத்த்தில் போட்டியில் கலந்துகொள்ளாமல் ஆபத்திலிருந்து காப்பாற்றுவார். காதல், சண்டைக்காட்சி, காமெடி என பல்வேறு பரிமாணங்களைக் கொண்ட கில்லி திரைப்படம் 8 கோடி ரூபாய் பட்ஜெட்டில் உருவான கில்லி திரைப்படம் 50 கோடி ரூபாய்க்கும் அதிகமாக வசூலித்து சாதனை படைத்தது.

கில்லி படத்தில் இடம்பெற்ற அனைத்து பாடல்களும் மிகப்பெரிய வரவேற்பை பெற்ற நிலையில், இன்றளவும், கபடி விளையாடும் போது ஒலிக்கும் பிண்ணனி இசையாக கேட்கமுடிகிறது. அந்த அளவிற்கு பாடல்களும் படத்திற்கு பலம் சேர்த்தது என்றே சொல்லலாம்.

திரைப்படம் இன்று வெளியான நிலையில், த்ரிஷா தனது மகிழ்ச்சியை வெளிப்படுத்தியுள்ளார். இது குறித்து த்ரிஷா தனது எக்ஸ் பக்கத்தில் பதிவிட்டுள்ளதாவது, 2004 இல் கில்லி படத்தை முதல் நாள் முதல் காட்சியில் பார்த்த அனுபவத்தை மீண்டும் இப்போது உணர்கிறேன். என்று கூறியுள்ளார். திரிஷாவின் பதிவு தற்போது லைக்ஸ்களை குவித்து வருகிறது. இதன் கமெண்ட் பகுதியில் ரசிகர்கள் த்ரிஷாவை வாழ்த்தி பாராட்டி பதிவிட்டு வருவது இன்றளவும் கில்லி திரைப்படத்தையும், த்ரிஷாவையும் ரசிகர்கள் கொண்டாடி வருவதை பார்க்கமுடிகிறது.