Bigg Boss Tamil Season 8: கண்ணீருடன் பிக்பாஸ் வீட்டை விட்டு வெளியேறிய சாச்சனா – வெளியானது வீடியோ

பிக்பாஸ் தமிழ் சீசன் 8 நிகழ்ச்சியில் இருந்து சாச்சனா அதிரடியாக வெளியேற்றப்பட்ட வீடியோ இணையத்தில் வைரலாகி வருகின்றது. விஜய் டிவியின் பிக்பாஸ்  நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். தமிழில் 7 சீசன்கள் முடிவடைந்த நிலையில் அடுத்ததாக 8-வது சீசன் இன்று முதல் ஒளிபரப்பாக உள்ளது. முன்னதாக 7 சீசனை உலக நாயகன் கமல் ஹாசன் தொகுத்து வழங்கினார். அவர் நிகழ்ச்சியை விட்டு விலகிய நிலையில் தற்போது இந்த 8-வது சீசனை நடிகர் விஜய் சேதுபதி தொகுத்து வழங்கிறார்.

முதல் சீசனில் ஆரவ் கோப்பையை வென்றார், அதே சமயம் ரித்விகா இரண்டாவது சீசனில் பாடகர் மற்றும் நடிகர் முகேன் ராவ் மூன்றாவது சீசனையும், நடிகர்கள் ஆரி அர்ஜுனா மற்றும் ராஜு ஜெயமோகன் நான்காவது மற்றும் ஐந்தாவது சீசனில் வெற்றியாளர்களாக அறிவிக்கப்பட்டனர். ஆறாவது மற்றும் ஏழாவது சீசனில் அசீம் மற்றும் அர்ச்சனா வெற்றியாளர்களாக அறிவிக்கப்பட்டனர்.

பிக்பாஸ் நிகழ்ச்சியில் கலந்து கொண்ட பிரபலங்களுக்கு பிரபலத்தோடு சினிமாவில் நடிப்பதற்கான வாய்ப்பும் கிடைப்பதால், சினிமாவில் நடிக்க விரும்பும் நடிகர்களின் பார்வை மொத்தமும் நிகழ்ச்சி போட்டியாளர்களின் தேர்வு பட்டியலின் பக்கம் சென்றது.

Also read… நிறைவடைந்தது சூர்யா 44 படப்பிடிப்பு… நெகிழ்ச்சி பதிவிட்ட சூர்யா!

நேற்று தொடங்கிய பிக்பாஸ் நிகழ்ச்சியில் இரண்டாவது போட்டியாளராக வீட்டிற்குள் நுழைந்தார் நடிகை சாச்சனா. இவர் கடைசியாக விஜய் சேதுபதி நடிப்பில் வெளியான, ‘மகாராஜா’ படத்தில் விஜய் சேதுபதிக்கு மகளாக நடித்து மிகவும் பிரபலமானார். குறிப்பாக சாச்சனா நேமிதாசின் எதார்த்தமான நடிப்பு பல ரசிகர்களை கவர்ந்தது. ‘நீ யாரை கேட்டு வந்த..?’ என விஜய் சேதுபதி எடுத்தவுடன் ஒரு கேள்வியை கேட்டார். அதன் பின் அவரை பற்றிய சில விஷயங்களையும் மேடையில் பேசினார். அவர் எப்படிப்பட்டவர் என்பது எனக்கு நன்றாகவே தெரியும் என சில விஷயங்களை கூறினார்.

மேலும் சாச்சனாவுக்கு அட்வைஸ் கொடுத்த விஜய் சேதுபதி, ‘உனக்கு எப்படி தோனுதோ அப்படி என்ன கூப்பிடு. அப்பானு கூப்ட தோனுச்சுனா அப்டி கூப்டு, இல்லை சார்னு கூப்ட தோனுச்சுனா அப்படி கூப்பிடு. ஆனால் சரியா விளையாடாம வார இறுதியில் வந்து அப்பா என சொல்லி என்னை ஏமாத்திடாத என தெரிவித்திருந்தார்.

Also read… ‘மெய்யழகன்’ படத்தில் நடிக்க இதுதான் காரணம் – நடிகர் கார்த்தி விளக்கம்

இந்த முறை வீடு, களம், போட்டியாளர்கள், விதிகள் என எல்லாமே புதியதாக அமைக்கப்பட்டுள்ளது. ஆரம்ப எபிஸோடே ஆண்களா ? பெண்களா? எனும் விவாதத்துடன் களை கட்ட ஆரம்பித்துள்ளது. கடந்த 7 வருடங்களாக, ஒவ்வொரு சீசனிலும், பல புதுமைகளோடு, மக்களிடம் வரவேற்பைப் பெற்ற, பிக்பாஸ் நிகழ்ச்சியின் புதிய 8வது சீசன், நேற்று கோலாகலமாக ஆரம்பமானது. இந்த முறை, நடிகர் விஜய் சேதுபதி ஹோஸ்டாக களமிறங்கி, புதிய போட்டியாளர்களை தன் பாணியில் அறிமுகப்படுத்தி, நிகழ்ச்சியைத் துவக்கினார்.

நேற்று நிகழ்ச்சியின் முடிவில், பார்வையாளர்களிடம் உரையாடிய விஜய் சேதுபதி, “இந்த முறை ஆளும் புதுசு ஆட்டமும் புதுசு” எனும் பிக்பாஸ் தீமுக்கு ஏற்றவாறு, பிக்பாஸ் வரலாற்றில் முதல் முறையாக, பங்கேற்பாளர்களிலிருந்து ஒருவர், 24 மணி நேரத்தில் வெளியேற்றப்படவுள்ளார் என அறிவித்தார். இந்த அறிவிப்பு போட்டியாளர்கள் அனைவரையும் பெரும் அதிர்ச்சிக்குள்ளாக்கியது. இந்த நிலையில் இந்த நிகழ்ச்சியில் இருந்து இன்று மகாராஜா படத்தில் விஜய் சேதுபதியின் மகளாக நடித்த சாச்சனா வெளியேற உள்ளது நிகழ்ச்சி குழு வீடியோ வெளியிட்டு அறிவித்துள்ளது. இது தற்போது இணையத்தில் வைரலாகி வருகின்றது.