சின்னத்திரை டூ வெள்ளித்திரை… நாயகியாக களமிறங்கும் ’சிறகடிக்க ஆசை’ சீரியல் நடிகை!
Siragadikka Aasai: சிறகடிக்க ஆசை எனும் சீரியல் ஒளிபரப்பாகி வருகிறது. எதிர்பாராத சூழ்நிலையில் திருமணம் செய்து கொள்ளும் மீனா மற்றும் முத்துக்குமாரை மையப்படுத்தி சிறகடிக்க ஆசை சீரியலின் கதை நகர்கிறது. இந்த சீரியலில் வரும் முத்துவின் கதாப்பாத்திரத்திற்கு இளைஞர்களிடையே நல்ல வரவேற்பை பெற்றுள்ளது.
தமிழகத்தின் முன்னணி சேனல்கள் அனைத்திலுமே தவறாமல் ஒளிபரப்பாகி வருகின்றன சீரியல்கள். பிரபல சேனல்களில் மதிய நேரங்களில் டெலிகாஸ்ட் செய்யப்பட்டு வரும் சீரியல்கள் இல்லத்தரசிகளையும், மாலை பிரைம் டைமிங்கில் டெலிகாஸ்ட் செய்யப்பட்டு வரும் சீரியல்கள் இளைஞர்கள் உட்பட அனைத்து தரப்பினரையும் கவர்ந்து TRP ரேட்டிங் லிஸிட்டில் இடம்பிடித்து வருகின்றன. சினிமா படங்களுக்கு ரசிகர்கள் லட்சக்கணக்கில் இருப்பதைப் போன்று டிவிகளில் ஒளிபரப்பாகி வரும் நெடுந்தொடருக்கு ஏராளமான ரசிகர்கள் உள்ளனர். அதோடு சீரியல்களில் நடிக்கும் நடிகர்களை தங்களுக்கு மிகவும் பரிச்சயமானவர்கள் போல அன்பு செலுத்தி வருகிறார்கள் பார்வையாளர்கள்.
பல தொலைக்காட்சிகள் பல விதமான தொடர்களை ஒளிபரப்பி வருகிறது. ஆனால் எப்போதும் போட்டி என்னவோ சன் டிவிக்கும், விஜய் டிவிக்கும் தான், இந்த இரண்டு சேனல்களின் தொடர்களுக்கு மவுசு அதிகம் என்றே கூறலாம்.
இந்நிலையில் சீரியல்களுக்கு பிரபலமான விஜய் டிவியில் கடந்த ஜனவரி 23-ம் தேதி முதல் இரவு நேரம் சிறகடிக்க ஆசை எனும் சீரியல் ஒளிபரப்பாகி வருகிறது. எதிர்பாராத சூழ்நிலையில் திருமணம் செய்து கொள்ளும் மீனா மற்றும் முத்துக்குமாரை மையப்படுத்தி சிறகடிக்க ஆசை சீரியலின் கதை நகர்கிறது. இந்த சீரியலில் வரும் முத்துவின் கதாப்பாத்திரத்திற்கு இளைஞர்களிடையே நல்ல வரவேற்பை பெற்றுள்ளது.
பிரைம் டைம் எனப்படும் இரவு 9 மணிக்கு இந்த சீரியல் ஒளிபரப்பாகி வருவதோடு, இதன் திரைக்கதையும் விறுவிறுப்பாக செல்வதால் இதற்கான ரசிகர் வட்டம் பெரிதாகி வருகிறது. முன்னாள் காதலி ஜீவாவிடம் இருந்து பெற்ற பணத்தை மனோஜ் மற்றும் ரோகிணி வீட்டில் உள்ளவர்களிடம் இருந்து மறைத்தது, முத்து மற்றும் மீனா இருவக்கும் திருமணம் ஆகி ஒரு வருடம் ஆனதை வீட்டில் உள்ளவர்கள் கொண்டாடியது என கடந்த எபிசோடுகள் சென்றது.
இந்நிலையில் இந்த சீரியலில் நடிக்கும் நடிகை ஒருவர் வெள்ளிதிரைக்கு நாயகியாக செல்ல உள்ளார். இது குறித்த தகவல் வெளியாகி ரசிகர்கள் வாழ்த்து தெரிவித்து வருகின்றனர். அந்த வகையில் இந்த சீரியலில் நாயகியாக நடிக்கும் கோமதி பிரியாவிற்கு சினிமா வாய்ப்புகள் வந்த போதும் அவர் தமிழ் மலையாளம் என இரண்டு மொழி சீரியல்களிலும் நடிப்பதால் வெள்ளிதிரை வாய்ப்புகளை தவிர்த்து வருகிறார்.
தற்போது இந்த சீரியலில் மீனாவின் தங்கையாக நடிக்கும் சீதாவிற்கு வெள்ளிதிரையில் நாயகியாக நடிக்க வாய்ப்பு கிடைத்துள்ளது. அதன்படி அவர் முதல் திரைப்படத்திற்கான பூஜை சென்னையில் நடைபெற்றிருக்கிறது. அந்த பூஜையில் எடுத்த புகைப்படங்களை சங்கீதா தன்னுடைய இன்ஸ்டாகிராம் பக்கத்தில் பகிர்ந்து இருக்கிறார். அதில் சங்கீதா கதாநாயகியாக நடிக்கும் திரைப்படத்திற்கு “குற்றம் புதிது” என்று டைட்டில் உருவாக்கப்பட்டுள்ளது. இந்த திரைப்படத்தை ரஞ்சித் என்பவர் இயக்கியிருக்கிறார். இதற்கு ரசிகர்கள் தற்போது வாழ்த்து தெரிவித்து வருகின்றனர்.
