Theatre Release Movies: சொர்க்கவாசல் முதல் மிஸ் யூ வரை… இந்த வாரம் கோலிவுட்டில் என்ன படம் பார்க்கலாம்?

சொர்க்கவாசல், மிஸ் யூ

தமிழ் சினிமாவில் நடிகராக அறிமுகம் ஆவதற்கு முன்னரே மக்கள் மத்தியில் நன்கு பிரபலம் ஆனவர் ஆர்.ஜே. பாலாஜி. தனது வானொலி நிகழ்ச்சிகள் மூலம் நல்ல வரவேற்பை மக்கள் மத்தியில் பெற்ற வரவேற்பின் மூலம்தான் தமிழ் சினிமாவிற்குள் நடிகராக அறிமுகம் ஆனார். தான் நடித்த படங்களின் மூலம் தமிழ் ரசிகர்களின் கவனம் ஈர்த்தார். நடிப்பது மட்டும் இல்லாமல், எல்.கே.ஜி., மூக்குத்தி அம்மன், வீட்ல விசேஷம் போன்ற படங்களை இயக்கி நடிக்கவும் செய்தார். இந்த நிலையில் தற்போது நடிகர் ஆர்.ஜே.பாலாஜி சொர்க்கவாசல் என்ற படத்தில் நடித்துள்ளார். இந்தப் படத்தை இயக்குநர் பா.ரஞ்சித்திடம் உதவி இயக்குநராக இருந்த சித்தார்த் விஸ்வநாத் இயக்கியுள்ளார். இவர் இயக்குநராக இந்தப் படத்தில் அறிமுகம் ஆகியுள்ளார். இந்த படத்தின் ட்ரெய்லர் சமீபத்தில் வெளியாகி நல்ல வரவேற்பைப் பெற்ற நிலையில் படம் வருகின்ற 29-ம் தேதி திரையரங்குகளில் வெளியாகவுள்ளது குறிப்பிடதக்கது.

நடிகர் சித்தார்த் நடிப்பில் உருவாகியுள்ள் ‘மிஸ் யூ’ படத்தின் ட்ரெய்லரைப் படக்குழு வெளியிட்டுள்ளது. ‘சித்தா’ படத்தின் வெற்றியை தொடந்து நடிகர் சித்தார்த் நாயகனாக தற்போது நடித்திருக்கும் படம், ‘மிஸ் யூ’. இந்தப் படத்தை ‘மாப்ள சிங்கம்’, ‘களத்தில் சந்திப்போம்’ படங்களை இயக்கிய என்.ராஜசேகர் இயக்குகிறார். காதல், காமெடி, ஆக்‌ஷன் என முழுநீள எண்டெர்டெய்ன்மெண்ட் படமாக உருவாயிருக்கிறது. ஆஷிகா ரங்கநாத் கதாநாயகியாக நடித்துள்ளார். இந்தப் படத்தில். இவர்களுடன் பொன்வண்ணன், கருணாகரன், அனுபமா, நரேன், ரமா, பாலசரவணன், மாறன் என பலர் நடிக்கின்றனர். இந்தப் படத்திற்கு ஜிப்ரான் இசையமைத்துள்ளார். இந்த படத்தின் ட்ரெய்லர் சமீபத்தில் வெளியாகி நல்ல வரவேற்பைப் பெற்ற நிலையில் படம் வருகின்ற 29-ம் தேதி திரையரங்குகளில் வெளியாகவுள்ளது குறிப்பிடதக்கது.

நடிகர் விஜய் விஸ்வா நாயகனாக நடித்துள்ள படம் சாதுவன். இந்த படத்தை அறிமுக இயக்குனர் சந்தோஷ் சேகரன் இயக்கியுள்ளார். இந்தப் படத்தில் கதாநாயகியாக நடிகை ரஷ்மிதா என்பவர் நடித்துள்ள நிலையில் இவர்களுடன் இணைந்து இளங்கோ, கலையரசன், காசி சக்திவேல் உள்ளிட்ட பலர் நடித்துள்ளனர். தற்கொலை முடிவு எதற்கும் தீர்வு இல்லை என்பதை அழுத்தமாக இந்தப் படத்தில் பேசியுள்ளதாக தெரிகிறது. இந்த நிலையில் இந்தப் படம் வருகின்ற 29-ம் தேதி திரையரங்குகளில் வெளியாகவுள்ளது குறிப்பிடதக்கது.

முண்டாசுப்பட்டி, ஜெய் பீம், போன்ற பல படங்களில் குணச்சித்திர நடிகராக நடித்து தமிழ் ரசிகர்களின் கவனத்தைப் பெற்றவர் சூப்பர் குட் சுப்பிரமணி. இவர் தற்போது நாயகனாக நடித்துள்ள படம் பரமன். இந்தப் படத்தை இயக்குநர் சபரீஷ் இயக்கி தயாரித்துள்ளார். இதில் பிக் பாஸ் அர்ச்சனா, வையாபுரி, பழ கருப்பையா உள்ளிட்ட பல நடிகர்கள் நடித்துள்ளனர். விவசாயிகளின் பிரச்னையை மையமாக வைத்து ஆழமான கதைக்களத்தோடு இந்தப் படம் உருவாகியுள்ள நிலையில் இந்தப் படம் வருகின்ற 29-ம் தேதி திரையரங்குகளில் வெளியாகவுள்ளது குறிப்பிடதக்கது.

இயக்குநர் முத்துவீரன் இயக்கத்தில் கிராமிய கலைஞர்களின் ஆட்டம் – பாடத்தோடு வெளியாக உள்ள படம் டப்பாங்குத்து. இந்தப் படத்தில் நாயகனாக சங்கர பாண்டி நடித்துள்ள நிலையில் இவருடன் இணைந்து காதல் சுகுமார், தீப்தி ராஜ், துர்கா, ஆண்ட்ரிவ்  உள்ளிட்ட பலர் நடித்துள்ளனர். இந்தப் படத்தில் படல கிராமிய கலைஞர்கள் நடனமாடி பாடல்களைப் பாடியுள்ளனர். இந்தப் படத்தின் ட்ரெய்லர் கடந்த ஆண்டு வெளியான நிலையில் படம் வருகின்ற 29-ம் தேதி திரையரங்குகளில் வெளியாகவுள்ளது குறிப்பிடதக்கது.

இயக்குனர் ராஜேஷ் கண்ணா இயக்கத்தில் உருவாகியுள்ள படம் மாயன்.
இந்தப்படம் புராணங்களில் இடம்பெற்றுள்ள மாயன் பழங்குடியினரை பற்றி திரில்லர் பாணியில் எடுக்கப்பட்டுள்ளது. குறிப்பாக இந்த மாயன் திரைப்படத்தில் மனிதனின் தோற்றம் மற்றும் அழிவு குறித்து பேசும் படமாக உள்ளது என்று தெரிவிக்கப்பட்டுள்ளது. இந்த படத்தில் நடிகை பிரியங்கா மோகன், பிந்து மாதவி, ஜான் விஜய், ஆடுகளம் நரேன் உள்ளிட்ட பலர் நடித்துள்ளனர். இந்த நிலையில் படம் வருகின்ற 29-ம் தேதி திரையரங்குகளில் வெளியாகவுள்ளது குறிப்பிடதக்கது.

இயக்குனர் இப்ராஹிம் இயக்கத்தில் உருவாகியுள்ள படம் ‘திரும்பிப்பார்’. இந்தப் படத்தில் நடிகர்கள் வித்யா பிரதீப், ரிஷி ரித்விக், பிக் பாஸ் டானி, ராஜ்குமார் உள்ளிட்ட பலர் நடித்துள்ளனர். ஷேடோ வாக் என்கிற யுத்த தந்திரத்தை மையமாக வைத்து இந்தப் படம் எடுக்கப்பட்டுள்ளது. க்ரைம் திரில்லர் பாணியில் உருவாகியுள்ள இந்தப் திரைப்படம் வருகின்ற 29-ம் தேதி திரையரங்குகளில் வெளியாகவுள்ளது குறிப்பிடதக்கது.

இயக்குநர் கதிரேசன் இயக்கத்தில் கடந்த இரண்டு வருடத்திற்கு முன்பே எடுத்து முடிக்கப்பட்ட படம் ‘அந்த நாள்’. இந்தப் படத்தில் ஷாம் கதாநாயகனாக நடித்துள்ள நிலையில் இந்த படத்தில் ஆதியா பிரசாத் கதாநாயகியாக நடித்துள்ளார். பிளாக் மேஜிக் மற்றும் கிரைம் தில்லராக உருவாகியுள்ள இந்தப் படம் வருகின்ற 29-ம் தேதி திரையரங்குகளில் வெளியாகவுள்ளது குறிப்பிடதக்கது.