அரண்மனை 4… இணையத்தில் வைரலாகும் தமன்னாவின் நெகிழ்ச்சி பதிவு!

சுந்தர் சி இயக்கி நடித்திருக்கும் அரண்மனை 4 திரைப்படத்தில் தமன்னா, ராஷி கண்ணா, கோவை சரளா, சந்தோஷ், யோகி பாபு, விடிவி கணேஷ் உள்ளிட்ட பலர் நடித்திருக்கின்றனர். ஹிப்ஹாப் தமிழா இசையமைக்க கிருஷ்ணசாமி ஒளிப்பதிவு செய்துள்ளார்.

அதே அரண்மனை, அதே காமெடி, அதே தீய சக்தி, அதே நல்ல ஆத்மா என பலர் இந்த படத்தை விமர்சித்தாலும், வழக்கம்போல் உள்ள கதைக்களத்தை சற்று மாற்றி அமைத்து ரசிகர்கள் ஒரு நல்ல திகில் கலந்த நகைச்சுவை படத்தை கொடுத்துள்ளார் சுந்தர் சி என்பது சிலரது விமர்சனமாகவும் இருக்கிறது.

தீய சக்தி Vs மறைந்து போன ‘நல்ல’ ஆத்மாவுக்கு இடையிலான சண்டையில் சில திகிலூட்டும் சம்பவங்களையும், நகைச்சுவையையும் சேர்த்தால் ‘அரண்மனை படம் உருவாகிவிடும். கடந்த 3 படங்களும் இதே கருவை கொண்டது போல அரண்மனை 4 படமும் அதே கருவை கொண்டுள்ளதாக அமைந்துள்ளது.

Also read… இந்த வாரம் ஓடிடியில் வெளியாகும் படங்கள் என்னென்ன தெரியுமா?

கோடை விடுமுறையை டார்கெட் செய்து வெளியிடப்பட்ட அரண்மனை 4 எதிர்பார்த்தது போல வசூலில் நல்ல வரவேற்பை பெற்றுள்ளது. அதன் படி படம் வெளியாகி 4 நாட்களில், முதல் நாளில் இருந்து இப்படம் வசூலில் பட்டையை கிளப்பி வருகிறது. அரண்மனை 4 படம், உலகளவில் இதுவரை ரூ. 22 கோடிக்கும் மேல் வசூல் செய்து சாதனை படைத்துள்ளது. இந்தியாவில் ரூ.19.15 கோடியும் வசூலித்துள்ளது. இதுவே அரண்மனை 4 கிடைத்துள்ள மாபெரும் வரவேற்பு என்கின்றனர்.

Overflowing with gratitude for the immense love and support 🤍🙏🏻💫#Aranmanai4 pic.twitter.com/5paVWxng2f

— Tamannaah Bhatia (@tamannaahspeaks) May 7, 2024

இந்நிலையில், நடிகை தமன்னா ரசிகர்களுக்கு நன்றி தெரிவித்துள்ளார். இது குறித்து அவர் தனது எக்ஸ் பக்கத்தில், ‘உங்கள் அன்பிற்கும் ஆதரவிற்கும் நன்றி’ என்று பதிவிட்டுள்ளார்.