Today’s Cinema News: மிரட்டும் அந்தகன் வசூல்.. தனுஷ் செய்த மிகப்பெரிய உதவி.. இன்றைய டாப் சினிமா செய்திகள்!
இன்றைய சினிமா செய்திகள்: ‘இன்றைய நாளில் (ஆகஸ்ட் 11) இந்திய சினிமா, தமிழ் சினிமா மற்றும் சின்னத்திரையில் நடைபெற்ற சில முக்கியச் செய்திகளை தொகுப்பாக நாம் காணலாம். அந்தகன் படத்தின் வசூல், தனுஷ் செய்த உதவி, குக் வித் கோமாளியில் இந்த வாரம் வெளியேறியது யார், இந்த வாரம் வெளியாகும் படங்கள் என்னென்ன என்பது பற்றிய தகவல்களை நாம் அறிந்துக்கொள்வோம்.
கோப்பு புகைப்படம்
தமிழ் சினிமா: சினிமாவையும் தமிழ்நாட்டு மக்களையும் பிரிக்கவே முடியாது. பொழுதுபோக்கு விஷயத்தில் முதல் இடத்தில் இருக்கும் சின்னத்திரை, பெரிய திரை ஆகிய இரண்டிலும் தினம்தோறும் ஏகப்பட்ட விஷயங்கள் நடக்கிறது. ஆனால் பணி மற்றும் வாழ்க்கை சூழல் காரணமாக அதனை நாம் தெரிந்துக் கொள்வது கடினம். அப்படிப்பட்ட நிலையில் இன்றைய நாளில் (ஆகஸ்ட் 11) இந்திய சினிமா, தமிழ் சினிமா மற்றும் சின்னத்திரையில் நடைபெற்ற சில முக்கியச் செய்திகளை தொகுப்பாக நாம் காணலாம். அந்தகன் படத்தின் வசூல், தனுஷ் செய்த உதவி, குக் வித் கோமாளியில் இந்த வாரம் வெளியேறியது யார், இந்த வாரம் வெளியாகும் படங்கள் என்னென்ன என்பது பற்றிய தகவல்களை நாம் அறிந்துக்கொள்வோம்.
வயநாடு மக்களுக்கு உதவிக்கரம் நீட்டிய நடிகர் தனுஷ் – குவியும் பாராட்டு
கேரள மாநிலம் வயநாட்டில் கடந்த ஜூலை 30 ஆம் தேதி பெய்த கனமழையின்போது மிகப்பெரிய அளவில் நிலச்சரிவு ஏற்பட்டது. இதில் கிட்டதட்ட 350க்கும் மேற்பட்ட மக்கள் உயிரிழந்தனர். இந்தியாவையே அதிர்ச்சிக்குள்ளாக்கிய இந்த சம்பவத்தில் பாதிக்கப்பட்டவர்களுக்கு உதவி செய்ய அரசியல், சினிமா, விளையாட்டு என பலதுறை சார்ந்த பிரபலங்களும், பொதுமக்களும் நிவாரணத்தொகை, தேவைப்படும் அத்தியாவசிய பொருட்கள் வழங்கி உதவியுள்ளனர். அந்த வகையில் நடிகர் தனுஷ் ரூ.25 லட்சம் வழங்கியுள்ளார். அவருக்கு சமூக வலைத்தளங்களில் பாராட்டுகள் குவிந்து வருகிறது.
கம்பேக் கொடுத்த பிரஷாந்த்.. கொட்டும் அந்தகன் பட வசூல்
தியாகராஜன் இயக்கத்தில் அவரது மகனும், நடிகருமான பிரஷாந்த் நீண்ட இடைவெளிக்குப் பின் நடித்து வெளியாகியுள்ள படம் அந்தகன். இப்படத்தில் சிம்ரன், பிரியா ஆனந்த், கார்த்திக், சமுத்திரகனி, ஊர்வசி, யோகிபாபு உள்ளிட்ட பலரும் நடித்துள்ளனர். சந்தோஷ் நாராயணன் இசையமைத்த இப்படம் இந்தியில் வெளியாகி மிகப்பெரிய வெற்றியைப் பெற்ற அந்தாதூன் படத்தின் ரீமேக்காகும். இப்படம் வெளியான 2 நாட்களில் பாசிட்டிவான விமர்சனத்தை பெற்றதோடு மட்டுமல்லாமல் ரூ.2 கோடிக்கும் அதிகமான வசூலைப் பெற்றுள்ளதால் படக்குழுவினர் மகிழ்ச்சியடைந்துள்ளனர்.
குக் வித் கோமாளியில் இருந்து வெளியேறிய பிரபலம்.. சோகத்தில் ரசிகர்கள்
விஜய் டிவியில் ஒளிபரப்பாகும் குக் வித் கோமாளி நிகழ்ச்சியில் இருந்து இந்த வாரம் பூஜா குறைவான மதிப்பெண்களை பெற்றதால் வெளியேற்றப்பட்டுள்ளார். கடந்த வாரம் ஜோயா வெளியேறிய நிலையில் பூஜாவும் வெளியேறியது ரசிகர்களுக்கு சற்று ஏமாற்றத்தை கொடுத்துள்ளது. முன்னதாக சூப்பர் சிங்கர் நிகழ்ச்சி மூலம் பிரபலமான பூஜாவுக்கு குக் வித் கோமாளி நிகழ்ச்சியும் நல்ல வரவேற்பை பெற்றுக் கொடுத்தது.
அபிஷேக் – ஐஸ்வர்யா ராய் விவாகரத்தா? – வீடியோவால் கிளம்பிய சர்ச்சை
பாலிவுட் சினிமாவில் நட்சத்திர ஜோடிகளாக வலம் வருபவர்கள் அபிஷேக் பச்சன் மற்றும் ஐஸ்வர்யா ராய் தம்பதியினர். இவர்களுக்கு ஆராத்யா என்ற மகள் உள்ள நிலையில் இருவரும் விவாகரத்து செய்ய உள்ளதாக தகவல் வெளியானது. ருமணம் ஆகி 14 ஆண்டுகள் நிறைவடைந்துள்ள நிலையில் இப்படியான தகவல் ரசிகர்களை அதிர்ச்சியில் ஆழ்த்தியது. இப்படியான நிலையில் தானும், ஐஸ்வர்யா ராயும் விவாகரத்து செய்துக்கொள்ள போவதாக அபிஷேக் பச்சன் பேசும் டீப் ஃபேக் வீடியோ வெளியாகி இணையத்தில் வெளியாகி பரபரப்பை ஏற்படுத்தி வருகிறது.
10 மில்லியன் பார்வையாளர்களை பெற்ற வாட்டர் பாக்கெட் பாட்டு.. உற்சாகத்தில் ரசிகர்கள்
நடிகர் தனுஷின் 50வது படமாக கடந்த ஜூலை 26 ஆம் தேதி வெளியான படம் ராயன். இந்த படத்தை அவரே இயக்கி நடித்திருந்தார். இப்படத்தில் அபர்ணா பாலமுரளி, காளிதாஸ் ஜெயராம், சந்தீப் கிஷன், துஷாரா விஜயன், செல்வராகவன், எஸ்.ஜே.சூர்யா என பலரும் நடித்திருந்தனர். ஏ. ஆர்.ரஹ்மான் இசையமைத்த நிலையில் படம் கலவையான விமர்சனத்தை மட்டுமே பெற்றது. இப்படியான நிலையில் ராயன் படத்தில் இருந்து வாட்டர் பாக்கெட் பாடலில் வீடியோ சில தினங்களுக்கு முன் வெளியானது. இப்பாடல் 1 கோடி பார்வையாளர்களை பெற்று அசத்தியுள்ளது.