மலையாளத்தில் மிஸ் செய்யக் கூடாத டாப் 10 த்ரில்லர் படங்கள்!

காவல் துறையை மையமாக வைத்து மலையாளத்தில் பல க்ரைம் த்ரில்லர் இன்வெஸ்டிகேசன் திரைப்படங்கள் வெளிவந்துள்ளன. அவற்றுள் பலவும் தனித்துவம் கொண்ட படைப்புகளாக இருக்கும். அந்த வகையில் மலையாள மெகா ஸ்டார் மம்முட்டி நடித்த கண்ணூர் ஸ்குவாட் திரைப்படம் கடந்த செப்டம்பர் 28ம் தேதி திரையரங்குகளில் வெளியானது. பல திருப்பங்களுடன் வெளியான த்ரில்லர் இன்வெஸ்டிகேசன் படம் தற்போது டிஸ்னி ஹாட்ஸ்டாரில் காணக்கிடைக்கிறது.

மெகா ஸ்டார் மம்முட்டி நடிப்பில் சைக்காலஜிக்கல் ஆக்‌ஷன் த்ரில்லர்படமாக வெளியானது ரோர்சாக். கடந்த 2022-ம் ஆண்டு நிசாம் பஷீர் இயக்கியுள்ள ரோர்சாக் படத்துக்கு திரையரங்க ரசிகர்களிடம் நல்ல வரவேற்பு கிடைத்தது. இந்தப் படம் தற்போது டிஸ்னி ஹாட்ஸ்டாரில் காணக்கிடைக்கிறது.

நடிகர் பிரித்விராஜ் நடிப்பில் கடந்த திரையரங்குகளில் வெளியாகி வரவேற்பை பெற்றப் படம் ’ஜன கன மன’. டிஜோ ஜோஸ் ஆண்டனி இயக்கிய இப்படம் பெரும் வரவேற்பையும் பாராட்டுக்களையும் குவித்தது. சூரஜ் வெஞ்சரமூடு, மம்தா மோகன் தாஸ் உள்ளிட்ட பலர் நடித்த இந்தப் படம் நெட்பிளிக்ஸ் ஓடிடி தளத்தில் காணக் கிடைக்கின்றது.

சுலைமான் மாலிக் தன் வாழ்வின் முக்கிய நிகழ்வான ஹஜ் பயணத்துக்குக் கிளம்புகிறார். அப்போது தன் கோட்டையான ரமத பள்ளியைவிட்டு சுலைமான் வெளியேற, காவல்துறை அவரைக் கைது செய்கிறது. யார் இந்த சுலைமான் என்பதை ரத்தமும் சதையும் கலந்த கதையாகச் சொல்கிறது அமேசான் ப்ரைமில் வெளியான மகேஷ் நாராயணனின் மாலிக், இதில் நாயகனாக பகத் பாசில் நடித்துள்ளார்.

ஷாஹி கபீர் திரைக்கதை எழுதி மார்ட்டின் பிரக்கட் இயக்கிய ‘நயட்டு’ திரைப்படம் வெளியாகி ரசிகர்களிடையே நல்ல வரவேற்பை பெற்றது. அரசியல் கதைக்களத்தை மையமாக வைத்து எடுக்கப்பட்ட இந்தப் படத்தில் நடிகர் ஜோஜு ஜார்ஜ் முக்கிய வேடத்தில் நடித்திருந்தார். இந்தப் படம் தற்போது நெட்ஃபிளிக்ஸ் ஓடிடி தளத்தில் காணக் கிடைக்கிறது.

தில்லீஷ் போத்தனின் மகேஷின்டே பிரதிகாரம், தொண்டிமுதலும் த்ரிஷாட்சியும் அட்டகாசமான சினிமாக்கள். கேரளா தாண்டி தமிழகத்திலும் போத்தனுக்கு நிறைய ரசிகர்கள். அவரது மூன்றாவது படம் ஜோஜி. ஃபகத் ஃபாசில், ஸ்யாம் புஷ்கரன், திலீஷ் போத்தன் கூட்டணியில் இதற்கு முன்னர் வெளியான ‘மகேஷிண்டே பிரதிகாரம்’, ‘தொண்டிமுதலும் த்ரிக்‌ஷாக்‌ஷியும்’ என இரண்டு படங்களுமே ஒரு கல்ட் க்ளாசிக் அந்தஸ்தைப் பெற்றுவிட்டன. அந்த வரிசையில் ஜோஜி படமும் இடம்பெற்றது. இந்தப் அப்டம் தற்போது அமேசான் ப்ரைம் வீடியோவில் காணக் கிடைக்கின்றது.

ஆஷிக் உஸ்மான் தயாரிப்பில், மிதுன் மானுவேல் தாமஸ் இயக்கத்தில் வெளியான படம் ‘அஞ்சாம் பத்திரா’. இந்தப் படத்தில் குஞ்சாகோ போபன், ஷரஃப்பு தீ, உன்னிமயா பிரசாத் உள்ளிட்டோர் நடித்தனர். காவல்துறையினரை இரக்கமின்றித் தொடர் கொலைகள் செய்யும் கொலைகாரனைக் கண்டுபிடிக்கும் த்ரில்லர் கதை இது. இந்தப் படம் தற்போது அமேசான் ப்ரைம் ஓடிடி தளத்தில் காணக்கிடைக்கிறது.

`அஞ்சு சுந்தரிகள்’ படத்தைத் தொடர்ந்து 6 ஆண்டுகள் கழித்து அன்வர் ரஷீத் இயக்கியிருக்கும் படம், `டிரான்ஸ்’. இந்தப் படத்தில் பகத் பாசில் மற்றும் நஸ்ரியா ஆகியோர் முக்கிய கதாப்பாத்திரத்தில் நடித்திருந்தனர். திரையரங்குகளில் வெளியாகி ரசிகர்களிடையே நல்ல வரவேற்பை பெற்ற இந்தப் படம் தற்போது அமேசான் ப்ரைம் வீடியோவில் காணக் கிடைக்கின்றது.

ஃபஹத் பாசில் நடிப்பில் உருவாகியுள்ள மலையாளப் படம் ‘சி யு சூன்’. மகேஷ் நாராயண் இயக்கியுள்ள இப்படத்தில் ரோஷன் மேத்யூஸ், தர்ஷனா ராஜேந்திரன் உள்ளிட்டோர் நடித்துள்ளனர். ஊரடங்கு காலகட்டத்தில் முழுக்க முழுக்க செல்போனில் படமாக்கப்பட்ட இப்படம் அமேசான் ப்ரைம் ஓடிடி தளத்தில் வெளியாகி நல்ல வரவேற்பை பெற்றது.

பத்மகுமார் இயக்கத்தில் வெளியான மலையாளப் படம் ‘ஜோசப்’. கடந்த 2018 ஆண்டு நவம்பர் மாதம் இந்தப் படம் வெளியானது. த்ரில்லர் படமான இதன் கதையை ஷஹி கபிர் எழுதினார். ஜோஜு ஜார்ஜ் இந்தப் படத்தைத் தயாரித்ததோடு, முக்கியக் கதாபாத்திரத்திலும் நடித்தார். இந்தப் படம் தற்போது அமேசான் ப்ரைம் ஓடிடி தளத்தில் காணக் கிடைக்கின்றது.

இந்த டாப் 10 மலையாள த்ரில்லர் படங்களை காணத் தவராதீர்கள்.