Cinema Year Ender: 2024-ல் கேரள பாக்ஸ் ஆபீஸை தெரிக்கவிட்ட டாப் 5 தமிழ் படங்கள்!

வேட்டையன்: நடிகர் ரஜினிகாந்த் நடிப்பில் ஜெய் பீம் படத்தின் இயக்குநர் த.செ.ஞானவேல் இயக்கும் வேட்டையன் படத்தின் மீது உச்சக்கட்ட எதிர்பார்ப்பு ரசிகர்களிடம் இருந்தது. வேட்டையன் திரைப்படம், கடந்த மாதம் அக்டோபர் 10ஆம் தேதி திரையரங்குகளில் வெளியானது. இந்தப் படத்தில் அமிதாப்பச்சன், ஃபஹத் ஃபாசில், ராணா, மஞ்சு வாரியர், துஷாரா விஜயன், ரித்திகா சிங் உட்பட பலர் நடித்துள்ளனர். அனிருத் இசை அமைத்துள்ள இந்தப் படத்தை லைகா நிறுவனம் தயாரித்துள்ளது. ஆக்‌ஷன் த்ரில்லர் பாணியில் இந்தப் படம் வெளியானது. ரசிகர்களிடையே கலவையான விமர்சனம் பெற்ற இந்தப் படம் பாக்ஸ் ஆபிஸில் உலக அளவில் சுமார் ரூபாய் 250 கோடி வரை வசூலித்ததாக தகவல்கள் வெளியாகியுள்ளது. மேலும் கேரள பாக்ஸ் ஆபிஸில் 16.8 கோடி ரூபாய் வசூல்  செய்ததாக தகவல்கள் தெரிவிக்கின்றது.

அமரன்: நடிகர் சிவகார்த்திகேயன் தனது 21-வது படத்திற்காக இயக்குநர் ராஜ்குமார் பெரியசாமியுடன் கூட்டணி வைத்தார். இந்தப் படத்திற்கு ‘அமரன்’ என்று பெயர் வைத்தனர். சோனி பிக்சர்ஸுடன் இணைந்து இந்தப் படத்தை நடிகர் கமல்ஹாசனின் ராஜ்கமல் பிலிம்ஸ் இன்டர்நேஷனல்  தயாரித்தது.

இந்தப் படத்தில் சிவகார்த்திகேயன் ராணுவ வீரராக நடித்துள்ளார். அவருக்கு ஜோடியாக நடிகை சாய் பல்லவி நடித்துள்ளார்.  இசையமைப்பாளர் ஜி.வி.பிரகாஷ்குமார் இந்தப் படத்திற்கு இசை அமைத்துள்ளார். மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து இந்தப் படம் உருவானது.

தமிழில் மீண்டும் ஒரு தேசபக்தி படமாக உருவாகியுள்ள இந்தப் படம் கடந்த தீபாவளி பண்டிகையை முன்னிட்டு கடந்த அக்டோபர் 31-ம் தேதி வெளியானது. இந்தப் படம் ரசிகர்களிடையே அமோக வரவேற்பைப் பெற்ற நிலையில் படம் உலக அளவில் ரூபாய் 302 கோடி வசூல் செய்ததாக தகவல்கள் தெரிவிக்கின்றது. மேலும் கேரள பாக்ஸ் ஆபிஸில் 13.85 கோடி ரூபாய் வசூல்  செய்ததாக தகவல்கள் தெரிவிக்கின்றது.

தி கிரேட்டஸ்ட் ஆஃப் ஆல் டைம்: கடந்த செப்டம்பர் மாதம் 5-ம் தேதி விஜய் நடிப்பில் அவரது 68-வது படமான ‘தி கிரேட்டஸ்ட் ஆஃப் ஆல் டைம்’ படம் திரையரங்குகளில் வெளியாகி வசூல் வேட்டை நடத்தி வருகின்றது. விஜய் இந்தப் படத்தில் அப்பா, மகன் என இரண்டு கதாப்பாத்திரங்களில் நடித்துள்ளார்.

பிரபல ஏஜிஎஸ் நிறுவனத்தின் 25-வது படமாக கோட் படம் உருவானது. நீண்ட நாட்களாக தொடர்ந்து சீரியஸான கேரக்டர்களில் நடித்து வந்த விஜய் இந்தப் படத்தில் காமெடி, காதல், கிண்டல், சைலன்ட், டான்ஸ், எமோஷன், டயலாக் டெலிவரி என மாஸ் காட்டியுள்ளார்.

டான்ஸ், டயலாக் டெலிவரி என தெறிக்கவிட்டுள்ளார். ஏ.ஜி.எஸ் என்டர்டெயின்மெண்ட் சார்பாக அர்ச்சனா கல்பாத்தி இப்படத்தைத் தயாரிதிருந்தார். இந்தப் படத்திற்கு இசையமைப்பாளர் யுவன் ஷங்கர் ராஜா இசையமைத்துள்ளார்.

இந்தப் படத்தில் விஜயுடன் இணைந்து சினேகா, மீனாக்‌ஷி செளதரி, லைலா, பிரபுதேவா, பிரசாந்த், வைபவ் , பிரேம்ஜி அஜ்மல் அமீர், மோகன் உள்ளிட்ட பல நடிகர்கள் நடித்துள்ளார்கள். படம் உலக அளவில் 460 கோடிகள் வசூல் செய்து பாக்ஸ் ஆபிஸை கலக்கியுள்ளது. மேலும் கேரள பாக்ஸ் ஆபிஸில் 13.05 கோடி ரூபாய் வசூல்  செய்ததாக தகவல்கள் தெரிவிக்கின்றது.

மகாராஜா: நடிகர் விஜய் சேதுபதி நடிப்பில் 50-வது படமாக உருவான ‘மகாராஜா’ திரைப்படம் கடந்த ஜூன் மாதம் வெளியாகி திரையரங்குகளில் சூப்பர் ஹிட் அடித்தது. இந்தப் படத்தை இயக்குநர் நித்திலன் இயக்கியுள்ளார். குரங்கு பொம்மை என்ற படத்தின் மூலமாக தமிழ் சினிமாவில் இயக்குனராக அறிமுகமானவர் நித்திலன் சாமிநாதன்.

Also read… இணையத்தில் கவனம் பெறும் SK25 படத்தின் பூஜை வீடியோ!

யோகி பாபு நடிப்பில் வெளியான அந்த படம் ரசிகர்கள் மத்தியில் நல்ல வரவேற்பு பெற்றதை தொடர்ந்து அடுத்து நடிகர் விஜய் சேதுபதியின் 50 – வது படமான ‘மகாராஜா’ என்ற படத்தை இயக்கினார். இந்தப் படத்தில் விஜய் சேதுபதியுடன் இணைந்து பாலிவுட் இயக்குநர் அனுராக் காஷ்யப் முக்கிய கதாப்பாத்திரத்தில் நடித்திருந்தார்.

இவர்களுடன் இணைந்து நடிகர்கள் நட்டி, மம்தா மோகன்தாஸ், சிங்கம் புலி, அபிராமி, வினோத் சாகர், முனிஷ்காந்த் உள்ளிட்ட பலர் நடித்துள்ளனர். படத்துக்கு இசையமைப்பாளர் அஜ்னீஷ் லோக்நாத் இசையமைத்திருந்தார். படம் திரையரங்குகளில் வரவேற்பைப் பெற்றதுபோல ஓடிடியிலும் நல்ல வரவேற்பைப் பெற்றது. மேலும் கேரள பாக்ஸ் ஆபிஸில் 7.09 கோடி ரூபாய் வசூல்  செய்ததாக தகவல்கள் தெரிவிக்கின்றது.

ராயன்: நடிகர் தனுஷ் அவரின் 50-வது படமான ‘ராயன்’ படத்தை அவரே இயக்கி நடித்திருந்தார். இந்தப் படத்தில் தனுஷுடன் இணைந்து துஷாரா விஜயன், எஸ்.ஜே.சூர்யா, செல்வராகவன், சந்தீப் கிஷன், காளிதாஸ் ஜெயராம், அபர்ணா பாலமுரளி என பலர் நடித்திருந்தனர். படம் வட சென்னையை மையமாக கொண்டு உருவாகியிருந்தது.

Also read… Cinema Year Ender: 2024-ல் வசூல் சாதனை படைத்த படங்களை எந்த ஓடிடியில் பார்க்கலாம்?

மேலும் இந்த படத்தில் தனுஷ் இதற்க்கு முன்பு எந்த படத்திலும், நடித்திராத கெட்டப்பான மொட்டை தலையுடன் நடித்திருந்தார். தனுஷின் 50-வது படமாக உருவான இப்படத்தை சன் பிக்சர்ஸ் நிறுவனம் தயாரித்தது. இந்தப் படத்திற்கு இசைப் புயல் ஏ.ஆர்.ரகுமான் இசையமைத்திருந்தார். படத்தில் பாடல்கள் அனைத்தும் சூப்பர் ஹிட் அடித்தது.

படம் திரையரங்குகளில் வெளியாகி ரசிகரக்ளிடையே நல்ல வரவேற்பைப் பெற்றது. மேலும் இந்தப் படம் உலக அளவில் பாக்ஸ் ஆபிஸில் 150 கோடி ரூபாய்க்கும் அதிகமாக வசூலித்ததாக தகவல்கள் தெரிவிக்கின்றது. மேலும் கேரள பாக்ஸ் ஆபிஸில் 6.15 கோடி ரூபாய் வசூல்  செய்ததாக தகவல்கள் தெரிவிக்கின்றது.