Today’s Cinema News: கமல் அதிரடி முடிவு.. புஷ்பா 2 ட்ரெய்லர் அப்டேட்.. டாப் சினிமா செய்திகள்!

இன்றைய சினிமா செய்திகள்: நடிகர் கமல்ஹாசன் தனது அடைமொழியை பற்றி வெளியிட்ட வேண்டுகோள் முதல் நடிகர் அல்லு அர்ஜுன் நடிக்கும் புஷ்பா பாகம் 2 ட்ரெய்லர் ரிலீஸ் வரை நவம்பர் மாதம் 11 ஆம் தேதி சினிமாவில் நடந்த முக்கிய நிகழ்வுகள் குறித்து காணலாம்.

• “உலகநாயகன்” என்ற அடைமொழி வேண்டாம்.. நடிகர் கமல்ஹாசன் வேண்டுகோள்..

80ஸ் காலகட்டத்தில் இருந்து தற்போது வரை பிரபல நடிகராக இருப்பவர் கமல்ஹாசன். தனது ரசிகர்களால் உலகநாயகன் என்று அன்போடு அழைக்கப்படுபவர். இந்நிலையில் நடிகர் கமல் தனது பெயர் குறித்து வேண்டுகோள் ஒன்றை வெளியிட்டுள்ளார். அதில் “மக்கள் என் மீதுள்ள அன்பினாலே “உலகநாயகன்” என்று அழைக்கின்றனர் என்றும் மக்களாலும், சக கலைஞர்களால் இந்த பெயரால் என்னை இதுவரைக்கும் அழைத்தது எனக்கு மகிழ்ச்சி என்றும், இதையடுத்து சினிமா ஒரு தனி மனிதனை விட பெரியது என்றும், கலையை விடக் கலைஞர் பெரியவன் இல்லை இன்றும் இந்த பதிவில் கூறியுள்ளார். இந்நிலையில் என் மீது பிரியம் கொண்ட சினிமா, ஊடகம் மற்றும் கட்சி தொண்டர்கள் அனைவருக்கும் வேண்டுகோள் ஒன்றை வைத்துள்ளார். அதில் இனிவரும் காலத்தில் என்னை “கமல்ஹாசன் அல்லது KH” என்று அழைத்தால் போதும் என்று கூறியுள்ளார். நீங்கள் காட்டும் அன்பிற்கு நன்றி என்றும் நான் தெரிவித்த வேண்டுகோளைக் கண்டிப்பாக மக்கள் நீங்கள் புரிந்து கொள்வீர்கள் என்றும் வேண்டுகோள் விடுத்துள்ளார்.

• புஷ்பா பாகம் 2ன் ட்ரெய்லர் ரிலீஸ் தேதி எப்போது தெரியுமா?

தெலுங்கு பிரபல நடிகர் அல்லு அர்ஜுன் நடிப்பிலும் இயக்குநர் சுகுமார் இயக்கத்திலும் பல கோடி பட்ஜெட்டில் உருவாகிவரும் திரைப்படம்தான் புஷ்பா 2: தி ரூல். மைத்ரி மூவி மேக்கர்ஸ் மற்றும் சுகுமார் ரைட்டிங்ஸ் இணைந்து தயாரிக்கும் இந்த திரைப்படத்தில் முக்கிய கதாபாத்திரத்தில் அல்லு அர்ஜூனுடன் இணைந்து ராஷ்மிகா மந்தனா மற்றும் ஃபகத் பாசில் என இருவரும் நடித்துவருகின்றனர். 2021ம் ஆண்டு வெளியான புஷ்பா பாகம் 1ன் தொடர்ச்சியாக இந்த பாகம் இரண்டின் கதையானது உருவாகி வருகிறது. அதிக பொருட்செலவில் உருவாகிவரும் இந்த திரைப்படமானது வருகின்ற டிசம்பர் 5ம் தேதி வெளியாகவுள்ள நிலையில் தற்போது இந்த திரைப்படத்தில் ட்ரெய்லர்  ரிலீஸ் தேதியைப் பற்றிய தகவல் வெளியாகியுள்ளது. புஷ்பா 2 : ரூல் படத்தின் ட்ரெய்லரானது வருகின்ற நவம்பர் 17ம் தேதி மாலை 6:03 மணிக்கு வெளியாகும் என்று அதிகாரப்பூர்வமான அறிவிக்கப்பட்டுள்ளது.

இதையும் படிங்க:10 நாட்களில் துல்கரின் ‘லக்கி பாஸ்கர்’ படம் வசூல் செய்தது எவ்வளவு தெரியுமா?

• அட்வான்ஸ் புக்கில் வசூலை அள்ளும் சூர்யாவின் கங்குவா….

நடிகர் சூர்யாவின் நடிப்பிலும் மற்றும் இயக்குநர் சிறுத்தை சிவா இயக்கத்தில் உருவாகிவரும் திரைப்படம் கங்குவா. சுமார் 700 ஆண்டுகளுக்கு முன்னால் நடந்த கதையை அடிப்படையாகக் கொண்டு வெளியாகத் தயாராகும் இப்படம் தமிழ், மலையாளம், இந்தி, தெலுங்கு என சுமார் 10க்கும் மேற்பட்ட மொழிகளில் உருவாகியுள்ளது. பிரபல தயாரிப்பு நிறுவனமான ஸ்டுடியோ கிரீன் மற்றும் யுவி க்ரியேஷன்ஸ் இணைந்து தயாரிக்கும் இத்திரைப்படத்தில் பாபி தியோல், திஷா பதானி, கோவை சரளா, யோகிபாபு, ரெட்டின் கிங்ஸ்லி, நடராஜன் சுப்பிரமணியன்,கே.எஸ்.ரவிக்குமார் , ஜெகபதி பாபு எனப் பலரும் நடித்துள்ளனர். இந்த திரைப்படமானது வருகின்ற நவம்பர் 14ம் தேதி உலகமெங்கும் வெளியாக உள்ள நிலையில் தற்போது திரையரங்குகளில் டிக்கெட் ப்ரீ புக்கிங் நடந்து வருகிறது. இந்நிலையில் கங்குவா திரைப்படமானது ப்ரீ புக்கிங்கில்  இந்தியாவில் இதுவரை சுமார் ரூ.68.35 லட்சம் வரை வசூல் செய்துள்ளதாகத் தகவல்கள் வெளியாகியுள்ளது.

• 11 நாட்களில் வசூலில் சூறையாடி வரும் அமரன்.. எவ்வளவு தெரியுமா?

நடிகர் சிவகார்திகேயன் மற்றும் நடிகை சாய் பல்லவியின் நடிப்பில் பிரம்மாண்டமாக வெளியான திரைப்படம் அமரன். இயக்குனர் ராஜ்குமார் பெரியசாமியின் இயக்கத்தில் ராஜ்கமல் பிலிம்ஸ் மற்றும் சோனி பிக்ச்சர்ஸ் இணைந்து தயாரித்த இந்த கடந்த அக்டோபர் 31ம் தேதி வெளியான  இந்த திரைப்படம் உலகளாவிய வசூலில் இதுவரை ரூ.242 கோடியை வசூல் செய்துள்ளதாகவும் தமிழகத்தில் மட்டும் ரூ.118 கோடிகளுக்கு மேல் வசூலித்ததாகவும் கூறப்படுகிறது. சிவகார்த்திகேயன் இதுவரை நடித்த திரைப்படங்களில் மிக பிரம்மாண்ட வெற்றி திரைப்படமாக அமைந்த அமரன் வெற்றியினை தொடர்ந்து நடிகர் சிவகார்த்திகேயனுக்கு ரூ.55 கோடி வரை ஷேர் கொடுத்துள்ளதாகவும் கூறப்பட்டு வருகிறது.

இதையும் படிங்க:‘உலகநாயகன்’அடைமொழி வேண்டாம்..! நடிகர் கமல்ஹாசன் வேண்டுகோள்!

• யூட்யூப் ட்ரெண்டிங்கில் கங்குவா திரைப்படத்தின் ட்ரைலர்….

தமிழ் பிரபல இயக்குநர் சிறுத்தை சிவா இயக்கத்தில் யுவி க்ரியேஷன் மற்றும் ஸ்டுடியோ க்ரீன் இணைந்து தயாரித்துள்ள திரைப்படம் கங்குவா. நடிகர் சூர்யாவின் முன்னணி நடிப்பில் நடிகை திஷா பதானி கதாநாயகியாக நடிக்கும் இந்த திரைப்படமானது 10க்கும் மேற்பட்ட மொழிகளில் வெளியாக உள்ளது. உலகளாவிய திரையரங்குகளில் சுமார் 9000க்கும் மேற்பட்ட திரையரங்குகளில் வருகின்ற நவம்பர் 14ம் தேதி வெளியாக உள்ளது. தமிழ் மொழியை அடிப்படையாகக் கொண்டு உருவாகியுள்ள இந்த திரைப்படமானது சுமார் 700 ஆண்டுகளுக்கு பிந்தைய காலக் கதையை அடிப்படையாகக் கொண்டது என்று கூறப்படுகிறது. தற்போது ரிலீஸிற்கு தயாராகி வரும் நிலையில் நேற்று நவம்பர் 10 ஆம் தேதி படத்தின் ட்ரெய்லரை படக்குழு வெளியிட்டது. இந்நிலையில் இந்த ட்ரெய்லரானது கடந்த 24 மணி நேரத்தில் சுமார் 3.8 மில்லியன் பார்வையாளர்களைக் கடந்து சாதனை படைத்துள்ளது.

• பிரதீப் ரங்கநாதனின் ‘டிராகன்’ திரைப்படத்தின் ரிலீஸ் எப்போது தெரியுமா?

தமிழ் இயக்குநர் அஸ்வத் மாரிமுத்து இயக்கத்தில் உருவாகிவரும் திரைப்படம் டிராகன். நடிகர் பிரதீப் ரங்கநாதன், அனுபமா பரமேஷ்வரன் மற்றும் கையாடு லோஹர் போன்ற நடிகர்களின் நடிப்பில் உருவாகிவரும் இந்த திரைப்படத்தை ஏ.ஜி.எஸ். எண்டர்டெயின்மென்ட் நிறுவனம் தயாரித்து வருகிறது. காதல் கதையை மையமாகக் கொண்டு உருவாகிவரும் இத்திரைப்படத்திற்கு லியோன் ஜேம்ஸ் இசையமைத்து வருகிறார். இந்த திரைப்படம் எப்போது வெளியாகும் என்று மக்கள் மத்தியில் எதிர்பார்ப்புகள் இருந்துவரும் நிலையில் டிராகன் திரைப்படம் வருகின்ற பிப்ரவரி 14ம் தேதி காதலர் தினத்தை முன்னிட்டு வெளியாகும் என்று தகவல்கள் பரவி வருகின்றன. இந்நிலையில் இதற்கான அதிகாரப்பூர்வமான அறிவிப்பு விரைவில் வெளியாகும் என்று எதிர்பார்க்கப்படுகிறது.

இதையும் படிங்க:‘கங்குவா’ படம் புக்கிங் எப்படி இருக்கு? இதுவரை எவ்வளவு வசூல் தெரியுமா?

• 8 வருடங்களைக் கடந்த நடிகர் சிம்புவின் அச்சம் என்பது மடமையடா ..

தமிழ் நடிகர்களில் சிறுவயது முதலே மக்கள் மத்தியில் பிரபலமான நடிகர் சிம்பு. இவரின் நடிப்பில் 2016 ஆம் ஆண்டு பிரபல இயக்குநரும் நடிகருமான கவுதம் வாசுதேவ் மேனன் இயக்கத்தில் வெளியான திரைப்படம் அச்சம் என்பது மடமையடா. காதல் மற்றும் அதிரடி ஆக்ஷன் திரைப்படமாக வெளியான இந்த திரைப்படத்தில் நடிகர் சிம்புவிற்கு ஜோடியாக நடிகை மஞ்சிமா மோகன் நடித்தார். 2013ம் ஆண்டு முதல் தொடங்கப் பட்ட இந்த திரைப்படம் 3 வருடங்களுக்கு பிறகுதான் திரையரங்குகளில் வெளியாகியது. நடிகை மஞ்சிமா மோகன் நடித்த முதல் தமிழ்த் திரைப்படமாகும். 2016ல் நவம்பர் 11ம் தேதி வெளியான இந்த திரைப்படம் தற்போது 8 ஆண்டுகளைக் கடந்துள்ளது.

• புஷ்பா 2 ஒரு பாடலுக்கு நடனமாட நடிகை ஸ்ரீலீலா வாங்கிய சம்பளம் எவ்வளவு தெரியுமா?

இயக்குநர் சுகுமார் இயக்கத்தில் வெளியான புஷ்பா பாகம் 1 அடுத்த பகுதியாக தற்போது வெளியீட்டிற்குத் தயாராகி வரும் திரைப்படம் புஷ்பா பாகம் 2. நடிகர் அல்லு அர்ஜுன் மற்றும் ராஷ்மிகா மந்தனா இருவரின் நடிப்பில் உருவாகிவரும் இந்த புஷ்பா 2 வருகின்ற டிசம்பர் 5ம் தேதி உலகமெங்கும் வெளியாக உள்ளது. ஏற்கனவே வெளியான பாகம் ஒன்றின் தொடர்ச்சியில் இந்த பாகம் 2ன் கதைக்களம் உள்ளது.பாகம் ஒன்றில் நடிகை சமந்தா ஆடிய பாடல் மக்கள் மத்தியில் நல்ல வரவேற்பைப் பெற்ற நிலையில், தற்போது புஷ்பா பாகம் 2ல் நடிகை சமந்தாவிற்குப் பதிலாக நடிகை ஸ்ரீலீலா நடனமாட உள்ளார் என்று அதிகாரப்பூர்வமான தகவல் படக்குழு வெளியிட்டுள்ளது இந்நிலையில் நடிகை ஸ்ரீ லீலா இந்த ஒரு பாடலிற்கு நடனமாட சுமார் ரூ.1 கோடி வரை சம்பளம் வாங்கியுள்ளார் என்று கூறப்படுகிறது.