Today’s Cinema News: கங்குவா சிறப்புக்காட்சி.. அமரன் ஓடிடி அப்டேட்.. டாப் சினிமா செய்திகள்!

சினிமா செய்திகள்

இன்றைய சினிமா செய்திகள்: நடிகர் சூர்யாவின் கங்குவா படம் 14-ம் தேதி வெளியாகவுள்ள நிலையில் திரையரங்குகளில் சிறப்புக் காட்சிக்கு தமிழக அரசு அனுமதி அளித்தது முதல் நடிகர் சிவகார்த்திகேயனின் நடிப்பில் வெளியான அமரன் படத்தின் ஓடிடி வெளியீடு தள்ளிப்போவது வரை நவம்பர் மாதம் 12-ம் தேதி சினிமாவில் நடந்த முக்கிய நிகழ்வுகள் குறித்து சில.

கங்குவா படத்திற்கு கூடுதல் காட்சிகள் திரையிட அனுமதி

நடிகர் சூர்யா கங்குவா மற்றும் சூர்யா 44 என இரண்டு படங்களிலும் பிசியாக வேலை செய்து வருகிறார். கிட்டதட்ட 2 ஆண்டுகளுக்கும் மேலாக இந்த படத்தின் படப்பிடிப்பு நடந்து வருகிறது. யுவி கிரியேஷன்ஸ் நிறுவனமும், ஸ்டூடியோ கிரீன் நிறுவனமும் இணைந்து பெரும் பொருட்செலவில் சூர்யாவின் கங்குவா படத்தை தயாரித்துள்ளது. இந்தப் படம் 10க்கும் மேற்பட்ட மொழிகளில் 3டி தொழில்நுட்பத்தில் படம் எடுக்கப்பட்டு வருகிறது. நடிகர் சூர்யா இந்தப் படத்தில் 13 விதமான தோற்றங்களில் நடிப்பதாக தெரிவிக்கப்பட்டிருப்பதால் படத்தின் மீது ரசிகர்களுக்கு பெரும் எதிர்பார்ப்பு நிலவுகிறது. இந்த நிலையில் படம் வருகின்ற நவம்பர் 14-ம் தேதி திரையரங்குகளில் வெளியாகும் என்று சமீபத்தில் அதிகாரப்பூர்வ அறிவிப்பு வெளியிட்டது. இந்த நிலையில் படம் வருகின்ற 14-ம் தேதி திரையரங்குகளில் படம் வெளியாகவுள்ள நிலையில் படத்தின் தணிக்கை சான்றிதழ் வெளியாகியுள்ளது. அதன்படி படத்திற்கு யு/எ சான்றிதழ் வழங்கப்பட்டுள்ளது. இந்த நிலையில் படம் வெளியாகும் 14-ம் தேதி கூடுதல் காட்சிகள் திரையிட தமிழக அரசு அனுமதி அளித்துள்ளது. அதன்படி படம் வெளியாகும் அன்று காலை 9 மணி முதல் மறுநாள் இரவு 2 மணி வரை அதிகபட்சமாக 5 காட்சிகள் திரையிடலாம் என்று அனுமதி அளிக்கப்பட்டுள்ளது.

பள்ளிக்கூடமாக மாறிய பிக்பாஸ் வீடு…

கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. இதில், ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது. இந்த நிலையில் இன்று 37-வது நாளிற்கான முதல் ப்ரோமோ வீடியோவை பிக்பாஸ் நிகழ்ச்சி குழு வெளியிட்டுள்ளது. அதில் இந்த வாரம் பிக்பாஸ் வீடு பிக்பாஸ் ரெசிடென்சியல் ஸ்கூலாக மாறியுள்ளது. இதில் வர்ஷினி, அருண், மஞ்சரி, ஜெஃப்ரி, ஜாக்குலின் ஆகியோர் ஆசிரியர்களாகவும் மற்ற போட்டியாளர்கள் மாணவர்களாகவும் உள்ள்னர். இந்த வீடியோ தற்போது வெளியாகியுள்ளது. இதனால் இந்த வாரம் முழுவதும் பிக்பாஸ் வீடு அதகலமாக இருக்கும் என்று எதிர்பார்க்கப்படுகின்றது.

‘நிலவுக்கு என் மேல் என்னடி கோபம்’ படத்தின் ரிலீஸ் எப்போது?

நடிகர் தனுஷின் எழுத்தில், இயக்கத்தில் உருவாகியுள்ள திரைப்படம் “நிலவுக்கு என் மேல் என்னடி கோபம்”. இப்படத்தில் பாவிஷ், அனிகா சுரேந்திரன், பிரியா வாரியார், மேத்யூ தாமஸ், வெங்கடேஷ் மேனன், ரம்யா ரங்கநாதன் மற்றும் ரபியா கட்டூன் எனப் பல பிரபலங்கள் நடித்துள்ளனர். ஆரம்பத்தில் இந்த திரைப்படத்தை இயக்குநராக ‘சௌந்தர்யா ரஜினிகாந்த்’ நடிகர் தனுஷை நடிகராக வைத்து இயக்குவதாக 2016ம் ஆண்டு அறிவித்திருந்தார். அதன் பிறகு சில பல காரணங்களாக இந்த திரைப்படத்தை அடுத்தாக சில கதைகளை மாற்றி தற்போது தனுஷ் இயக்குவதாகக் கடந்த 2023ம் ஆண்டு அறிவித்திருந்தார். தனுஷ் DD3 என்று தற்காலிக பெயரிடப்பட்டு இயக்க ஆரம்பித்த இந்த திரைப்படத்திற்கு நடிகரும், இசையமைப்பாளருமான ஜி.வி. பிரகாஷ் இசையமைத்துவருகிறார். காதல் மற்றும் நகைச்சுவை கதையை மையமாகக் கொண்டு இந்த திரைப்படம் தயாராகி வருகிறது. “NEEK ” திரைப்படமானது வருகின்ற டிசம்பர் 21ம் தேதி வெளியாகும் என்று தகவல்கள் வெளியாகி வந்த நிலையில் தற்போது இந்த திரைப்படத்தில் ரிலீஸ் மாற்றப்பட்டதாகத் தகவல்கள் இணையத்தில் பரவிவருகின்றனர். தனுஷ் இயக்கத்தில் வெளியாகும் 3வது திரைப்படமான இது அவருக்குப் பிரம்மாண்ட வெற்றியைத் தரும் என்று எதிர்பார்க்கப்படுகிறது.

வெளியானது சித்தார்த்தின் ’மிஸ் யூ’ திரைப்படத்தின் டீசர்

இயக்குநர் என். ராஜசேகர் இயக்கத்தில் நடிகர் சித்தார்த் மற்றும் நடிகை ஆஷிகா ரங்கநாத் இணைந்து நடிக்கும் திரைப்படம் “மிஸ் யூ”. இந்த திரைப்படத்திற்காக இசையமைப்பாள ஜிப்ரான் இசையமைத்துள்ளார். தமிழ் சினிமாவில் கடந்த ஆண்டு வெளியான ‘சித்தா’ திரைப்படத்தின் மூலம் தமிழ் மக்களின் நெஞ்சைக் கவர்ந்தவர் நடிகர் சித்தார்த். இவரின் முன்னணி நடிப்பில் வெளியாக உள்ள இந்த திரைப்படத்தை ரெட் ஜெயண்ட் மற்றும் 7 மில்ஸ் பேர் சேகென்ட் என இரு நிறுவனங்கள் இணைந்து தயாரித்துள்ளது. காதல் மற்றும் ஆக்ஷன் காட்சிகள் நிறைந்த கதைக்களத்தில் உருவாகியுள்ள இந்தத்திரைப்படம் முதலில் 2025ம் ஆண்டு மார்ச் மாதம் வெளியாகும் என்று அறிவித்திருந்த நிலையில் தற்போது இந்த திரைப்படம் வருகின்ற நவம்பர் 29ம் தேதி வெளியாகும் என்ற அதிகாரப்பூர்வமான அறிவிப்பைப் படக்குழு வெளியிட்டிருந்தது. இந்நிலையில் வெளியீட்டிற்கு சில நாட்களே உள்ள நிலையில் தற்போது இந்த திரைப்படத்தின் டீசரை படக்குழு வெளியிட்டுள்ளது.

படப்பிடிப்பில் சமந்தாவிற்கு நடந்த சோகம்…

பானா காத்தாடி திரைப்படம் மூலம் தமிழ் திரையுலகினரின் கவனத்தைப் பெற்றவர் நடிகை சமந்தா. அதனை தொடர்ந்து தெலுங்கு நடிகர் நானியுடன் ‘நான் ஈ’ படத்தில் நடித்ததன் மூலம் தமிழ் சினிமாவின் கியூட் நாயகியாக வலம் வரத் தொடங்கினார் சமந்தா. தமிழ் சினிமாவின் முன்னணி நடிகர்களான விஜய், சூர்யா உள்ளிட்டவர்களுக்கு நாயகியாக நடிக்கத் தொடங்கினார் சமந்தா. தனக்கு கடந்த 2022 ஆம் ஆண்டு மயோசிடிஸ் என்ற அறிய வகை நோய் இருப்பதாக சமந்தா அறிவித்தார். அது அவரது ரசிகர்களுக்கு பேரதிர்ச்சியாக இருந்தது. திரைப்படங்களில் இருந்து விலகி சிகிச்சையில் கவனம் செலுத்த தொடங்கினார். சிகிச்சையின் போதும் தொடர்ந்து சமூக வலைதளங்களில் ஆக்டிவாக இருந்து வந்தார் சமந்தா. இந்த நிலையில் சிகிச்சைகள் முடிந்து தற்போது மீண்டும் சமந்தா நடிக்க தொடங்கியுள்ளனர். இந்த நிலையில் சிட்டாடல் படப்பிடிப்பில் நடிகை சம்ந்தா மயங்கி விழுந்தது குறித்து நடிகர் வருண் தவான் பேசியுள்ளார். அதில் தொடர்ந்து இரண்டு மணி நேரம் நடித்துக்கொண்டிருந்த போது சமந்தா மயங்கி விழுந்துவிட்டதாக தெரிவித்திருந்தார். இதனை பார்த்த வருண் பதட்டம் அடைந்ததாகவும், படப்பிடிப்பை ரத்து செய்துவிடலாம் என்றேன் ஆனால் சிறிது நேரத்தில் சமந்தா சகஜ நிலைக்கு வந்துவிடுவார் பதட்டம் வேண்டாம் என்று இயக்குநர் தெரிவித்ததாகவும் அவர் தெரிவித்துள்ளார்.

Also read…  இணையத்தை கலக்கும் நடிகை தமன்னாவின் கலர்ஃபுல் ஆல்பம்

நடிகர் சித்திக்கின் இடைக்கால ஜாமீன் நீட்டிப்பு

கேரளா ஹேமா கமிட்டி அறிக்கையைத் தொடர்ந்து ஒட்டுமொத்த்த தென் இந்திய திரைப்படத்துறையே ஆட்டம் கண்டுள்ளது என்று சொல்லலாம். கேரளா மட்டுமல்லாமல் மற்ற திரையுலகிலும் இதுபோன்ற சம்பவங்கள் நடப்பதாக சில நடிகைகள் அடுத்தடுத்து புகார்களை முன்வைத்து வருகின்றனர். இதுவரை நடிகர்கள் ஜெயசூர்யா, சித்திக், இயக்குநர் ரஞ்சித் மற்றும் நடிகரும் எம்.எல்.ஏவுமான முகேஷ் ஆகியோர் மீது வழக்கு பதிவு செய்யப்பட்டுள்ளது. இதனை தொடர்ந்து இளம் நடிகை அளித்த புகாரின் பேரில் மூத்த நடிகர் சித்திக்கிற்கு எதிராக கேரளாவில் உள்ள திருவனந்தபுரத்தில் உள்ள மியூசியம் போலீசார் கடந்த ஆகஸ்டு 27-ம் தேதி வழக்கு பதிவு செய்தனர். பாலியல் வன்கொடுமை மற்றும் குற்ற நோக்குடன் அச்சுறுத்தல் ஆகிய பிரிவுகளின் கீழ் இந்த வழக்கு பதிவானது. இதனை தொடர்ந்து தலைமறைவாக இருந்த நடிகர் சித்திற்கு கேரள உயர்நீதிமன்றம் கடந்த செப்டம்பர் மாதம் 30-ம் தேதி இடைக்கால முன் ஜாமீன் வழங்கியது. இதனை தொடர்ந்து சித்திக் சிறப்பு புலனாய்வு குழு முன்பு கடந்த மாதம் 7-ம் தேதி மற்றும் 12-ம் தேதி விசாரணைக்கு ஆஜரானார். இந்த நிலையில் நடிகர் சித்திக்கின் இடைக்கால முன்ஜாமீன் மனு காலம் முடிவடைந்ததால் உச்ச நீதிமன்றத்தில் அவரது முன்ஜாமீன் மனு இன்று விசாரணைக்கு வந்தது. இதனை தொடர்ந்து சித்திக்கின் இடைக்கால முன்ஜாமீனை ஒரு வாரம் நீட்டித்து உச்ச நீதிமன்றம் உத்தரவிட்டுள்ளது.

Also read… தாவணி போட்ட தீபாவளி… ஹன்சிகாவின் அழகிய போட்டோஸ் இதோ

‘மெய்யழகன்’ படத்திலிருந்து வெளியானது ’மில்க் பிக்கீஸ்’ வீடியோ!

நடிகர் கார்த்தி மற்றும் அரவிந்தசாமி நடிப்பில் வெளியான ‘மெய்யழகன்’ படத்திலிருந்து ‘மில்க் பிக்கீஸ்’ வீடியோவைப் படக்குழு வெளியிட்டுள்ளது. விஜய் சேதுபதி மற்றும் த்ரிஷா நடிப்பில் வெளியான ‘96’ படத்தின் மூலம் ரசிகர்களின் கவனத்தை ஈர்த்தவர் இயக்குநர் பிரேம் குமார். இவர் அடுத்ததாக கார்த்தியின் 27-வது படத்தை இயக்கியுள்ளார். மெய்யழகன் என்று பெயர் வைக்கப்பட்டுள்ள இந்தப் படத்தில் கார்த்தி மற்றும் அரவிந்தசாமி இருவரும் முக்கிய கதாப்பாத்திரத்தில் நடித்துள்ளனர். சூர்யாவின் 2டி என்டர்டெயின்ட்மென்ட் நிறுவனம் இப்படத்தை தயாரித்துள்ளது. இதில் ராஜ்கிரண், ஸ்ரீ திவ்யா மற்றும் தேவதர்ஷினி ஆகியோரும் நடித்துள்ளனர். இப்படத்திற்கு இசையமைப்பாளர் கோவிந்த் வசந்தா இசையமைத்துள்ளார். படம் கடந்த மாதம் 27-ம் தேதி திரையரங்குகளில் வெளியான நிலையில் படத்திலிருந்து ‘மில்க் பிக்கீஸ்’ வீடியோவைப் படக்குழு வெளியிட்டுள்ளது. மேலும் படம் தற்போது நெட்ஃபிளிக்ஸ் ஓடிடியில் வெளியாகியுள்ளது குறிப்பிடதக்கது.

ஓடிடி வெளியீட்டில் தள்ளிப்போகும் ‘அமரன்’…

நடிகர் சிவகார்த்திகேயன் தற்போது தனது 21-வது படத்திற்காக இயக்குநர் ராஜ்குமார் பெரியசாமியுடன் கூட்டணி வைத்தார். இந்தப் படத்திற்கு ‘அமரன்’ என்று பெயர் வைத்தனர். சோனி பிக்சர்ஸுடன் இணைந்து இந்தப் படத்தை நடிகர் கமல்ஹாசனின் ராஜ்கமல் பிலிம்ஸ் இன்டர்நேஷனல் தயாரித்துள்ளது. இந்தப் படத்தில் சிவகார்த்திகேயன் ராணுவ வீரராக நடித்துள்ளார். அவருக்கு ஜோடியாக நடிகை சாய் பல்லவி நடித்துள்ளார். இசையமைப்பாளர் ஜி.வி.பிரகாஷ்குமார் இந்தப் படத்திற்கு இசை அமைத்துள்ளார். மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து இந்தப் படம் உருவாகியுள்ளது. அந்த வகையில் நெட்ஃப்ளிக்ஸ் நிறுவனம் படத்தின் ஓடிடி உரிமையைப் பெற்றுள்ளது. படம் வெளியான 28 நாட்களில் ஓடிடியில் வெளியாகும் என்ற தகவல் வெளியாகி இருந்தது. ஆனால் படம் தற்போது திரையரங்குகளில் நல்ல வரவேற்பைப் பெற்று வரும் நிலையில் மேலும் ஒரு வாரம் கழித்து ஓடிடியில் வெளியாகும் என்ற தகவல் இணையத்தில் வைரலாகி வருகின்றது.