Today’s Cinema News: சூர்யாவின் கங்குவா பட விமர்சனம் முதல் புஷ்பா 2 பட அப்டேட் வரை… டாப் சினிமா செய்திகள்!

இன்றைய சினிமா செய்திகள்: நடிகர் சூர்யாவின் நடிப்பில் பெரும் எதிர்பார்ப்பிற்கு மத்தியில் இன்று திரையரங்குகளில் வெளியான ‘கங்குவா’ படம் கலவையான விமர்சனம் பெற்று வருவது முதல் நடிகர்கள் அல்லு அர்ஜூன் மற்றும் ராஷ்மிகா மந்தனா நடிப்பில் உருவாகிவரும் புஷ்பா 2 படத்திற்கு ராஷ்மிகா டப்பிங் பணியை தொடங்கியது வரை நவம்பர் மாதம் 14-ம் தேதி சினிமாவில் நடந்த முக்கிய நிகழ்வுகள் குறித்து சில.

எகிறிய எதிர்பார்ப்பை பூர்த்தி செய்ததா? கங்குவா பட விமர்சனம்..

சுமார் இரண்டரை ஆண்டுகள் இடைவெளியில் நடிகர் சூர்யாவின் கங்குவா படம் ஒருவழியாக தியேட்டரில் வெளியாகியுள்ளது. பிரபல கமர்ஷியல் இயக்குநர் சிவா இயக்கத்தில் சூர்யா, திஷா பதானி, பாபி தியோல், நட்டி, யோகிபாபு, ரெட்டி கிங்ஸ்லி, கே.எஸ்.ரவிகுமார், கோவை சரளா, ஆனந்தராஜ் உள்ளிட்ட பலரும் இந்த படத்தில் நடித்துள்ளனர். ஸ்டூடியோ க்ரீன் சார்பில் ஞானவேல்ராஜ் மிகப்பெரிய பொருட்செலவில் கங்குவா படத்தை தயாரிக்க தேவி ஸ்ரீ பிரசாத் இசையமைத்துள்ளார். இந்த படத்தின் ப்ரோமோஷனின் போது கண்டிப்பாக ரூ.2 ஆயிரம் கோடி வசூலிக்கும் என தயாரிப்பாளர் நம்பிக்கை தெரிவித்தார். இந்த படத்தின் மீதான ரசிகரக்ளின் எதிர்பார்ப்பு எகிரி இருந்தது. இந்த நிலையில் படம் ரசிகரக்ளிடையே கலவையான விமர்சனத்தைப் பெற்று வருகிறது. அதன்படி சிலர் படத்தை நன்றாக இருக்கிறது என்றும் சிலர் எதிர்பார்ப்பை பூர்த்தி செய்யவில்லை என்றும் தெரிவித்து வருகின்றனர்.

பிக்பாஸில் வர்ஷினிக்கு எதிராக போராட்டம் பன்னும் மற்ற போட்டியாளர்கள்

விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார். அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார். தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். இந்த நிலையில் இந்த வாரம் தொடங்கள் இருந்து பிக்பாஸ் வீடு பிக்பாஸ் ரெஸிடென்சியல் பள்ளியாக மாறியுள்ளது. டாஸ்க் தொடங்கிய முதல் நாள் விறுவிறுப்பாக சென்ற நிலையில் நேற்று சற்று தொய்வாகவே டாஸ்க் ஆரம்பித்தது. இதனால் பிக்பாஸ் வீட்டில் உள்ள மாணவர்களுக்கு மட்டும் சீக்ரெட் டாஸ்க் வழங்கினார். இதனை அடுத்து டாஸ்க் விறுவிறுப்பாக சென்றது. இந்த நிலையில் இன்று பிக்பாஸ் வீட்டில் பிரின்சிபலாக இருக்கும் வர்ஷினிக்கு எதிராக மாணவர்கள் போராடுவது போன்ற வீடியோவை நிகழ்ச்சி குழு வெளியிட்டுள்ளது. அது தற்போது இணையத்தில் வைரலாகி வருகின்றது.

‘டிஎன்ஏ’ படத்திலிருந்து வெளியானது முதல் பாடல்!

ஒருநாள் கூத்து, ஃபர்ஹானா போன்ற படங்களை இயக்கியதன் மூலம் கவனம் பெற்றவர் இயக்குநர் நெல்சன் வெங்கடேசன். இவர் அடுத்ததாக இயக்கும் படம் ‘டிஎன்ஏ’. இந்தப் படத்தில் அதர்வா நாயகனாக நடிக்க அவருக்கு ஜோடியாக நிமிஷா சஜயன் நடித்துள்ளார். மலையாளத்தில் முக்கிய நடிகையாக இருக்கும் நிமிஷா சஜயன் தற்போது தமிழில் தொடர்ந்து படங்களில் நடித்து வருகிறார். இந்தப் படத்தை ஒலிம்பியா மூவிஸ் அம்பேத் குமார் படத்தை தயாரிக்கிறார். இந்த நிலையில் இந்தப் படத்திலிருந்து முதல் பாடலான ‘கண்ணே கனவே’ என்ற பாடலின் லிரிக்கள் வீடியோவை இசைப்புயல் ஏ.ஆர். ரகுமான் வெளியிட்டுள்ளார். இந்தப் பாடலை கார்த்திக் நேத்தா எழுதியுள்ள நிலையில் ஸ்ரீகாந்த் ஹரிஹரன் பாடலை இசையமைத்துள்ளார். இந்தப் பாடல் தற்போது இணையத்தில் வைரலாகி வருகின்றது.

ஒளிமயமான எதிர்காலம் காண உதவுவோம்.. ஏ.ஆர்.ரஹ்மான்

உலக நீரிழிவு தினம் இன்று கடைபிடிக்கப்படுகிறது. எத்தனையோ விதமான நோய்கள் உலகை அச்சுறுத்தி வருகிறது. இந்நோய் குறித்த விழிப்புணர்வை அனைவரும் பெறவேண்டும் என்ற நோக்கத்தில் ஒவ்வொரு ஆண்டும் நவம்பர் மாதம் 14 ஆம் தேதி ஐக்கிய நாடுகள் சபையால் உலக நீரிழிவு தினம் கடைபிடிக்கப்படும் அறிவிக்கப்பட்டுள்ளது. இப்படியான நிலையில் இந்திய சினிமாவின் முக்கிய, முன்னணி இசையமைப்பாளர்களில் ஒருவரான இசைப்புயல் ஏ.ஆர்.ரஹ்மான், நீரிழிவு நோய் குறித்து எக்ஸ் வலைத்தளத்தில் பதிவு ஒன்றை வெளியிட்டுள்ளார். அதில், “நண்பர்களே.. – நீரிழிவு மற்றும் உங்கள் கண்கள் பற்றி நான் முக்கியமான ஒன்றைப் பற்றி பேச விரும்புகிறேன் .நீங்கள் நீரிழிவு நோயுடன் வாழ்கிறீர்கள் என்றால், இது இரத்த சர்க்கரையை நிர்வகிப்பது மட்டுமல்ல என புரிந்துக் கொள்ளுங்கள். நீரிழிவு நோயானது நீரிழிவு ரெட்டினோபதிக்கு வழிவகுக்கும், இது கடுமையான பார்வைப் பிரச்சினைகளை ஏற்படுத்தும், குருட்டுத்தன்மையையும் கூட ஏற்படுத்தும் என்பதை உணருங்கள்.ஆனால் உலக நீரிழிவு நாளை முன்னிட்டு உங்களுக்கு ஒரு நல்ல செய்தி சொல்கிறேன்

வழக்கமான கண் பரிசோதனைகள் மூலம் நீரிழிவு ரெட்டினோபதியை ஆரம்பத்திலேயே கண்டுபிடித்து உங்கள் பார்வையைப் பாதுகாக்க உதவ முடியும். இன்று நவம்பர் 14ஆம் தேதி உலக நீரிழிவு தினம் என்பதால் கண் பரிசோதனைக்கு நேரம் ஒதுக்குமாறு உங்களை ஊக்குவிக்கிறேன். உங்களுக்கு ஒருவேளை நீரிழிவு நோய் இருந்தால், அல்லது உங்கள் வட்டத்தில் யாரையாவது அறிந்திருந்தால் பார்வையைப் பாதுகாக்க நடவடிக்கையை எடுக்கவும். ஒரு எளிய வருடாந்திர கண் பரிசோதனை அனைத்து வித்தியாசத்தையும் ஏற்படுத்தும்.இந்தச் செய்தியைப் பரப்பி, ஒளிமயமான எதிர்காலத்தைக் காண அனைவருக்கும் உதவுவோம்” என தெரிவித்துள்ளார்.

‘அமரன்’ படத்திலிருந்து வெளியானது ‘ஹே மின்னலே’ வீடியோ பாடல்!

அமரன் படத்திலிருந்து வீடியோ பாடலைப் படக்குழு வெளியிட்டுள்ளது. நடிகர் சிவகார்த்திகேயன் தற்போது தனது 21-வது படத்திற்காக இயக்குநர் ராஜ்குமார் பெரியசாமியுடன் கூட்டணி வைத்துள்ளார். இந்தப் படத்திற்கு ‘அமரன்’ என்று பெயர் வைத்துள்ளனர். சோனி பிக்சர்ஸுடன் இணைந்து இந்தப் படத்தை நடிகர் கமல்ஹாசனின் ராஜ்கமல் பிலிம்ஸ் இன்டர்நேஷனல்  தயாரிக்கிறது. இந்தப் படத்தில் சிவகார்த்திகேயன் ராணுவ வீரராக நடிக்கிறார். அவருக்கு ஜோடியாக நடிகை சாய் பல்லவி நடித்துள்ளார்.  இசையமைப்பாளர் ஜி.வி.பிரகாஷ்குமார் இந்தப் படத்திற்கு இசை அமைத்துள்ளார். மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து இந்தப் படம் உருவாகியுள்ளது. தமிழில் மீண்டும் ஒரு தேசபக்தி படமாக உருவாகியுள்ள இந்தப் படம் கடந்த தீபாவளி பண்டிகையை முன்னிட்டு 31-ம் தேதி வெளியாகியுள்ளது. இந்த நிலையில் இந்தப் படத்திலிருந்து ‘ஹே மின்னலே’ பாடலின் வீடியோவை படக்குழு வெளியிட்டுள்ளது.

சீரியல் நடிகை சைத்ரா ரெட்டி வீட்டில் நடந்த விசேஷம்…

நடிகை சைத்ரா ரெட்டி கன்னட டிவி சீரியலான ’அவனு மேட்டே ஷ்ரவாணி’ என்பதன் மூலம் சின்னத்திரையில் நடிகையாக அறிமுகமானார். பின்னர் கன்னடத்தில் தொடர்ந்து பல சீரியல்களில் நடித்து அங்கு பிரபலமானார் நடிகை சைத்ரா ரெட்டி. தமிழ் சின்னத்திரையில் நடிகை ப்ரியா பவானி சங்கருக்கு பதிலாக விஜய் தொலைக்காட்சியில் ஒளிபரப்பான கல்யாணம் முதல் காதல் வரை சீரியலில் நடித்ததன் மூலம் தமிழ் தொலைக்காட்சியில் அறிமுகமானார். அதனை தொடர்ந்து ஜீ தமிழ் தொலைக்காட்சியில் ஒளிபரப்பாகிய ’யாரடி நீ மோகினி‘ என்ற சீரியல் மூலம் ரசிகர்கள் மனதில் இடம் பிடித்தவர் சைத்ரா ரெட்டி. ’யாரடி நீ மோகினி‘ சீரியலில் ஸ்வேதா என்ற வில்லி கதாபாத்திரத்தை ஏற்று நடித்திருந்தாலும் சைத்ரா ரெட்டிக்கு ரசிகர்கள் பட்டாளம் அதிகம். நடிகை சைத்ரா ரெட்டி தற்போது சன் டிவியில் ஒளிபரப்பாகும் கயல் சீரியலில் முன்னணி நாயகியாக நடித்து வருகிறார். தொடர்ந்து டிஆர்பி-யில் முன்னணி வகிக்கும் கயல் சீரியலில் நடிகை சைத்ரா ரெட்டி கயல் கதாப்பாத்திரத்தில் நடித்து வருகிறார். இந்த நிலையில் நடிகை சைத்ரா ரெட்டி கடந்த 2020-ம் ஆண்டு ராகேஷ் என்பவரை காதலித்து திருமணம் செய்துக்கொண்டார். இந்த நிலையில் தற்போது தனது திருமண வாழ்க்கையில் 4 ஆண்டுகள் முடிந்துள்ளதை நடிகை சைத்ரா இன்ஸ்டாகிராம் பக்கத்தில் போட்டோ வெளியிட்டு தெரிவித்துள்ளார்.

Also read… 2024-ம் ஆண்டு இதுவரை வெளியான படங்களில் அதிக வசூலை ஈட்டிய படங்களின் லிஸ்ட் இதோ

‘மெய்யழகன்’ படத்திலிருந்து வெளியானது ’ஜர்னி பிகின்ஸ்’ வீடியோ!

நடிகர் கார்த்தி மற்றும் அரவிந்தசாமி நடிப்பில் வெளியான ‘மெய்யழகன்’ படத்திலிருந்து ‘ஜர்னி பிகின்ஸ்’ வீடியோவைப் படக்குழு வெளியிட்டுள்ளது. விஜய் சேதுபதி மற்றும் த்ரிஷா நடிப்பில் வெளியான ‘96’ படத்தின் மூலம் ரசிகர்களின் கவனத்தை ஈர்த்தவர் இயக்குநர் பிரேம் குமார். இவர் அடுத்ததாக கார்த்தியின் 27-வது படத்தை இயக்கியுள்ளார். மெய்யழகன் என்று பெயர் வைக்கப்பட்டுள்ள இந்தப் படத்தில் கார்த்தி மற்றும் அரவிந்தசாமி இருவரும் முக்கிய கதாப்பாத்திரத்தில் நடித்துள்ளனர். சூர்யாவின் 2டி என்டர்டெயின்ட்மென்ட் நிறுவனம் இப்படத்தை தயாரித்துள்ளது. இதில் ராஜ்கிரண், ஸ்ரீ திவ்யா மற்றும் தேவதர்ஷினி ஆகியோரும் நடித்துள்ளனர். இப்படத்திற்கு இசையமைப்பாளர் கோவிந்த் வசந்தா இசையமைத்துள்ளார். படம் கடந்த மாதம் 27-ம் தேதி திரையரங்குகளில் வெளியான நிலையில் படத்திலிருந்து ‘ஜர்னி பிகின்ஸ்’ வீடியோவைப் படக்குழு வெளியிட்டுள்ளது. மேலும் படம் தற்போது நெட்ஃபிளிக்ஸ் ஓடிடியில் வெளியாகியுள்ளது குறிப்பிடதக்கது.

Also read… தாயாக வேண்டும் என்ற கனவு இப்பவும் இருக்கு – வெளிப்படையாக பேசிய நடிகை சமந்தா

புஷ்பா 2 படத்தின் டப்பிங் பணியை தொடங்கிய ராஷ்மிகா!

நடிகர் அல்லு அர்ஜூன் மற்றும் ராஷ்மிகா மந்தனா நடிப்பில் உருவாகிவரும் புஷ்பா 2 படத்தில் தனது கதாப்பாத்திரத்திற்கு டப்பிங் பணியை தொடங்கினார் நடிகை ராஷ்மிகா மந்தனா. கடந்த 2016-ம் ஆண்டு ‘கிரிக் பார்ட்டி’ என்கிற திரைப்படத்தில் நாயகியாக அறிமுகமாகும் வாய்ப்பு கிடைத்தது ராஷ்மிகா மந்தனாவிற்கு. இதற்கு முன்னர் சில படங்களில் சிறு சிறு வேடங்களில்  நடிக்க வாய்ப்பு கிடைத்த போதிலும் அதனை நிராகரித்தார் நடிகை ரஷ்மிகா. தன்னுடைய திறமைக்கு ஏற்ற வாய்ப்பு அமைந்தால் மட்டுமே நடிக்க வேண்டும் என்பதில் உறுதியாக இருந்தார் ராஷ்மிகா. நடிகை ராஷ்மிகா மந்தனா என்றால் அவரது ரசிகர்கள் தொடங்கி தெலுங்கு சினிமா உலகின் முன்னணி நடிகர்கள் வரை பலரும் கூறுவது, நேஷ்னல் கிரஷ் என்பதுதான். தமிழ், தெலுங்கு, கன்னடா, ஹிந்தி என பான் இந்திய நடிகையாக வலம் வருபவர் நடிகை ராஷ்மிகா மந்தனா. இந்த நிலையில் இந்தப் படத்தின் புஷ்பா 2 எப்போது வெளியாகும் என்று ரசிகர்கள் எதிர்பார்த்து காத்திருந்த நிலையில் படம் வருகின்ற டிசம்பர் 6-ம் தேதி திரையரங்குகளில் வெளியாகும் என்று முன்னதாக படக்குழு அறிவித்திருந்தது. படத்தின் பணிகள் விறுவிறுப்பாக நடைப்பெற்று வரும் நிலையில் ராஷ்மிகா மந்தனா தனது கதாப்பாத்திரத்திற்கு டப்பிங் பேசும் பணிகளை தற்போது தொடங்கியுள்ளார். இது தொடர்பான புகைப்படங்கள் தற்போது இணையத்தில் வெளியாகி வைரலாகி வருகின்றது.