Today’s Cinema News: தளபதி 69 படத்தின் ஷூட்டிங் முதல் அமரன் பட வசூல் வரை… டாப் சினிமா செய்திகள்!

இன்றைய சினிமா செய்திகள்: நடிகர் விஜய் நடிப்பில் உருவாகி வரும் தளபதி 69 படத்தின் இரண்டாம் கட்ட படப்பிடிப்பு தொடங்கியது முதல் நடிகர் சிவகார்த்திகேயன் நடிப்பில் வெளியான அமரன் படத்தின் தற்போதைய வசூல் நிலவரம் வரை நவம்பர் மாதம் 5-ம் தேதி சினிமாவில் நடந்த முக்கிய நிகழ்வுகள் குறித்து சில.

தொடங்கியது ’தளபதி 69’ படத்தின் 2-ம் கட்ட ஷூட்டிங்!

இயக்குநர் எச்.வினோத் இயக்கத்தில் நடிகர் விஜய் நடிப்பில் உருவாகி வரும் ‘தளபதி 69’ படத்தின் இரண்டாம் கட்ட படப்பிடிப்பு தொடங்கியதாக கோலிவுட்டில் தகவல்கள் வெளியாகியுள்ளது. நடிகர் விஜய் தீவிர அரசியலில் ஈடுபட உள்ளதாக அறிவித்த நிலையில் அவரது கடைசி படமான தளபதி 69 படத்துடன் அவர் நடிப்பதில் இருந்து விலக உள்ளதாக தெரிவித்துள்ளார்.  இதனால் தளபதி 69 படத்தின் மீதான ரசிகர்களின் எதிர்பார்ப்பு அதிகரித்துள்ளது. இந்த நிலையில் படம் குறித்த அடுத்தடுத்த அப்டேட்டுகள் தொடர்ந்து வெளியாகி வருவது ரசிகர்களிடையே உற்சாகத்தை ஏற்படுத்தியுள்ளது. தளபதி 69 படத்தின் படப்பிடிப்பு கடந்த 4-ம் தேதி பூஜையுடன் தொடங்கியது. முதல் கட்டப் படப்பிடிப்பில் பிரமாண்டமாக செட் அமைத்து பாடல் காட்சிகள் படமாக்கப்பட்டதாக முன்னதாக தகவல்கள் வெளியானது. இந்த நிலையில் படப்பிடிப்பிற்கு ப்ரேக் எடுத்துவிட்டு தனது கட்சி மாநாட்டில் கலந்துகொண்டார் விஜய். தற்போது தீபாவளி பண்டிகை விடுமுறையை முடித்துவிட்டு படக்குழு மீண்டும் படப்பிடிப்பை தொடங்கியுள்ளதாக தகவல்கள் வெளியாகியுள்ளது.

பிக்பாஸ் வீட்டில் மோதிக்கொள்ளும் ஆண்கள் மற்றும் பெண்கள்

விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. கடந்த 6-ம் தேதி பிக்பாஸ் தமிழ் 8-வது சீசன் தொடங்கியது. இதில், ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகிய பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார். முன்னதாக 15 போட்டியாளர்கள் பிக்பாஸ் வீட்டில் இருந்த நிலையில் மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த ஞாயிறு அன்று. அதில் ரியா தியாகராஜன், சிவகுமார், ரானவ், மஞ்சரி, ராயன், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இந்த நிலையில் நேற்று பிக்பாஸ் வீட்டில் டாஸ்க் வழங்குவது தொடர்பாக பெண்கள் அணியினருக்கும் ஆண்கள் அணியினருக்கும் இடையே சலசலப்பு ஏற்பட்டது. அந்த பிரச்சனைக்கு தீர்வு எட்டாமலே நேற்றைய எபிசோட் முடிவடைந்த நிலையில் இன்றும் அதே பிரச்சனை நீழ்வது பிக்பாஸ் குழு வெளியிட்ட ப்ரோமோ வீடியோ மூலம் தெரியவந்துள்ளது.

பிரபலங்களின் பாராட்டு மழையில் ’அமரன்’ படம்

நடிகர் சிவகார்த்திகேயனின் நடிப்பில் நேற்று தீபாவளி பண்டிகையை முன்னிட்டு வெளியான ‘அமரன்’ படத்தைப் பார்த்த பிரபலங்கள் பலர் தங்களது வாழ்த்துகளை சமூக வலைதள பக்கத்தில் தொடர்ந்து தெரிவித்து வருகின்றனர். நடிகர் சிவகார்த்திகேயன் தற்போது தனது 21-வது படத்திற்காக இயக்குநர் ராஜ்குமார் பெரியசாமியுடன் கூட்டணி வைத்தார். இந்தப் படத்திற்கு ‘அமரன்’ என்று பெயர் வைத்தனர். சோனி பிக்சர்ஸுடன் இணைந்து இந்தப் படத்தை நடிகர் கமல்ஹாசனின் ராஜ்கமல் பிலிம்ஸ் இன்டர்நேஷனல்  தயாரித்துள்ளது. இந்தப் படத்தில் சிவகார்த்திகேயன் ராணுவ வீரராக நடித்துள்ளார். அவருக்கு ஜோடியாக நடிகை சாய் பல்லவி நடித்துள்ளார்.  இசையமைப்பாளர் ஜி.வி.பிரகாஷ்குமார் இந்தப் படத்திற்கு இசை அமைத்துள்ளார். மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து இந்தப் படம் உருவாகியுள்ளது. இப்படம் தீபாவளி பண்டியை முன்னிட்டு கடந்த அக்டோபர் 31-ம் தேதி திரையரங்குகளில் வெளியானது. இந்தப் படத்தைப் பார்த்த ரசிகர்கள் உட்பட சினிமா பிரபலங்கள் தங்களது வாழ்த்துகளை படக்குழுவினருக்கு தொடர்ந்து தெரிவித்து வருகின்றனர்.

தோல்வியை ஏற்றுக்கொள்கிறேன்… நடிகை சமந்தா

பானா காத்தாடி திரைப்படம் மூலம் தமிழ் திரையுலகினரின் கவனத்தைப் பெற்றவர் நடிகை சமந்தா. அதனை தொடர்ந்து தெலுங்கு நடிகர் நானியுடன் ‘நான் ஈ’ படத்தில் நடித்ததன் மூலம் தமிழ் சினிமாவின் கியூட் நாயகியாக வலம் வரத் தொடங்கினார் சமந்தா. தமிழ் சினிமாவின் முன்னணி நடிகர்களான விஜய், சூர்யா உள்ளிட்டவர்களுக்கு நாயகியாக நடிக்கத் தொடங்கினார் சமந்தா. சமந்தாவும் தெலுங்கு நடிகர் நாக சைதன்யாவும் காதலித்து கடந்த 2017-ஆம் ஆண்டு பிரம்மாணடமாக திருமணம் செய்து கொண்டனர். இந்த திருமணமும் 4 ஆண்டுகளில் தோல்வியில் முடிந்தது. 2021-ம் ஆண்டு சமந்தா – நாக சைதன்யா இருவரும் தங்கள் பிரிவை அதிகாரப்பூர்வமாக அறிவித்தனர். தாயாக வேண்டாம் என்று சமந்த இந்த முடிவை எடுத்ததாகவும் பல விமர்சனங்களை சினிமா வட்டாரங்களிலும் சமூக வலைதளங்களிலும் எதிர்கொண்டார் சமந்தா. தற்போது மீண்டும் சமந்தா நடிக்க தொடங்கியுள்ளனர். சமந்தா தற்போது இயக்குனர் ராஜ் & டி.கே இயக்கியுள்ள ‘சிட்டாடல்’ என்ற தொடரில் நடித்து முடித்துள்ளார். நடிகர் வருண் தவான் முக்கிய கதாபாத்திரத்தில் நடித்துள்ள இந்த தொடர் வரும் அமேசான் ப்ரைம் ஓடிடி தளத்தில் 7-ம் தேதி வெளியாகவுள்ளது. இந்த நிலையில் சமந்தா சமீபத்தில் பேட்டி ஒன்றில் பேசியபோது கடந்த காலத்தில் சில படங்கள் வெற்றியடையாமல் போனதற்கு காரணம் நான் சில தவறுகளை செய்துவிட்டேன். என் தோல்வியை ஏற்றுக்கொள்கிறேன் என்றும் தெரிவித்துள்ளார்.

நடிகை நயன்தாராவிற்கு பிடித்த சீரியல் இதுதானாம்…

தமிழ், தெலுங்கு, மலையாளம், ஹிந்தி என பான் இந்தியன் நடிகையாக வலம் வருகிறார் நடிகை நயன்தாரா. 2003 ஆம் ஆண்டு மலையாளத்தில் வெளியான மனசினக்கரே படம் மூலம் தனது நடிப்பு வாழ்க்கையை தொடங்கினார் நயன்தாரா. 2005-ம் ஆண்டு இயக்குநர் ஹரி இயக்கத்தில் வெளியான ஐயா படத்தில் நடித்ததன் மூலம் தமிழ் ரசிகர்களின் கவனத்தைப் பெற்றார் நயன்தாரா. அதற்கு அடுத்த படமே சூப்பர் ஸ்டார் உடன் ஜோடி போட்டு சந்திரமுகி படத்தில் நடித்து கோலிவுட் ரசிகர்களின் மனதில் நீங்காத இடம் பிடித்தார். தொடர்ந்து அஜித், விஜய், சூர்யா என கோலிவுட்டின் முன்னணி நடிகர்களுக்கு நாயகியாக நடித்தார் நயன்தாரா. தற்போது நாயகிகளுக்கு முக்கியதுவம் அளிக்கும் படங்களில் தொடர்ந்து நடித்து வருகிறார் நயன்தாரா. இந்த நிலையில் நடிகை நயன்தாரா தொடர்ந்து விரும்பி பார்க்கும் தொலைக்காட்சி தொடர் குறித்த தகவல் இணையத்தில் வெளியாகி வைரலாகி வருகின்றது. நயன்தாராவிற்கு சன் தொலைக்காட்சியில் ஒளிபரப்பாகும் கயல் சீரியல் மிகவும் பிடிக்கும் என்றும், ஒரு எபிசோடை கூட தவறாமல் அவர் பார்ப்பார் என்றும் தகவல்கள் வெளியாகியுள்ளது.

அந்த நடிகரைப் போல ஆக வேண்டும்… நடிகை பார்வதி!

1988ஆம் ஆண்டு கேரள மாநிலத்தில் கோழிக்கோட்டில் பிறந்தவர் நடிகை பார்வதி. பள்ளி காலத்தில் திருவனந்தபுரத்திற்கு இவரது குடும்பம் குடிபெயர்ந்தது. பள்ளி படிப்பிற்கு பிறகு பி.ஏ. ஆங்கிலம் படித்துள்ளார். டிவி தொகுப்பாளினியாக அறிமுகமான பார்வதி அவுட் ஆப் தி சிலபஸ் எனும் படத்தில் கடந்த 2006-ம் ஆண்டு மலையாள சினிமா துறையில் நடிகையாக அறிமுகமானார். அதன் பின்னர் கன்னட திரைப்படமான மிலானா மூலம் ஹீரோயினாக முதன்முதலில் களமிறங்கினார். மலையாளத்தில் முன்னணி நடிகையாக வலம் வரும் பார்வதி தமிழில் பூ படத்தின் மூலம் 2008ம் ஆண்டு அறிமுகமானார். சென்னையில் ஒரு நாள், மரியான், உத்தம வில்லன் ஆகிய படங்களில் இவரது நடிப்பு பாராட்டப்பட்டது. தொடர்ந்து நல்ல காதாப்பாத்திரங்கள் உள்ள படங்களில் நடித்து வரும் பார்வதி, சமீபத்தில் இயக்குநர் பா.ரஞ்சித் இயக்கத்தில் நடிகர் விக்ரமிற்கு நாயகியாக தங்கலான் படத்தில் நடித்திருந்தார். இந்த நிலையில் சமீபத்தில் பேட்டி ஒன்றில் பேசியிருந்த நடிகை பார்வதி நடிகர் விக்ரமை புகழ்ந்து பாராட்டியுள்ளார். அதில் அவர் பேசியதாவது நடிகர் விக்ரம் எந்த ஈகோவும் இல்லாத சிறந்த நடிகர் மட்டுமில்லாமல் சிறந்த மனிதரும் கூட. அவரைப் போல் இருந்தால் எவ்வளவு அருமையாக இருக்கும் என்று சில சமயம் நினைப்பேன் என்றும் பார்வதி தெரிவித்துள்ளார்.

இந்தி படத்தில் நடிப்பதை உறுதி செய்த சூர்யா

சூர்யாவின் நடிப்பில் தற்போது உருவாகி ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள படம் கங்குவா. இந்த படத்தினை இயக்குநர் சிறுத்தை சிவா இயக்குகின்றார். மன்னர் காலக் கதையைக் கொண்டு எடுக்கப்பட்டு வரும் இந்த படம்தான் சூர்யாவின் நடிப்பில் அதிக பொருட்செலவில் உருவாக்கப்பட்டு வரும் படம். தேவி ஸ்ரீ பிரசாத் இந்த படத்துக்கு இசையமைத்துள்ளார். இப்படத்தில் திஷா பதானி, பாபி தியோல், கோவை சரளா, யோகிபாபு, ரெட்டின் கிங்ஸ்லி, நடராஜன் சுப்பிரமணியன், ஜெகபதி பாபு, கே.எஸ்.ரவிகுமார் உள்ளிட்ட பலர் இணைந்து நடித்துள்ளனர். கங்குவா மற்றும் சூர்யா 44 என இரண்டு படங்களிலும் பிசியாக வேலை செய்து வருகிறார் சூர்யா. இந்தப் படம் 10க்கும் மேற்பட்ட மொழிகளில் 3டி தொழில்நுட்பத்தில் படம் எடுக்கப்பட்டு வருகிறது.  13 விதமான தோற்றங்களில் சூர்யா நடிப்பதாக தெரிவிக்கப்பட்டிருப்பதால் பெரும் எதிர்பார்ப்பு நிலவுகிறது. படம் வருகிற நவம்பர் 14-ந் தேதி படத்தை வெளியிடுவதாக கங்குவா தயாரிப்பு நிறுவனம் அதிகாரபூர்வமாக அறிவித்துள்ளது. இந்த நிலையில் பேட்டி ஒன்றில் பேசிய நடிகர் சூர்யா தான் இந்தி படத்தில் நடிக்க உள்ளதை சூசகமாக தெரிவித்துள்ளார். மேலும் தயாரிப்பாளர்கள் தான் ஒரு படத்தின் அறிவிப்பை அதிகாரப்பூர்வமாக அறிவிக்க வேண்டும் என்றும் தெரிவித்துள்ளார்.

“ஜீப்ரா” படத்தில் இருந்து வெளியான முதல் பாடல் ..!

தெலுங்கு பிரபல இயக்குநர் ஈஷ்வர் கார்த்திக் இயக்கத்தில் மற்றும் ஓல்ட் டவுன் பிக்சர்ஸ் , பத்மஜா பிலிம்ஸ் இணைந்து தயாரிக்கும் திரைப்படம் ஜீப்ரா. பிரபல தெலுங்கு நடிகர் சத்யதேவ் முன்னணி நடிப்பில் நடிகை பிரியா பவானி சங்கர் இப்படத்தில் கதாநாயகியாக நடித்து வருகிறார். தமிழில் முன்னணி நடிகையாக இருந்த பிரியா இந்த திரைப்படத்தின் மூலமாக தற்போது தெலுங்கு திரையுலகில் அறிமுகமாகியுள்ளார். இத்திரைப்படத்தில் சத்யராஜ், தனஜெயா, அம்ருதா அய்யங்கார் மற்றும் சுனில் என பல பிரபலங்கள் இணைந்து நடித்துள்ளனர். முற்றிலும் க்ரைம் த்ரில்லர் கதைக்களத்தில் உருவாகிவரும் இத்திரைப்படம் தமிழ், இந்தி, மலையாளம் மற்றும் தெலுங்கு என 4 மொழிகளில் வெளியாக உள்ளது. இந்த ஜீப்ரா திரைப்படத்திற்காக பிப்ல இசையமைப்பாளர் ரவி பஸ்ரூர் இசையமைத்துள்ளார். தற்போது இந்த படத்திலிருந்து “தெரி மேரி” என்ற லிரிக்கல் பாடலை படக்குழு வெளியிட்டுள்ளது. இந்த திரைப்படமானது வருகின்ற நவம்பர் 22ம் தேதி வெளியாக உள்ளது.