Today’s Cinema News: ராமாயணம் ரிலீஸ் முதல் ஓடிடியில் வெளியாகும் வேட்டையன் வரை… டாப் சினிமா செய்திகள்!

இன்றைய சினிமா செய்திகள்: நடிகை சாய் பல்லவி சீதாவாக நடித்துள்ள ‘ராமாயணம்’ படத்தின் திரையரங்கு வெளியீடு குறித்த தகவல் முதல் நடிகர் ரஜினிகாந்தின் வேட்டையன் படம் ஓடிடியில் வெளியாகும் தேதி வரை நவம்பர் மாதம் 6-ம் தேதி சினிமாவில் நடந்த முக்கிய நிகழ்வுகள் குறித்து சில.

’ராமாயணம்’ படத்தின் ரிலீஸ் தேதி இதுதான்!

தமிழ் சினிமாவில் தாம் தூம் திரைப்படத்தில் குழந்தை நட்சத்திரமாக தனது நடிப்பை தொடங்கியவர் சாய் பல்லவி. கோத்தகிரியில் பிறந்த படுகர் இனத்தை சேர்ந்தவர் என்றாலும் இவர் படித்து வளர்ந்தது எல்லாம் கோயம்புத்தூரில் தான். இவரது முழு பெயர் சாய் பல்லவி செந்தாமரை ஆகும். மருத்துவ கல்வியை முடித்த அவர், நடிப்பின் மீது இருந்த ஆர்வம் காரணமாக சினிமா உலகில் அடியெடுத்து வைத்தார். வெள்ளிதிரைக்கு வருவதற்கு முன் சின்னத்திரையில் பல நடன போட்டிகளில் கலந்து கொண்டுள்ளார் சாய் பல்லவி. குறிப்பாக உங்களில் யார் அடுத்த பிரபு தேவா என்ற நடன நிகழ்ச்சியிலும் பங்கேற்றுள்ளார். பிரேமம் படத்தின் மூலம் நாயகியாக அறிமுகமான இவர் முதல் படத்திலேயே தென்னிந்தி ரசிகர்களை தன்வசம் கட்டி இழுத்துவிட்டார். சமீபத்தில் இவர் நடித்த கார்கி படம் நல்ல வரவேற்பை பெற்றது. இப்படத்திற்காக, சிறந்த நடிகைக்கான 3 விருதுகளை தட்டிச்சென்றார். இந்த நிலையில் தற்போது சாய் பல்லவி அமரன் படத்தில் நடித்துள்ளார். சிவகார்த்திகேயன் நாயகனாக நடிக்கும் இந்தப் படத்தில் நாயகியாக சாய் பல்லவி நடித்துள்ளார். இந்தப் படம் தீபாவளியை முன்னிட்டு கடந்த 31-ம் தேதி திரையரங்குகளில் வெளியானது. இந்த நிலையில் நடிகை சாய் பல்லவி சீதையாக நடித்த ‘ராமாயணம்’ படத்தின் வெளியீட்டு தேதி குறித்த தகவல் வெளியாகியுள்ளது. அதன்படி படத்தின் முதல் பாகம் 2026-ம் ஆண்டு தீபாவளிக்கும் இரண்டாம் பாகம் 2027-ம் ஆண்டு தீபாவளி பண்டிகைக்கு வெளியாகும் என்றும் அறிவிப்பை வெளியிட்ட்ள்ளனர்.

பிக்பாஸ் கொடுத்த டாஸ்க்… சிக்கித் தவிக்கும் வைல்ட் கார்ட் போட்டியாளர்கள்

கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. இதில், ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். முன்னதாக 15 போட்டியாளர்கள் பிக்பாஸ் வீட்டில் இருந்த நிலையில் மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த ஞாயிறு அன்று. அதில் ரியா தியாகராஜன், சிவகுமார், ரானவ், மஞ்சரி, ராயன், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இன்று பிக்பாஸ் வீட்டில் 31-வது நாளிற்கான முதல் ப்ரோமோ வீடியோவை நிகழ்ச்சி குழு வெளியிட்டுள்ளது. அதில் வீட்டில் அதிகமாக மேனிப்புலேட் செய்வது யார்? மேனிப்புலேட் ஆவது யார் என்ற டாஸ்க் வழங்கப்பட்டுள்ளது. அதில் அதிக நபர்கள் மேனிப்புலேட் செய்வது என புதிதாக வைல்ட் கார்ட் போட்டியாளர்களாக உள்ளே வந்த ரியா மற்றும் மஞ்சரியை கூறினர். அதே போல மேனிபுலேட் ஆவது ரானவ் மற்றும் சத்யா ஆகியோரின் பெயரை அதிக நபர்கள் கூறியுள்ளது குறிப்பிடதக்கது.

களைகட்டும் நெப்போலியன் மகன் திருமணம்…

பிரபல நடிகர் நெப்போலியனின் மூத்த மகன் தனுஷின் திருமணம் நாளை நடைபெறவுள்ள நிலையில் மணமக்களின் போட்டோஷூட்  வீடியோ தற்போது இணையத்தில் வைரலாகி வருகின்றது. தமிழ் சினிமாவில் ஹீரோ, வில்லன், குணசித்திர நடிகர் என அனைத்து கதாப்பாத்திரத்திலும் தனது நடிப்பின் மூலம் ரசிகர்களை கட்டிப்போட்டவர் நெப்போலியன். நெப்போலியனுக்கு, குணால் மற்றும் தனுஷ் என 2 மகன்கள் உள்ளனர் என்பது குறிப்பிடதக்கது. கடந்த சில வருடங்களுக்கு முன்னர் பிரபல யூடியூப் சேனல் ஒன்றில் அமெரிக்காவில் உள்ள நெப்போலியனின் குடும்பம் தொடர்பான வீடியோ வெளியானது. அந்த நேரத்தில் நெப்போலியன் தனது மகன்களுக்காக செய்த பல விஷயங்களை மக்கள் பாராட்டினர். சிறந்த அப்பா நெப்போலியன் என்றும் அந்த வீடியோவிற்கு பிறகு பாராட்டப்பட்டார் நெப்போலியன். இந்த நிலையில் நாளை நெப்போலியனின் மூத்த மகன் தனுஷின் திருமணம் நடைபெற உள்ள நிலையில் ஒரு மாதத்திற்கு முன்னதாகவே நெப்போலியன் தனது குடும்பத்தினருடன் கப்பல் மூலமாக ஜப்பான் நாட்டிற்கு சென்றார். இந்த திருமணத்தில் கலந்து கொள்வதற்காக சினிமா பிரபலங்கள் பலர் ஜப்பான் சென்றுள்ளனர். அதில் நடிகர்கள் சரத்குமார், ராதிகா, குஷ்பு ,மீனா, டான்ஸ் மாஸ்டர் கலா, என திரையுலகப் பிரபலங்கள் பலர் ஜப்பான் சென்றிருக்கின்றனர்.

வசூல் வேட்டை நடத்தும் சிவகார்த்திகேயனின் ‘அமரன்’

நடிகர் சிவகார்த்திகேயன் நடிப்பில் கடந்த 31-ம் தேதி திரையரங்குகளில் வெளியாகி சூப்பர் ஹிட் அடித்து வரும் ‘அமரன்’ படத்தின் வசூல் குறித்த தகவல் இணையத்தில் வைரலாகி வருகின்றது. சிவகார்த்திகேயன் தற்போது தனது 21-வது படத்திற்காக இயக்குநர் ராஜ்குமார் பெரியசாமியுடன் கூட்டணி வைத்தார். இந்தப் படத்திற்கு ‘அமரன்’ என்று பெயர் வைத்தனர். சோனி பிக்சர்ஸுடன் இணைந்து இந்தப் படத்தை நடிகர் கமல்ஹாசனின் ராஜ்கமல் பிலிம்ஸ் இன்டர்நேஷனல் தயாரித்துள்ளது. இந்தப் படத்தில் சிவகார்த்திகேயன் ராணுவ வீரராக நடித்துள்ளார். அவருக்கு ஜோடியாக நடிகை சாய் பல்லவி நடித்துள்ளார். இசையமைப்பாளர் ஜி.வி.பிரகாஷ்குமார் இந்தப் படத்திற்கு இசை அமைத்துள்ளார். மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து இந்தப் படம் உருவாகியுள்ளது. இதனைத் தொடர்ந்து படம் வெளியாகி 6 நாட்களை கடந்துள்ள நிலையில் படத்தின் வசூல் குறித்த தகவல் இணையத்தில் வைரலாகி வருகின்றது. அதன்படி படம் உலகம் முழுவதும் ரூ. 163 கோடி வசூல் செய்துள்ளதாக தகவல்கள் வெளியாகியுள்ளது.

இந்த வாரம் ஓடிடியில் வெளியாகும் படங்கள் என்னென்ன…

தியேட்டரில் வெளியாகும் புதுப் படங்கள் வெளியாகி 4 முதல் 6 வாரங்களிலேயே தற்போது ஓடிடி தளங்களில் வெளியாகிவிடுகிறது. இதனால் ரசிகர்கள் தாங்கள் தியேட்டரில் பார்க்கத் தவறிய படங்களை வீட்டில் இருந்தே பார்த்து மகிழ்கின்றனர். இந்த நிலையில் ரஜினியின் வேட்டையன் படம் வருகின்ற 8-ம் தேதி அமேசான் ப்ரைம் ஓடிடியில் வெளியாகவுள்ளது. இயக்குநர் சீனு ராமசாமி இயக்கத்தில் உருவான ‘கோழிப்பண்ணை செல்லதுரை’ படம் கடந்த 5-ம் தேதி அமேசான் ப்ரைம் ஓடிடியில் வெளியாகியுள்ளது. இந்தப் படத்தில் யோகி பாபு, புதுமுகங்கள் ஏகன், பிரிகிடா, ஐஸ்வர்யா தத்தா, தினேஷ் முத்தையா, சத்யா உட்பட பலர் நடித்துள்ளனர். தற்போது டொவினோ தாமஸ் நடிப்பில் பெரிதும் எதிர்பார்க்கப்பட்ட படம் ‘அஜயந்தே ரண்டாம் மோஷனம்’. பீரியட் டிராமாவாக உருவான இப்படத்தை அறிமுக இயக்குநர் ஜிதின் லால் இயக்கியுள்ளார். இந்தப் படத்தில் கிருத்தி ஷெட்டி, பாசில் ஜோசப், ஐஸ்வர்யா ராஜேஷ், சுரபி லட்சுமி, சிவாஜித் மற்றும் அஜு வர்கீஸ் உள்ளிட்ட பலர் நடித்துள்ளனர். திபு நினன் தாமஸ் இசையமைத்துள்ளார். இந்தப் படம் முன்னதாக திரையரங்குகளில் வெளியாகி ரசிகரக்ளிடையே நல்ல வரவேற்பைப் பெற்றது. இந்த நிலையில் படம் வருகின்ற 8-ம் தேதி ஹாட்ஸ்டார் ஓடிடியில் வெளியாகவுள்ளதை படக்குழு அறிவித்துள்ளது.

உடல் எடை குறித்து கேள்வி: கடுப்பான சமந்தா

பானா காத்தாடி திரைப்படம் மூலம் தமிழ் திரையுலகினரின் கவனத்தைப் பெற்றவர் நடிகை சமந்தா. அதனை தொடர்ந்து தெலுங்கு நடிகர் நானியுடன் ‘நான் ஈ’ படத்தில் நடித்ததன் மூலம் தமிழ் சினிமாவின் கியூட் நாயகியாக வலம் வரத் தொடங்கினார் சமந்தா. தமிழ் சினிமாவின் முன்னணி நடிகர்களான விஜய், சூர்யா உள்ளிட்டவர்களுக்கு நாயகியாக நடிக்கத் தொடங்கினார் சமந்தா. சமந்தாவும் தெலுங்கு நடிகர் நாக சைதன்யாவும் காதலித்து கடந்த 2017-ஆம் ஆண்டு பிரம்மாணடமாக திருமணம் செய்து கொண்டனர். இந்த திருமணமும் 4 ஆண்டுகளில் தோல்வியில் முடிந்தது. 2021-ம் ஆண்டு சமந்தா – நாக சைதன்யா இருவரும் தங்கள் பிரிவை அதிகாரப்பூர்வமாக அறிவித்தனர். தாயாக வேண்டாம் என்று சமந்த இந்த முடிவை எடுத்ததாகவும் பல விமர்சனங்களை சினிமா வட்டாரங்களிலும் சமூக வலைதளங்களிலும் எதிர்கொண்டார் சமந்தா. தற்போது மீண்டும் சமந்தா நடிக்க தொடங்கியுள்ளனர். சமந்தா தற்போது இயக்குனர் ராஜ் & டி.கே இயக்கியுள்ள ‘சிட்டாடல்’ என்ற தொடரில் நடித்து முடித்துள்ளார். நடிகர் வருண் தவான் முக்கிய கதாபாத்திரத்தில் நடித்துள்ள இந்த தொடர் வரும் அமேசான் ப்ரைம் ஓடிடி தளத்தில் 7-ம் தேதி வெளியாகவுள்ளது. இந்நிலையில் சமூக வலைதளம்மூலம் சமீபத்தில் ரசிகர்களுடன் உரையாடினார், சமந்தா. ஏராளமான கேள்விகள் வந்தன. ஒரு ரசிகர், ‘கொஞ்சம் உடல் எடையை அதிகரியுங்கள்’ என்று கூறியிருந்தார்.

நிரபராதியாக அறிவிக்கப்பட்ட நிவின் பாலி

மலையாள திரையுலகில் நடக்கும் பாலியல் வன்கொடுமைகள் தொடர்பான ஹேமா கமிட்டி அறிக்கை சமீபத்தில் வெளியானது. அது முதற்கொண்டு மலையாளத் திரையுலக மிகப்பெரிய மோசமான நிகழ்வுகளை சந்தித்து வருகிறது. அங்குள்ள பெண் கலைஞர்கள் பலரும் ஆண் பிரபலங்கள் மீது அடுத்தடுத்து பாலியல் குற்றச்சாட்டுகளை முன்வைத்து வருகின்றனர். அவர்கள் அளிக்கும் வாக்குமூலத்தின் அடிப்படையில் காவல்துறையினர் வழக்குப்பதிவு செய்து வருவது தொடர் அதிர்வலைகளை உண்டாக்கியுள்ளது. இந்த நிலையில் பாலியல் புகார் ஒன்றில் பிரபல மலையாள நடிகர் நிவின் பாலி சிக்கியது சம்பவம் அவரது  ரசிகர்களை அதிர்ச்சியில் ஆழ்த்தியுள்ளது. இந்நிலையில் இந்த வழக்கை விசாரித்த நீதிபதிகள் நடிகர் நிவின் பாலி மீது சுமத்தப்பட்ட குற்றச்சாட்டுகள் பொய்யானது என்றும் அவர் நிரபராதி என்றும் தீர்ப்பளித்துள்ளனர்.

ஓவியா நடிக்கும் புதிய படத்தின் டைட்டில் இதுதான்!

கடந்த 2010-ம் ஆண்டு களவாணி படம் மூலம் தமிழ் சினிமாவில் அறிமுகம் ஆனார் நடிகை ஓவியா. இதையடுத்து மதயானை கூட்டம், கலகலப்பு, மெரினா, மூடர் கூடம், யாமிருக்க பயமேம், 90 ml உள்ளிட்ட திரைப்படங்களில் நாயகியாக நடித்துள்ளார். நடிகை ஓவியா பிக்பாஸ் சீசன் 1 நிகழ்ச்சியில் கலந்துகொண்டு ரசிகர்களைப் பெரிதும் கவர்ந்தார். பிக்பாஸ் முதல் சீசனின் நடிகை ஓவியாவிற்கு ரசிகர்கள் ஓவியா ஆர்மியை உருவாக்கினர். இது அப்போது இணையத்தில் படு வைரலானது. பிக்பாஸ் நிகழ்ச்சிக்கு பிறகு தமிழில் முன்னணி ஹீரோயினாக வலம் வருவார் என்று எதிர்பார்க்கப்பட்ட நிலையில் அவரது படங்கள் எதிர்பார்த்த வெற்றியைப் பெறவில்லை. ஆனால் தமிழ் திரையுலகில் நடிகை ஓவியாவுக்கென்று ஒரு தனி ரசிகர்கள் பட்டாளமே உள்ளது. விஜய் தொலைக்காட்சி முதன் முதலில் நடத்திய பிக்பாஸ் நிகழ்ச்சியில் போட்டியாளராக ஓவியா களம் இறங்கினார். யாரைப் பற்றியும் கவலைப்படாத குணமும், மார்னிங் டான்ஸும் ஓவியாவிற்கு என்று தனி ரசிகர்கள் பட்டாளத்தையே ஆரம்பித்துக் கொடுத்தது. பிக்பாஸ் பிரபலங்களுக்கு ரசிகர்கள் ஆர்மி அமைக்கும் முறைக்கு முதலில் சொந்தக்காரியானவர் ஓவியா தான். கேரளத்து பைங்கிளியாக இருந்தாலும் தமிழில் ஓவியாவிற்கு தமிழ் ரசிகர்கள் அதிகம். தற்போது இயக்குநர் ஜான் பால் இயக்கத்தில் நடிகை ஓவியா நடிக்க உள்ளார். இந்த படத்திற்கு சேவியர் என்று தலைப்பு வைக்கப்பட்டுள்ளது.