Today’s Cinema News: தக் லைஃப் ரிலீஸ் முதல் கங்குவா கதை வரை… டாப் சினிமா செய்திகள்!
இன்றைய சினிமா செய்திகள்: நடிகர் கமல் ஹாசனின் நடிப்பில் உருவாகி வரும் ‘தக் லைஃப்’ படத்தின் வெளியீட்டு தேதி குறித்த அறிவிப்பு கமலின் பிறந்த நாளை முன்னிட்டு வெளியானது முதல் நடிகர் சூர்யா கங்குவா படத்தின் கதை குறித்து பேசியது வரை நவம்பர் மாதம் 7-ம் தேதி சினிமாவில் நடந்த முக்கிய நிகழ்வுகள் குறித்து சில.
சினிமா செய்திகள்
இன்றைய சினிமா செய்திகள்: நடிகர் கமல் ஹாசனின் நடிப்பில் உருவாகி வரும் ‘தக் லைஃப்’ படத்தின் வெளியீட்டு தேதி குறித்த அறிவிப்பு முதல் நடிகர் சூர்யா கங்குவா படத்தின் கதை குறித்து பேசியது வரை நவம்பர் மாதம் 7-ம் தேதி சினிமாவில் நடந்த முக்கிய நிகழ்வுகள் குறித்து சில.
கமல் ஹாசனின் ‘தக் லைஃப்’ படத்தில் ரிலீஸ் தேதி இதுதான்!
நடிகர் கமல்ஹாசனின் நடிப்பில் மிக பிரம்மாண்ட திரைப்படமாக உருவாகி வருவது ’தக் லைஃப்’. இத்திரைப்படத்தில் உலகநாயகன் கமலுடன், சிலம்பரசன், திரிஷா, அசோக் செல்வன் அலி ஃபசல் எனப் பல முன்னணி நடிகர்கள் இணைந்து நடித்து வருகின்றனர். இயக்குநர் மணிரத்னம் இயக்கத்தில் உருவாகிவரும் இந்த திரைப்படத்திற்கு இசைப்புயல் ஏ.ஆர். ரகுமான் இசையமைத்து வருகிறார். இந்த திரைப்படத்தின் படப்பிடிப்பு கடந்த ஜனவரி மாதம் முதல் ஆரம்பித்த பின் தற்போது இறுதிக்கட்ட படப்பிடிப்பு முடித்த நிலையில் படத்தின் போஸ்ட் ப்ரொடக்ஷன் வேலைகள் நடந்துவருவதாகக் கூறப்படுகிறது. 2025ல் வெளியாகும் என முன்னரே தகவல்கள் வெளியாகி வந்த நிலையில் இன்று உலகநாயக கமலின் பிறந்த நாளை முன்னிட்டு ’தக் லைப்’ படத்தில் ரிலீஸ் தேதி டீசரை படக்குழு வெளியிட்டுள்ளது. அதிரடி ஆக்ஷன் கதைக்களத்துடன் உருவாகி வருவதாக காண்பவரை மிரட்டும் வகையில் இருக்கும் ’தக் லைஃப்’ 2025ம் ஆண்டு ஜூலை 5ம் தேதி வெளியாக உள்ளதாக தகவல் வெளியாகியுள்ளது.
பிக்பாஸில் மூளை இல்லாதவர் யார்?
தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகிய பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார். விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. இந்த வாரத்திற்கான பிக்பாஸ் கேப்டனாக சத்யா தேர்வாகியுள்ளார். இந்த சீசனில் இந்த வாரம் முதல் முறையாக ஓபன் நாமினேஷன் பிக்பாஸில் நடைப்பெற்றது. அதில் புதிதாக வீட்டிற்குள் வந்தவர்களை நாமினேட் செய்ய முடியாது என்று பிக்பாஸ் அறிவித்த பிறகு ஆண்கள் பெண்களையும் பெண்கள் ஆண்களையும் நாமினேட் செய்ய அறிவுறுத்தப்பட்டது. இந்த நிலையில் இன்று வெளியான வீடியோவில் வீட்டில் உள்ளவர்களுக்கு பட்டை பெயர் கொடுக்கப்படுகிறது. அது எந்த போட்டியாளருக்கு பொருந்தும் என்று கேட்கையில் ஆர்வகோலாரு சாச்சனா என்று சௌந்தர்யா கூறினார். மண்டையில் ஒன்னும் இல்லை என்பது வர்ஷினி என்று சுனிதா வெளிப்படையாக கூறிய வீடியோ தற்போது வைரலாகி வருகின்றது.
கங்குவா படத்தின் கதை இதுதான்…
நடிகர் சூர்யா கங்குவா மற்றும் சூர்யா 44 என இரண்டு படங்களிலும் பிசியாக வேலை செய்து வருகிறார். கிட்டதட்ட 2 ஆண்டுகளுக்கும் மேலாக இந்த படத்தின் படப்பிடிப்பு நடந்து வருகிறது. யுவி கிரியேஷன்ஸ் நிறுவனமும், ஸ்டூடியோ கிரீன் நிறுவனமும் இணைந்து பெரும் பொருட்செலவில் சூர்யாவின் கங்குவா படத்தை தயாரித்துள்ளது. இந்தப் படம் 10க்கும் மேற்பட்ட மொழிகளில் 3டி தொழில்நுட்பத்தில் படம் எடுக்கப்பட்டு வருகிறது. நடிகர் சூர்யா இந்தப் படத்தில் 13 விதமான தோற்றங்களில் நடிப்பதாக தெரிவிக்கப்பட்டிருப்பதால் படத்தின் மீது ரசிகர்களுக்கு பெரும் எதிர்பார்ப்பு நிலவுகிறது. இந்த நிலையில் படம் வருகின்ற நவம்பர் 14-ம் தேதி திரையரங்குகளில் வெளியாகும் என்று சமீபத்தில் அதிகாரப்பூர்வ அறிவிப்பு வெளியிட்டது. நடிகர் சூர்யா கங்குவா படத்தின் கதை குறித்து பேசியுள்ளார். அதில், கங்குவா படத்திற்காக 700 ஆண்டுகளுக்கு பின்னோக்கி சென்றுள்ளோம் என்றும் 4 தீவுகளில் நடப்பதே படத்தின் கதை என்றும் தெரிவித்துள்ளார்.
மகன் திருமணத்தில் ஆனந்த கண்ணீர் விட்ட நெப்போலியன்!
நடிகர் நெப்போலியனின் மூத்த மகன் தனுஷிற்கு இன்று திருமணம் நடைப்பெற்ற நிலையில் அந்த தருணத்தில் நெப்போலியன் ஆனந்த கண்ணீர் விட்டது தற்போது வைரலாகி வருகின்றது. நெப்போலியனின் மூத்த மகனின் திருமணம் இன்று ஜப்பானின் நடைப்பெற்றது. இந்த திருமணத்தில் கலந்து கொள்வதற்காக சினிமா பிரபலங்கள் பலர் ஜப்பான் சென்றுள்ளனர். அதில் நடிகர்கள் சரத்குமார், ராதிகா, குஷ்பு ,மீனா, டான்ஸ் மாஸ்டர் கலா, கார்த்தி என திரையுலகப் பிரபலங்கள் பலர் ஜப்பான் சென்றிருக்கின்றனர். தனது மகனின் விருப்பத்தை நிறைவேற்ற குடும்பத்துடன் திருமணத்திற்கு ஒரு மாதத்திற்கு முன்னதாகவே நெப்போலியன் ஜப்பான் சென்றார். அங்கு திருமணத்திற்கான வேலைகள் தீவிரமாக நடந்தது. இதனை தொடர்ந்து திருமணத்தில் ஹல்தி, சங்கீத், மெஹந்தி போன்ற நிகழ்ச்சிகள் கோலாகலமாக நடந்தது. இந்த நிலையில் இன்று தனுஷின் திருமண நிகழ்வின் போது நடிகர் நெப்போலியன் கண்ணீர் விட்டு கலங்கிய வீடியோ இணையத்தில் வைரலாகி வருகின்றது.
பிக்பாஸ் நிகழ்ச்சியை தடை செய்யக்கோரி போராட்டம்!
விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. இதில், ரவீந்தர் சந்திரசேகர், அருண் பிரசாத், அன்ஷிதா, தீபக், தர்ஷிகா, தர்ஷா குப்தா, ஜாக்குலின், முத்துக்குமார், ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த ஞாயிறு அன்று. அதில் ரியா தியாகராஜன், சிவகுமார், ரானவ், மஞ்சரி, ராயன், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இந்த நிலையில் பிக்பாஸ் நிகழ்ச்சியை தடை செய்யக்கோரி போராட்டம் நடைப்பெற்றது. அதில், பிக்பாஸ் நிகழ்ச்சியினால் இளம் தலைமுறையினர் சீர்கெடுவதாக குற்றச்சாட்டை முன்வைத்துள்ளனர். மேலும், சினிமாவில் இருப்பதை போன்று சின்னத்திரைக்கும் தணிக்கை வாரியம் அமைக்க வேண்டுமென அவர்கள் கோரிக்கை விடுத்துள்ளனர்.
பிக்பாஸ் பிரதீப் ஆண்டனிக்கு திருமணம் முடிந்தது
விஜய் தொலைக்காட்சியில் ஒளிபரப்பான பிக்பாஸ் தமிழ் சீசன் 7-ல் கலந்து கொண்டு ரெட் கார்ட் வாங்கி வெளியே சென்ற பிரதீப் ஆண்டனிக்கு திருமணம் நடந்து முடிந்துள்ளது. பிரதீப் ஆண்டனி பிக்பாஸ் சீசன் 7-ல் போட்டியாளராக பங்கேற்றிருந்தார். இந்த நிகழ்ச்சியின் மூலம் ரசிகர்கள் பலரையும் கவர்ந்தார். பிக்பாஸ் நிகழ்ச்சியின் 7வது சீசனில் டைட்டில் வின்னரான அர்ச்சனாவுக்கு கிடைத்த பெயரையும் புகழையும் விட பிரதீப்புக்கு தான் அதிக அளவு பாப்புலாரிட்டி கிடைத்தது. இத்தனை அவர் நிகழ்ச்சியில் இருந்து பாதியிலேயே வெளியேற்றப்பட்டார். அவர் மீது பெண்கள் புகார் அளித்ததன் பேரில் அவருக்கு ரெட் கார்டு கொடுத்து வெளியேற்றினார் கமல்ஹாசன். அவர் வெளியேற்றப்பட்டதற்கு முன்னாள் பிக்பாஸ் பிரபலங்கள் உட்பட பலரும் தங்களது கண்டனங்களை தெரிவித்தனர். இந்நிலையில் இந்நிலையில் இன்று பிரதீப் ஆண்டனிக்கு நெருங்கிய உறவினர்கள் மற்றும் நண்பர்கள் முன்னிலையில் திருமணம் நடைப்பெற்றது.
உலக நாயகன் கமல் ஹாசனின் 70-வது பிறந்த நாள் இன்று
1954-ம் ஆண்டு நவம்பர் 7-ம் தேதி பரமக்குடியில் பிறந்தவர் தான் கமல் ஹாசன். தன்னுடைய 6 வயதில் கடந்த 1960-ம் ஆண்டு களத்தூர் கண்ணம்மா என்ற படத்தில் குழந்தை நட்சத்திரமாக அறிமுகம் ஆனார் கமல் ஹாசன். 6 வயதில் தொடங்கிய நடிப்பு தற்போது 70 வயது வரை தொடர்ந்து வருகிறார் கமல். குழந்தை நட்சத்திரமாக சில படங்களில் நடித்து இருந்தாலும் இயக்குநர் பாலசந்தர் இயக்கத்தில் கடத்த 1973-ம் ஆண்டு வெளியான அரங்கேற்றம் படத்தின் மூலம் நாயகனாக நடிக்கத் தொடங்கினார் கமல் ஹாசன். தொடர்ந்து தனது படங்களில் கதைக்கும் கதாப்பாத்திரத்திற்கும் முக்கியதுவம் அளிப்பார் கமல். நடிப்பது மட்டும் இன்றி தயாரிப்பாளர், இயக்குநர், பாடகர், திரைக்கதை ஆசிரியர் என பன்முக கலைஞராக விளங்கும் நடிகர் கமல் ஹாசன் பத்மஸ்ரீ மற்றும் பத்மபூஷன் போன்ற மாநில அரசுகளின் விருதையும் பெற்றுள்ளார். இந்த நிலையில் நடிகர் கமல் ஹாசன் 70-வது பிறந்த நாளை கொண்டாடும் நிலையில் பிரபலங்கள் ரசிகர்கள் என பலரும் வாழ்த்துகளை தெரிவித்து வருகின்றனர்.
கங்குவா படத்திலிருந்து வெளியானது ’மன்னிப்பு’ லிரிக்கள் வீடியோ
நடிகர் சூர்யாவின் ‘கங்குவா’ படத்திலிருந்து வெளியானது ‘மன்னிப்பு’ பாடலின் லிரிக்கள் வீடியோ. சூர்யாவின் நடிப்பில் தற்போது உருவாகி ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள படம் கங்குவா. இந்த படத்தினை இயக்குநர் சிறுத்தை சிவா இயக்குகின்றார். மன்னர் காலக் கதையைக் கொண்டு எடுக்கப்பட்டு வரும் இந்த படம்தான் சூர்யாவின் நடிப்பில் அதிக பொருட்செலவில் உருவாக்கப்பட்டு வரும் படம். தேவி ஸ்ரீ பிரசாத் இந்த படத்துக்கு இசையமைத்துள்ளார். இப்படத்தில் திஷா பதானி, பாபி தியோல், கோவை சரளா, யோகிபாபு, ரெட்டின் கிங்ஸ்லி, நடராஜன் சுப்பிரமணியன், ஜெகபதி பாபு, கே.எஸ்.ரவிகுமார் உள்ளிட்ட பலர் இணைந்து நடித்து வருகின்றனர். இந்த நிலையில் கங்குவா படத்தின் ’மன்னிப்பு’ என்று தொடங்கும் இந்தப் பாடலின் லிரிக்கள் வீடியோ தற்போது இணையத்தில் வைரலாகி வருகின்றது.