Today’s Cinema News: தனுஷின் டபுள் ட்ரீட்.. சொர்க்கவாசல் ரிலீஸ் தேதி.. டாப் சினிமா செய்திகள்!

இன்றைய சினிமா செய்திகள்: அமரன் திரைப்படத்தை அடுத்து நடிகர் தனுஷுடன் இணையும் இயக்குநர் ராஜ்குமார் D55 முதல் நடிகர் ஆர்.ஜே.பாலாஜியின் நடிப்பில் உருவாகிவரும் சொர்க்கவாசல் திரைப்படத்தின் ரிலீஸ் தேதி வரை வரை நவம்பர் மாதம் 8-ம் தேதி சினிமாவில் நடந்த முக்கிய நிகழ்வுகள் குறித்து காணலாம்.

• தனுஷ் நடிப்பில் ராஜ்குமார் பெரியசாமி இயக்கும் D55 திரைப்படம்..!

தமிழ் சினிமாவில் 2017ல் வெளியான ரங்கூன் திரைப்படத்தின் மூலமாக இயக்குநராக அறிமுகமானவர் ராஜ்குமார் பெரியசாமி. இந்த திரைப்படம் மக்களிடையே ஓரளவு வரவேற்பைப் பெற்ற நிலையில் இவரின் இரண்டாவது திரைப்படமாக அமைந்தது அமரன். சோனி பிக்சர்ஸ் மற்றும் கமல்ஹாசனின் ராஜ்கமல் பிலிம்ஸ் தயாரித்த இந்த படத்தில் சிவகார்த்திகேயன் மற்றும் சாய் பல்லவி என இருவரும் நடித்திருந்தனர்.  தீபாவளிக்கு வெளியான அமரன் படம் 4 நாட்களில் சுமார் 100 கோடிகளுக்கு மேல் வசூல் செய்து பிளாக் பஸ்டர் ஹிட் திரைப்படமாக அமைந்தது. இந்த படத்தின் வெற்றியினை தொடர்ந்து ராஜ்குமார் பெரியசாமி தனுஷை வைத்து படம் இயக்கவுள்ளதாக தெரிவித்துள்ளார். தனுஷின் 55வது படமாக உருவாகும் இதனை கோபுரம் பிலிம்ஸ் தயாரிக்கவுள்ளது.

• ஆர்.ஜே.பாலாஜி நடிப்பில் உருவாகும் சொர்க்க வாசல் திரைப்படத்தின் ரிலீஸ் எப்போது தெரியுமா?

தமிழ்த் திரைப்படங்களில் துணைக் கதாபாத்திரத்தில் நடித்து அறிமுகமாகி தற்போது கதாநாயகனாக  நடித்து வருபவர் ஆர்.ஜே. பாலாஜி. ஆரம்பத்தில்  ரேடியோவில் தொகுப்பாளராக இருந்த இவர் தீயா வேலை செய்யணும் குமாரு மற்றும் வடகறி போன்ற  படங்களில் காமெடி நடிகராக  அறிமுகமானார். தொடர்ந்து  ஆர்.ஜே.பாலாஜி எல்.கே.ஜி  படத்தில் மூலம் ஹீரோவானார். மூக்குத்தி அம்மன், சிங்கப்பூர் சலூன், ரன் பேபி ரன் என பல படங்களில் ஹீரோவாக நடித்த இவரின் அடுத்தப் படமாக  சொர்க்கவாசல் வெளியாகவுள்ளது. இயக்குநர் சித்தார்த் விஸ்வநாத் இயக்கத்தில் ஸ்வைப் நிறுவனம் தயாரித்து வரும் இப்படம் நவம்பர் 29ம் தேதி ஆண்டு வெளியாக உள்ளதாகப் படக்குழு தகவலை வெளியிட்டுள்ளது.

இதையும் படிங்க : Dhanush: இட்லி கடை ரிலீஸ் தேதி அறிவிப்பு – தனுஷூக்கு கைகொடுக்குமா ஏப்ரல்?

• சூர்யாவை மனதில் வைத்து பாகுபலி படம்.. இயக்குநர் ராஜமௌலி சொன்ன விஷயம்!

நடிகர் சூர்யாவின் நடிப்பில் இயக்குநர் சிறுத்தை சிவா இயக்கத்தில் உருவாகி வரும் கங்குவா திரைப்படம். இந்த திரைப்படம் சுமார் 10க்கும் மேற்பட்ட மொழிகளிலும் உலகளவில் சுமார் 9000க்கும் மேற்பட்ட அரங்குகளில் ஒரே நாளில் வெளியாக உள்ளதாம். பிரபல தயாரிப்பு நிறுவனமான யுவி க்ரியேஷன் மற்றும் ஸ்டுடியோ க்ரீன் இணைந்து உருவாக்கிய இப்படத்தில் நடிகர் சூர்யாவிற்குக் கதாநாயகியாக திஷா பதானி நடித்துள்ளார். தற்போது இப்படத்தின் ப்ரோமோஷன் வேலைகள் நடந்துவரும் நிலையில் நேற்று ஹைதராபாத்தில் நடைபெற்ற தெலுங்கு ப்ரோமோஷனில் பேசிய தெலுங்கு முன்னணி இயக்குநரான ராஜமௌலி, நடிகர் சூர்யாதான் பாகுபலி திரைப்படம் உருவானதற்கான முதல் இன்ஸ்பரேஷன் என்றும் பாகுபலியை பான் இந்தியா படமாக எடுக்கலாம் என்பதற்கு சூர்யாவே இன்ஸ்பிரேஷனாக இருந்தார் என்றும் அந்த நிகழ்ச்சியில் கூறியுள்ளார்

• நடிகர் தனுஷ் இயக்கி, நடிக்கும் “இட்லி கடை” திரைப்படத்தின் ரிலீஸ் தேதி எப்போது தெரியுமா?

தமிழ் சினிமாவில் பிரபல நடிகராக இருப்பவர் தனுஷ். இவர் படங்களில் நடிப்பது மட்டும் இல்லாமல் இயக்கியும் வருகிறார். இவர் இயக்கத்தில் ப.பாண்டி, ராயன் ஆகிய படங்களை வெளியான நிலையில் அடுத்ததாக தனுஷ் இயக்கத்தில் நிலவுக்கு என்மேல் என்னடி கோபம் என்ற படம் வெளியாகவுள்ளது. இதனைத் தொடர்ந்து தன்னுடைய இயக்கம் மற்றும் நடிப்பில் இட்லி கடை என்ற திரைப்படத்தை உருவாக்கி வருகிறார். இப்படத்தில் நடிகர் தனுஷுடன் நித்யா மேனன் மற்றும் ஷாலினி பாண்டே போன்ற பிரபலங்களும் நடித்துவருகின்றனர். இப்படத்தின் படப்பிடிப்பு கடந்த செப்டம்பர் மாதம் தொடங்கிய நிலையில் தற்போது அப்படத்தின் ரிலீஸ் தேதியை வெளியிட்டுள்ளனர். இதனிடையே தன்னுடைய இயக்கத்தின் முதல் படமான ப.பாண்டி வெளியான அதே ஏப்ரல் மாதத்தில் இட்லி கடை படத்தின் ரிலீஸ் தேதியையும் குறிப்பிட்டுள்ளார். இத்திரைப்படம் வருகின்ற 2025ம் ஆண்டு ஏப்ரல் 10 தேதி உலகமெங்கும் வெளியாகும் என அறிவிக்கப்பட்டுள்ளது.

இதையும் படிங்க :சூர்யாவை மனதில் வைத்து பாகுபலி படம்.. இயக்குநர் ராஜமௌலி சொன்ன விஷயம்!

• டும் டும் டும் சிம்பிளாக தனது திருமணத்தை முடித்த நடிகை ரம்யா பாண்டியன்..!

தமிழ் தொலைக்காட்சி ரியாலிட்டி நிகழ்ச்சியான குக் வித் கோமாளி மற்றும் பிக் பாஸ் நிகழ்ச்சியின் மூலமாக மக்கள் மத்தியில் பிரபலமானவர் நடிகை ரம்யா பாண்டியன். இவர் 2016ம் ஆண்டு இயக்குநர் ராஜு முருகன் இயக்கத்தில் வெளியான “ஜோக்கர்”என்ற படத்தில் நடித்து சினிமாவில் அறிமுகமான இவருக்கு 2021ம் ஆண்டு இயக்குநர் அரிசில் முத்து இயக்கத்தில் சூர்யாவின் 2டிஎண்டர்டெயின்மெண்ட் தயாரிப்பிலும் உருவான “ராமே ஆண்டாலும் ராவணே ஆண்டாலும்” என்ற படத்தில் முன்னணி கதாநாயகியாக நடித்தார். இந்த திரைப்படம் இவருக்கு வெற்றியைத் தரவே முகிலன் மற்றும் ஆக்ஷிடேண்டில் ஃபார்மர் அண்ட் கோ போன்ற வெப் தொடர்களிலும் நடித்து வந்தார். இந்நிலையில் சில ஆண்டுகளாக லோவல் தவான் என்பவர் காதலித்து வந்த நிலையில் இன்று ரிஷிகேஷில் உள்ள ஷிவ்புரியில் கங்கை நதிக்கரையில் திருமணம் செய்துள்ளனர். அவரின் திருமண புகைப்படங்கள் இணையத்தில் வைரலாகிவருகிறது.

• நடிகர் பிரதீப் ரங்கநாதன் நடிக்கும் “டிராகன்” திரைப்படத்தில் அறிமுகமான இரண்டாவது நடிகை?

இயக்குநர் அஸ்வத் மாரிமுத்து இயக்கத்தில் பிரபல தயாரிப்பு நிறுவனம் எ.ஜி.எஸ் ப்ரொடக்ஷன் தயாரிக்கும் இப்படத்தில் நடிகர் பிரதீப் ரங்கநாதன் முன்னணி கதாநாயகனாக நடித்துவருகிறார். இவர்களுடன் அனுபாமா பரமேஷ்வரன், மிஷ்கின் மற்றும் கே.எஸ்.ரவிக்குமார் நடித்துவருகின்ற நிலையில் இதனைத் தொடர்ந்து இப்படத்தில் நடிக்க உள்ள அடுத்த பிரபலம் பற்றி அப்டேட் வெளியிடப்பட்டுள்ளது. இசையமைப்பாளர் லியோன் ஜேம்ஸ் இசையால் உருவாகும் இப்படத்தில் இரண்டாவது நடிகையாக “கயாடு லோஹர்” என்ற கன்னட நடிகையை அறிமுகப்படுத்தப்பட்டுள்ளார். வளர்ந்து வரும் நடிகையான இவருக்கு இந்த திரைப்படமே தமிழில் அறிமுகமாகும் முதல் திரைப்படமாகும். காதல் மற்றும் நகைச்சுவை கதைக்களத்துடன் உருவாகிவரும் இப்படத்தில் முதலில் நடிகர் சிம்பு நடிக்க இருந்ததாகக் கூறப்படுகிறது.

இதையும் படிங்க :’ NGK படத்தில் நடிக்கவே முடியல’ நடிகை சாய் பல்லவி சொன்ன விஷயம்..!

• நடிகர் சித்தார்த்தின் மிஸ் யூ திரைப்படத்தில் வெளியிட்டு எப்போது தெரியுமா?

தமிழ் சித்தா திரைப்படத்தின் மூலமாக மிகப் பிரபலமான நடிகராக வலம் வந்தவர் சித்தார்த். தற்போது இவரின் நடிப்பில் உருவாகிவரும் திரைப்படம்தான் “மிஸ் யூ”. பிரபல இயக்குநர் ராஜ்குமார்.என். இயக்கத்தில் உருவாகிவரும் இப்படத்தை ரெட் ஜெயண்ட் நிறுவனம் தயாரித்துவருகிறது. காதல் மற்றும் நகைச்சுவை திரைக்கதைகளுடன் உருவாகிவரும் இப்படத்தின் படப்பிடிப்பு வேலைகள் முழுவதுமாக முடிந்த நிலையில் தற்போது படத்தின் ரிலீஸ் தேதியை வெளியிட்டுள்ளனர். இப்படம் முதலில் 2025ம் ஆண்டு வெளியாகும் என்று அறிவித்த நிலையில் தற்போது ரிலீஸ் தேதியை மாற்றியுள்ளனர். இந்த திரைப்படம் வருகின்ற நவம்பர் 29ம் தேதி திரையரங்குகளில் வெளியாகும் என்ற தகவலைப் படக்குழு வெளியிட்டுள்ளது.

• அமரன் வெற்றியினால் கூடிய நடிகர் சிவகார்த்திகேயனின் சம்பளம்..!

தமிழ் சினிமாவில் தொலைக்காட்சியிலிருந்து சினிமாவிற்கு முன்னேறிய நடிகர்கள் லிஸ்டில் முதலாக இருப்பவர் நடிகர் சிவகார்த்திகேயன். இவர் நடிப்பில் சமீபத்தில்  பிரம்மாண்டமாக வெளியான திரைப்படம் அமரன். இயக்குநர் ராஜ்குமார் பெரியசாமியின் இயக்கத்தில் ராஜ் கமல் பிலிம்ஸ் தயாரிப்பில் கடந்த அக்டோபர் 31ம் தேதி உலகமெங்கும் வெளியாகியது. மறைந்த ராணுவ வீரர் முகுந்த் வாழ்க்கை கதையை அடிப்படையாகக் கொண்டு அமைந்த இப்படமானது சுமார் ரூ.189 கோடிகளை தாண்டியுள்ளது. இதனால் நடிகர் சிவகார்த்திகேயனின் சம்பளம் உயர்ந்துள்ளதாக தகவல் வெளியாகியுள்ளது.

இதையும் படிங்க :வசூலில் ரூ.100 கோடியை நெருங்கும் துல்கரின் ‘லக்கி பாஸ்கர்’ படம்!