ஓடிடியில் வெளியாகும் ’ரோமியோ’… எப்போ தெரியுமா?

திரைத்துறையில் இசையமைப்பாளராக அறிமுகமாகி தமிழ் சினிமா ரசிகர்களை கவர்ந்த விஜய் ஆண்டனி கடந்த சில ஆண்டுகளாக ஹீரோவாக நடித்து வருகிறார். கடந்த 2012 ஆம் ஆண்டு வெளியான “நான்” என்கின்ற திரைப்படத்தின் மூலம் நாயகனாகவும் தமிழ் திரை உலகில் அறிமுகமானார் விஜய் ஆண்டனி. அதைத்தொடர்ந்து பல சூப்பர் ஹிட் திரைப்படங்களில் நடித்துவரும் விஜய் ஆண்டனிக்கு கடந்த ஆண்டு வெளியான “கொலை” மற்றும் “ரத்தம்” ஆகிய இரு திரைப்படங்களும் கலவையான விமர்சனத்தை தந்தது.

விஜய் ஆண்டனியின் வித்தியாசமான நடிப்பில், தமிழ், தெலுங்கு என இருமொழிகளிலும் வெளியான திரைப்படம் ரோமியோ. இப்படத்தின் போஸ்டரில் முதலிரவில் கணவனும் மனைவியும் சேர்ந்து மது குடிப்பது மாதிரியான போஸில் விஜய் ஆண்டனியும் ஹீரோயினும் அமர்ந்து இருந்தனர். இந்த போஸ்டர் சர்ச்சைக்குள்ளானது.

இப்படத்தை விஜய் ஆண்டனி ஃபிலிம் கார்ப்பரேஷன் சார்பில் மீரா விஜய் ஆண்டனி தயாரித்துள்ளார். இந்த படத்தில் யோகி பாபு, விடிவி கணேஷ், இளவரசு, தலைவாசல் விஜய், சுதா உள்ளிட்ட பலர் நடித்துள்ளனர்.

Also read… ’ராயன்’ ஃபர்ஸ்ட் சிங்கிள்.. ரிலீஸ் அப்டேட் கொடுத்த தனுஷ்!

விஜய் ஆண்டனி, மிருணாளினி ரவி நடிப்பில் விநாயக் வைத்தியநாதன் இயக்கத்தில் ரோமியோ திரைப்படம் கடந்த மாதம் 11-ம் தேதி வெளியானது. திருமணத்தில் விருப்பம் இல்லாத மனைவி – அவரை காதலிக்கும் கணவன் என்ற கதை களத்தில் நகைச்சுவையுடன் கூடிய படமாக ரோமியோ வெளிவந்தது. மக்களிடையே படத்திற்கு கலவையான விமர்சனமே கிடைத்தது.

Intha 💓ROMEO-oda aatatha May 10th anniki pappinga. 💏#ROMEO Premieres May 10th on @ahatamil #RomeoOnAha 💕@aandpgroups @vijayantony @mirnaliniravi @actorvinayak_v @BarathDhanasek5 @kav_pandian @prorekha @thinkmusicindia pic.twitter.com/owFiEvNZYn

— aha Tamil (@ahatamil) May 4, 2024

இந்நிலையில் இத்திரைப்படத்தின் ஓடிடி ரிலீஸ் தேதி குறித்த தகவல் வெளியாகி உள்ளது. அதன்படி இப்படம் மே 10ம் தேதி முதல் ஆஹா தளத்தில் ஒளிபரப்பாக உள்ளது.