பாக்கியலட்சுமி சீரியலில் இருந்து வெளியேறியதும் விஷால் போட்ட இன்ஸ்டா போஸ்ட்… இணையத்தில் வைரலாகும் வீடியோ!

சினிமா படங்களுக்கு ரசிகர்கள் லட்சக்கணக்கில் இருப்பதைப் போன்று டிவிகளில் ஒளிபரப்பாகி வரும் நெடுந்தொடருக்கு ஏராளமான ரசிகர்கள் உள்ளனர். அதோடு சீரியல்களில் நடிக்கும் நடிகர்களை தங்களுக்கு மிகவும் பரிச்சயமானவர்கள் போல அன்பு செலுத்தி வருகிறார்கள் பார்வையாளர்கள். பல தொலைக்காட்சிகள் பல விதமான தொடர்களை ஒளிபரப்பி வருகிறது. ஆனால் எப்போதும் போட்டி என்னவோ சன் டிவிக்கும், விஜய் டிவிக்கும் தான், இந்த இரண்டு சேனல்களின் தொடர்களுக்கு மவுசு அதிகம் என்றே கூறலாம். தமிழகத்தின் முன்னணி சேனல்கள் அனைத்திலுமே தவறாமல் ஒளிபரப்பாகி வருகின்றன சீரியல்கள். பிரபல சேனல்களில் மதிய நேரங்களில் டெலிகாஸ்ட் செய்யப்பட்டு வரும் சீரியல்கள் இல்லத்தரசிகளையும், மாலை பிரைம் டைமிங்கில் டெலிகாஸ்ட் செய்யப்பட்டு வரும் சீரியல்கள் இளைஞர்கள் உட்பட அனைத்து தரப்பினரையும் கவர்ந்து TRP ரேட்டிங் லிஸிட்டில் இடம்பிடித்து வருகின்றன.

Also read… நடிகர் ஷாருக்கான் மருத்துவமனையில் அனுமதி… சோகத்தில் ரசிகர்கள்!

விஜய் டிவி-யில் திங்கள் முதல் சனி வரை இரவு 8.30 முதல் 9 மணி வரை ஒளிபரப்பாகி வரும் சூப்பர் ஹிட் சீரியல் பாக்கியலட்சுமி. இந்த சீரியலில் பாக்கியலட்சுமியாக நடிகை சுசித்ரா ஷெட்டி, கோபியாக நடிகர் சதீஷ்குமார், பாக்கியாவின் மாமனாராக, ராமமூர்த்தி கேரக்டரில் நடிகர் எஸ்டிபி ரோசரி, மாமியார் ஈஸ்வரியாக பிரபல நடிகை ராஜலக்ஷ்மி, மூத்த மகன் செழியனாக விகாஷ் சம்பத், இளையமகன் எழிலாக விஜே விஷால், மகள் இனியாவாக நடிகை நேஹா மேனன், மருமகள் ஜெனியாக திவ்யா கணேஷ் உள்ளிட்டோர் நடித்து வருகின்றனர். 3 பிள்ளைகளுக்கு அப்பாவான கோபி பாக்யாவை விவாகரத்து செய்துவிட்டு ராதிகாவை திருமணம் செய்துகொண்டார். ராதிகாவுக்கு ஏற்கனவே திருமணமாகி ஒரு குழந்தை உள்ள நிலையில் கோபியின் மகன் செழியனுக்கு குழந்தை பிறந்து கோபி தாத்தா ஆகிவிட்டார்.

இந்த நிலையில் தற்போது ராதிகா கர்ப்பமாக இருக்கிறார். இது ராதிகாவுக்கு மகிழ்ச்சியாக இருந்தாலும் கோபி வீட்டில் உள்ள அனைவரிடமும் எப்படி சொல்வது என்று குழப்பமாக உள்ளார். அதனை தொடர்ந்து வீட்டில் உள்ள அனைவரிடம் பாக்கிய இந்த விசயத்தை போட்டு உடைக்க, கோபி இந்த வீட்டை விட்டு வெளியேற வேண்டும் என்று எழில் கூறுகிறார். தான் ஏன் வெளியேற வேண்டும், உன் அம்மா சொல்லிக் கொடுத்தாளா என்று கோபி பேச, இது என்னுடைய அம்மாவின் வீடு இதில் நாங்கள் நிம்மதியாக இருக்க வேண்டும் என்றால் நீங்கள் உங்கள் மனைவியுடன் வெளியேற வேண்டும் என்று கோபிக்கு எழிலுடன் செழியனும் சேர்ந்து கூற கோபியுடன் ஈஸ்வரியும் வீட்டை விட்டு ராதிகாவின் வீட்டிற்கு செல்கின்றனர்.

இந்நிலையில் பாக்கியலட்சுமி சீரியலில் முக்கிய கதாப்பாத்திரமான எழில் என்ற கதாப்பாத்திரத்தில் நடித்து வரும் விஜே. விஷால் பாக்கியலட்சுமி சீரியலை விட்டு விட்டு வெளியேறியுள்ளார். இது ரசிகர்களுக்கு பெரும் அதிர்ச்சியை ஏற்படுத்தியுள்ளது. இந்நிலையில் விஷாலுக்கு பதிலாள எழில் கதாப்பாத்திரத்தில் நவீன் நடிக்க உள்ளார். இவர் விஜய் தொலைக்காட்சியில் ஒளிபரப்பான ஈரமான ரோஜாவே சீரியலில் நடித்து பிரபலமானவர் என்பது குறிப்பிடதக்கது.

 

View this post on Instagram

 

A post shared by V 🖖🏼 (@iamvjvishal)

தற்போது சீரியலை விட்டு வெளியேறிய நிலையில் விஜே விஷால் தனது இன்ஸ்டாகிராம் பக்கத்தில் வெளியிட்ட வீடியோ ஒன்று இணையத்தில் அதிகமாக பார்க்கப்பட்டு வருகிறது. அந்த வீடியோ பதில் அவர் கூறியிருப்பதாவது, ”சரியான முடிவுகளை எடுப்பதில் எனக்கு நம்பிக்கை இல்லை. நான் முடிவுகளை எடுக்கிறேன், பின்னர் அவற்றை சரிசெய்கிறேன்” என்று தெரிவித்துள்ளார்.