பிரபல யூடியூபர் இர்ஃபான் சொன்ன குட் நியூஸ்… இணையத்தில் குவியும் வாழ்த்துகள்!
Youtuber Irfan: சினிமாவில் முதன்முறையாக நடித்துள்ள நண்பன் ஒருவன் வந்த பிறகு என்கிற திரைப்படமும் வருகிற ஆகஸ்ட் 2ந் தேதி ரிலீஸ் ஆக உள்ளது. இப்படி சினிமா, சின்னத்திரை என பிசியாக உள்ள இர்ஃபானுக்கு தற்போது பெண் குழந்தை பிறந்துள்ளது. தனது குழந்தையின் விரலை பிடித்தவாரு எடுத்த போட்டோவை தனது இன்ஸ்டாகிராம் பக்கத்தில் பகிர்ந்துள்ளார் இர்ஃபான்.
பிரபல யூடியூபர் இர்ஃபான் தனக்கு பெண் குழந்தை பிறந்துள்ளதாக இன்ஸ்டாகிராம் பக்கத்தில் அறிவித்துள்ளார். இதற்கு பிரபலங்கள் உட்பட பலரும் தங்களது வாழ்த்துகளை தெரிவித்து வருகின்றனர். 2018ம் ஆண்டு முதல் யூடியூபராக இருந்து வரும் இர்ஃபானுக்கு மில்லியன் கணக்கான ஃபாலோயர்ஸ் உள்ளனர். பல வகையான உணவுகள் குறித்து அவர் வெளியிடும் வீடியோக்கள் ரசிகர்கள் மத்தியில் நல்ல வரவேற்பை பெற்றுள்ளது. இந்திய அளவில் மட்டுமின்றி உலக நாடுகளில் இருக்கும் பிரபலமான ஹோட்டல்களுக்கு சென்று அங்கு இருக்கும் ஸ்பெஷல் உணவுகளை பற்றி வீடியோ எடுப்பது நல்ல வரவேற்பை பெற்றது. இர்ஃபான் தற்போது விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியில் போட்டியாளராக பங்கேற்று வருகிறார். இர்ஃபானுக்கு கடந்தாண்டு திருமணம் நடைபெற்றது. அதன் பின் அவர் மனைவி கர்ப்பமாக அந்த சந்தோஷமான நிகழ்வை தனது சமூக வலைதள பக்கத்தில் பகிர்ந்தார் இர்ஃபான்.
இதனைத் தொடர்ந்து கடந்த மே மாதம் தனது மனைவியின் வயிற்றில் இருப்பது என்ன குழந்தை என்பதை பார்ட்டி நடத்தி வீடியோவாக வெளியிட்டார் இர்ஃபான். அந்த வீடியோவில் இர்ஃபான் தனக்கு பெண் குழந்தை தான் வேண்டும் என்று சொல்ல, அவரது மனைவி ஆலியா தனக்கு ஆண் குழந்தை வேண்டும் என்று பதிலுக்கு சொல்ல, இருவருக்கும் இடையே பலூன் சுடும் போட்டி நடத்தப்பட்டது. அதில் இர்பான் தான் வெற்றி பெற்றார்.
இந்தியாவில் குழந்தை பிறப்பதற்கு முன்னர் அந்தக் குழந்தையின் பாலினம் குறித்து ஸ்கேன் சென்டரில் பெற்றோர்களுக்கு தகவல் தெரிவித்தால் அந்த ஸ்கேன் சென்டரை இழுத்து மூடி சீல் வைத்து விடுவார்கள். அந்த மருத்துவருக்கும் மிகப்பெரிய தண்டனை உண்டு. இந்தியாவில் தண்டனைக்குறிய குற்றமான இந்த செயலை இர்ஃபான் மட்டும் எப்படி செய்தார் என்ற கேள்வி சமூக வலைதளங்களில் எழுந்த நிலையில் இர்ஃபான் துபாய்க்கு குடும்பத்துடன் சென்று, அங்கு ஸ்கேன் செய்து தனது மனைவி வயிற்றில் இருக்கும் குழந்தை பற்றிய தகவலை வெளியிட்டு இருக்கிறார். அங்கு இதற்கு அனுமதி உண்டு என்பது குறிப்பிடத்தக்கது.
Also read… அடிச்சு கெளப்பு… மஜா பன்னு… விஜய் வெளியிட்ட பிரசாந்தின் ‘அந்தகன்’ பாடல் இதோ!
இந்த வீடியோ வைரலான நிலையில், கருவில் இருக்கும் குழந்தை ஆணா, பெண்ணா என்பதை வீடியோவாக வெளியிட்ட விவகாரம் தொடர்பாக விளக்கம் கேட்டு சுகாதாரத்துறை நோட்டீஸ் அனுப்பியது. ன்னை தொடர்பு கொண்ட சுகாதாரத்துறை அதிகாரிகளிடம் மன்னிப்பு கோரினார் இர்ஃபான்.
View this post on Instagram
சினிமாவில் முதன்முறையாக நடித்துள்ள நண்பன் ஒருவன் வந்த பிறகு என்கிற திரைப்படமும் வருகிற ஆகஸ்ட் 2ந் தேதி ரிலீஸ் ஆக உள்ளது. இப்படி சினிமா, சின்னத்திரை என பிசியாக உள்ள இர்ஃபானுக்கு தற்போது பெண் குழந்தை பிறந்துள்ளது. தனது குழந்தையின் விரலை பிடித்தவாரு எடுத்த போட்டோவை தனது இன்ஸ்டாகிராம் பக்கத்தில் பகிர்ந்துள்ளார் இர்ஃபான். அதில், “தீடீரென்று வாழ்க்கையில் எல்லாமே மாறிவிட்டது, எனக்கு இளவரசி பிறந்திருக்கிறாள், என்ன நல்லது பண்ணேன்னு தெரியல எனக்கு இப்படி ஒரு சந்தோஷம் கிடைச்சிருக்கு.. இந்த அற்புததத்திற்கு உனக்கு என்ன கைமாறு செய்யப்போகிறேன் என்று தெரியவில்லை ஆசிபா.. எங்கள் குடும்பம் வளர்ந்துவிட்டது.. அல்ஹம்துலில்லாஹ்..” என்று பகிர்நதுள்ளார். பிரபலங்கள் முதல் ரசிகர்கள் வரை அனைவரும் வாழ்த்து மழை பொழிந்து வருகின்றனர்.
