BJP Government : 3வது முறையாக ஆட்சி அமைத்த பாஜக கூட்டணி.. 100 நாட்களில் செய்த சாதனைகள் என்ன?
100th Day | மோடி அரசின் 3.0 முதல் 100 நாட்களில் சுமார் ரூ.15 லட்சம் கோடி மதிப்பிலான திட்டங்களுக்கு ஒப்புதல் அளிக்கப்பட்டுள்ளது. சுகாதாரம், உள்கட்டமைப்பு, சாலைகள், ரயில்வே, பாதுகாப்பு, எரிசக்தி மற்றும் தொழில்நுட்பம் போன்ற பல துறைகளில் இந்தத் திட்டங்களுக்கு மோடி அரசு ஒப்புதல் அளித்துள்ளது.
பிரதமர் நரேந்திர மோடியின் பிறந்த நாளான நேற்று என்டிஏ தலைமையிலான பாஜக அரசு 100 நாட்களை நிறைவு செய்துள்ளது. 2024 லோக்சபா தேர்தல் முடிவுகளுக்கு முன்னதாக, உயர் அதிகாரிகளுடன் நடந்த கூட்டத்தில் 100 நாள் நிகழ்ச்சி நிரல் முடிவு செய்யப்பட்டது. இந்த நிலையில், மத்தியில் பாஜக தலைமையில் ஆட்சி அமைந்து 100 நாட்கள் நிறைவடைந்துள்ள நிலையில், அதன் கொள்கைகள் மற்றும் முன்னுரிமைகள் குறித்து பிரதமர் நரேந்திர மோடி விளக்கமளித்துள்ளார்.
மோடி அரசின் 3.0 முதல் 100 நாட்களில் சுமார் ரூ.15 லட்சம் கோடி மதிப்பிலான திட்டங்களுக்கு ஒப்புதல் அளிக்கப்பட்டுள்ளது. சுகாதாரம், உள்கட்டமைப்பு, சாலைகள், ரயில்வே, பாதுகாப்பு, எரிசக்தி மற்றும் தொழில்நுட்பம் போன்ற பல துறைகளில் இந்தத் திட்டங்களுக்கு மோடி அரசு ஒப்புதல் அளித்துள்ளது. பாரதிய ஜனதா தலைமையிலான தேசிய ஜனநாயகக் கூட்டணி அரசு மூன்றாவது முறையாக ஆட்சிக்கு வந்த முதல் 100 நாட்களில் ரூ. 3 லட்சம் கோடி மதிப்பிலான உள்கட்டமைப்பு திட்டங்களுக்கு ஒப்புதல் அளிக்கப்பட்டுள்ளது. இவற்றில் 25,000 கிராமங்கள் சாலை நெட்வொர்க்குடன் இணைக்கப்பட்டுள்ளன. மகாராஷ்டிராவில் உள்ள வாத்வானில் துறைமுகம் கட்டப்பட்டு வருகிறது.
இதையும் படிங்க : TN Deputy CM : தமிழகத்தின் துணை முதலமைச்சர் யார் என்பதை முதலமைச்சர் முடிவு செய்வார் – உதயநிதி ஸ்டாலின்!
இந்த ஆண்டு ஜூன் 9ஆம் தேதி பிரதமர் நரேந்திர மோடி தொடர்ந்து மூன்றாவது முறையாக பிரதமராக பதவியேற்றார். நாட்டு மக்களின் நலனுடன், பொருளாதார வளர்ச்சிக்கும் உத்வேகத்தை அளித்த தேர்தல் சீர்திருத்தங்கள் கொண்டு வரப்பட்டன. இதற்கு ஒரு எடுத்துக்காட்டு சரக்கு மற்றும் சேவை வரி (ஜிஎஸ்டி), அதாவது சிக்கல்களை குறைக்க அதில் சுமார் 140 மாற்றங்கள் செய்யப்பட்டன.
மகாராஷ்டிராவில் ரூ.76,200 கோடி செலவில் மெகா வாத்வான் துறைமுகத்துக்கு தேசிய பாஜக அளித்துள்ளது. இது உலகின் முதல் 10 துறைமுகங்களில் ஒன்றாக இருக்கும் என கூறப்படுகிறது. பிரதான் மந்திரி கிராமின் சதக் யோஜனா-4 (PMGSY-IV) கீழ், மத்திய அரசின் ரூ.49,000 கோடி நிதியுதவியுடன் 25,000 கிராமங்களை சாலைகளுடன் இணைக்கும் வகையில் 62,500 கிமீ சாலைகள் மற்றும் பாலங்கள் அமைக்க மேம்படுத்தப்பட்டது. இவற்றில் பெரும்பாலான கிராமங்களில் 100-க்கும் குறைவான மக்கள் தொகை உள்ளது.
ரூ. 50,600 கோடி முதலீட்டில் இந்தியாவின் சாலை வலையமைப்பை வலுப்படுத்த அரசு ஒப்புதல் அளித்துள்ளது. 936 கிமீ நீளமுள்ள எட்டு தேசிய அதிவேக சாலை வழித்தட திட்டங்களின் ஒப்புதலும் இதில் அடங்கும். லடாக்கை ஹிமாச்சல பிரதேசத்தை இணைக்கும் ஷிங்குன்-லா சுரங்கப்பாதையின் முதல் கட்ட கட்டுமானப் பணிகளுக்கு பிரதமர் மோடி ஒப்புதல் அளித்துள்ளார். ரயில் மூலம் வேகமாகவும் வசதியாகவும் பயணிக்க எட்டு புதிய ரயில் பாதை திட்டங்களுக்கு அரசு ஒப்புதல் அளித்துள்ளது. இதன் மூலம் 4.42 கோடி பேருக்கு வேலை வாய்ப்பு அதிகரிக்கும்.
இதையும் படிங்க : பெரியாரை தொடாமல் யாரும் அரசியல் செய்ய முடியாது.. நண்பர் விஜய்க்கு எனது வாழ்த்துக்கள்.. அமைச்சர் உதயநிதி ஸ்டாலின்!
புதிய தேசிய ஒத்துழைப்புக் கொள்கையின் வரைவு தேசிய அளவிலான குழுவால் இறுதி செய்யப்பட்டு வருகிறது. ‘அக்ரிஷூர்’ என்ற புதிய நிதியையும் அரசு துவக்கியுள்ளது. இது விவசாயத் துறையில் புரட்சியை ஏற்படுத்தும் என நம்பப்படுகிறது. இது விவசாயத் துறையில் ஸ்டார்ட் அப்கள் மற்றும் கிராமப்புற தொழில்களை ஆதரிப்பதை நோக்கமாகக் கொண்டுள்ளது. உள்கட்டமைப்பு மட்டுமின்றி விவசாயத்திலும் அரசு கவனம் செலுத்தி வருகிறது. இந்த காலகட்டத்தில், காரீஃப் பயிர்களுக்கான குறைந்தபட்ச ஆதரவு விலை நீக்கம், வெங்காயம் மற்றும் பாசுமதி அரிசிக்கான குறைந்தபட்ச ஏற்றுமதி விலை, குறைந்தபட்ச ஏற்றுமதி விலை நீக்கப்பட்டது. சோயாபீன் மற்றும் சூரியகாந்தி எண்ணெய்கள் மீதான இறக்குமதி வரியை உயர்த்தியுள்ளது. இந்த 100 நாட்களில், பிரதமர் கிசான் சம்மன் நிதியின் 17வது தவணை வெளியிடப்பட்டது.
இது தவிர நடுத்தர மக்களுக்கு ரூ.7 லட்சம் வரை வருமான வரி ஏதும் இல்லாமல் நிவாரணம் வழங்கப்பட்டுள்ளது. ஸ்டார்ட் அப் நிறுவனங்களுக்கு நிவாரணம் அளிக்கும் ஏஞ்சல் வரியை மோடி அரசு ரத்து செய்துள்ளது. முத்ரா கடன் வரம்பு ரூ.10 லட்சத்தில் இருந்து ரூ.20 லட்சமாக உயர்த்தப்பட்டுள்ளது. அதே நேரத்தில், பிரதான் மந்திரி ஆவாஸ் யோஜனா திட்டத்தின் கீழ் 3 கோடி வீடுகள் கட்ட அனுமதி வழங்கப்பட்டுள்ளன. இளைஞர்களின் வேலைவாய்ப்பு மற்றும் திறன் மேம்பாட்டை ஊக்குவிக்க ரூ.2 லட்சம் கோடிக்கான தொகுப்பு அறிவிக்கப்பட்டது.
இதையும் படிங்க : Tamilnadu Weather Alert: 4 டிகிரி செல்சியஸ் வரை அதிகரிக்கும் வெப்பநிலை.. மண்டையை பொளக்கும் வெயில்..
மோடி அரசு 3.0 ஆட்சிக்கு வந்த முதல் 100 நாட்களில் 11 லட்சம் புதிய லக்பதி திதிகளுக்கு சான்றிதழ் வழங்கியது. இதுவரை ஆண்டு வருமானம் ரூ.1 கோடிக்கு மேல் உள்ள 1 கோடி லட்சபதி திதிகளுக்கு சான்றிதழ் வழங்கப்பட்டுள்ளது. இது தவிர, மோடி அரசு 3.0-ல், 70 அல்லது அதற்கு மேற்பட்ட வயதுடைய அனைத்து மூத்த குடிமக்களுக்கும் ரூ. 5 லட்சம் வரை இலவச மருத்துவக் காப்பீடு வழங்குவதாக சமீபத்தில் அறிவிக்கப்பட்டது குறிப்பிடத்தக்கது.
Latest News
