Jharkhand CM Oath Ceremony: ஜார்க்கண்ட் மாநிலத்தின் 14 வது முதல்வர்.. பதவியேற்றார் ஹேமந்த் சோரன்..

ஜார்க்கண்ட் மாநிலத்தின் 14-வது முதல்வராக ஹேமந்த் சோரன் நவம்பர் 28 அதாவது இன்று மொராபாடி மைதானத்தில் பதவியேற்கிறார். 49 வயதான ஜார்கண்ட் முக்தி மோர்ச்சா (ஜேஎம்எம்) தலைவருக்கு ஆளுநர் சந்தோஷ் குமார் கங்வார் பதவிப் பிரமாணமும், ரகசிய காப்பு பிரமாணமும் மாலை 4 மணிக்கு செய்து வைக்கிறார். சோரனின் பதவியேற்பு விழாவில் இந்திய அணி மற்றும் பிற அரசியல் கட்சிகளைச் சேர்ந்த பல முக்கிய தலைவர்கள் கலந்துகொள்வார்கள். சமீபத்தில் நடைபெற்ற தேர்தலில் 39,791 வாக்குகள் வித்தியாசத்தில் பர்ஹைத் சட்டமன்றத் தொகுதியைத் தக்கவைத்துக் கொண்ட சோரன், நான்காவது முறையாக முதல்வராகப் பொறுப்பேற்கிறார்.

ஜார்க்கண்ட் தேர்தல் 2024:

ஜார்க்கண்ட் தேர்தலில் ஜேஎம்எம் தலைமையிலான கூட்டணி மாநில சட்டசபையில் மொத்தமுள்ள 81 இடங்களில் 56 இடங்களைக் கைப்பற்றி குறிப்பிடத்தக்க வெற்றியைப் பெற்றது. பாஜக தலைமையிலான தேசிய ஜனநாயக கூட்டணி 24 இடங்களை கைப்பற்றியது.

ஜேஎம்எம் அதன் அதிகபட்ச தேர்தல் எண்ணிக்கையைக் கண்டது, அது போட்டியிட்ட 43 இடங்களில் 34 இடங்களை வென்றது. அதன் கூட்டணிக் கட்சிகளில் காங்கிரஸ் 21 இடங்களையும், ராஷ்ட்ரிய ஜனதா தளம் 4 இடங்களையும், இந்திய கம்யூனிஸ்ட் கட்சி (மார்க்சிஸ்ட்-லெனிஸ்ட்) (விடுதலை) 2 இடங்களையும் பெற்றன.

மேலும் படிக்க: முதல் தேர்தலே வெற்றி.. எம்.பியாக பதவியேற்றார் பிரியங்கா காந்தி..

இந்திய கூட்டணியில் அதிகாரப் பகிர்வு ஒப்பந்தத்தின்படி, சோரனின் அமைச்சரவையில் RJD க்கு ஒரு அமைச்சர் பதவி கிடைக்க வாய்ப்புள்ளதாக கூறப்படுகிறது. 2ஞாயிற்றுக்கிழமை மாநிலத்தில் இந்திய அணியால் சட்டமன்றக் கட்சித் தலைவராக ஒருமனதாகத் தேர்ந்தெடுக்கப்பட்ட பிறகு, சோரன் ஜார்க்கண்ட் ஆளுநர் சந்தோஷ் குமார் கங்வாரைச் சந்தித்து ஆட்சி அமைக்க உரிமை கோரினார்.

ஹேமந்த் சோரனின் வெற்றி உரை:

ஜார்க்கண்ட் சட்டமன்றத் தேர்தலில் வெற்றி பெற்ற பிறகு, ஹேமந்த் சோரன், “எங்கள் தலைமையின் மீது தொடர்ந்து நம்பிக்கை வைத்ததற்காக மாநில மக்களுக்கு நன்றி. இந்த வெற்றி மக்களின் அபிலாஷைகளை பிரதிபலிக்கிறது, அவற்றை நிறைவேற்ற நாங்கள் பாடுபடுவோம். இது மக்களின் வெற்றி மற்றும் அமைதியான மற்றும் முற்போக்கான ஜார்க்கண்டிற்கான அவர்களின் தொலைநோக்கு வெற்றியாகும். ஜார்கண்ட் தனது கட்சிக்கும் தனது கூட்டணிக்கும் அளித்துள்ள ஆணையை, அவர்கள் “அர்ப்பணிப்புடனும் உறுதியுடனும் அவர்களுக்கு சேவை செய்யத் தயாராக உள்ளோம்,” என தெரிவித்தார்.

நேற்று முன் தினம், ஜேஎம்எம் தலைவர் மற்றும் அவரது மனைவி கல்பனா சோரன் டெல்லியில் பிரதமர் நரேந்திர மோடியை சந்தித்தனர். இது தொடர்பாக பேசிய அவர், “பிரதமருடன் நான் ஒரு ஆக்கபூர்வமான சந்திப்பை நடத்தினேன், அங்கு நாங்கள் ஜார்கண்டின் வளர்ச்சி மற்றும் மேம்பாடு குறித்து விவாதித்தோம். எங்கள் திட்டங்களுடன் நாங்கள் முன்னேறும்போது அவரது ஆதரவு மதிப்புமிக்கது,” என்று தெரிவித்துள்ளார்.

இந்திய அணி தலைவர்கள், காங்கிரஸ் தேசிய தலைவர் மல்லிகார்ஜுன் கார்கே, ராகுல் காந்தி மற்றும் ஆம் ஆத்மி கட்சியின் அரவிந்த் கெஜ்ரிவால் ஆகியோரையும் சோரன் சந்தித்து பதவியேற்பு விழாவிற்கு அழைத்தார் என்பது குறிப்பிடத்தக்கது.

முதலமைச்சராக பதவியேற்கும் ஹேமந்த் சோரன்:

ஹேமந்த் சோரனின் பதவியேற்பு விழாவுக்கான ஏற்பாடுகள் முழுவீச்சில் நடைபெற்று வருகின்றன, ராஞ்சி முழுவதும் போஸ்டர்கள் ஒட்டப்பட்டு சிறப்பு பாதுகாப்பு ஏற்பாடுகள் செய்யப்பட்டுள்ளன. பதவியேற்பு விழாவுக்கான ஏற்பாடுகளை ஆய்வு செய்ய மூத்த அதிகாரிகளுடன், சோரன் நேற்று மொராபாடி மைதானத்திற்குச் சென்றார்.

காங்கிரஸ் பொதுச் செயலாளரும், ஜார்க்கண்ட் பொறுப்பாளருமான குலாம் அகமது மிர் கூறுகையில், சோரன் தனியாக பதவியேற்பார் என்றும், மாநில சட்டசபையில் நம்பிக்கை வாக்கெடுப்புக்குப் பிறகு அவரது அமைச்சரவை விரிவாக்கம் நடைபெறும் என்றும் கூறினார்.

நிகழ்ச்சியில் கலந்துக்கொள்ளும் முக்கிய பிரமுகர்கள் யார்?

காங்கிரஸ் தேசிய தலைவர் மல்லிகார்ஜுன கார்கே, காங்கிரஸ் எம்.பி. ராகுல் காந்தி, NCP (SP) தலைவர் சரத் பவார், மேற்கு வங்க முதல்வர் மமதா பானர்ஜி, மேகாலயா முதல்வர் கான்ராட் சங்மா, பஞ்சாப் முதல்வர் பகவந்த் மான், இமாச்சல பிரதேச முதல்வர் சுக்விந்தர் சிங் சுகு, சிபிஐ(எம்எல்) பொதுச் செயலாளர் தீபங்கர் பட்டாச்சார்யா, ஆம் ஆத்மி தலைவர் அரவிந்த் கெஜ்ரிவால், சிவசேனா (யுபிடி) தலைவர் உத்தவ் தாக்கரே, சமாஜ்வாதி கட்சி தலைவர் அகிலேஷ் யாதவ், பிடிபி தலைவர் மெகபூபா முப்தி, தமிழக துணை முதலமைச்சர் உதயநிதி ஸ்டாலின், கர்நாடக துணை முதல்வர் டிகே சிவகுமார், பீகாரின் லோபி தேஜஸ்வி யாதவ் உள்ளிட்டோர் இந்நிகழ்ச்சியில் கலந்துக்கொள்ள உள்ளனர்.