Chief Justice Sanjeev Khanna: இந்தியாவின் புதிய தலைமை நீதிபதியாக சஞ்சீவ் கண்ணா பதவியேற்பு.. யார் இவர்?
நீதிபதி சஞ்சீவ் கண்ணா 2019 முதல் உச்ச நீதிமன்ற நீதிபதியாக பொறுப்பு வகித்து வருகிறார். தேர்தல் பத்திரங்களுடன், சட்டப்பிரிவு 370 ஐ ரத்து செய்தல், மின்னணு வாக்குப்பதிவு இயந்திரங்களின் புனிதத்தன்மையை பேணுதல் மற்றும் அரவிந்த் கெஜ்ரிவாலுக்கு இடைக்கால ஜாமீன் வழங்குதல் போன்ற முடிவுகளில் அவர் ஈடுபட்டார். நீதிபதி கண்ணா 1960 ஆம் ஆண்டு மே 14 ஆம் தேதி டெல்லியில் பிறந்தார்.
தலைமை நீதிபதி சஞ்சீவ் கண்ணா
இந்தியாவின் 51வது தலைமை நீதிபதியாக நீதிபதி சஞ்சீவ் கண்ணா பதவியேற்றார். ஜனாதிபதி திரௌபதி முர்மு முன்னிலையில் பதவியேற்றார். பதவியேற்பு விழா ராஷ்டிரபதி பவனில் இன்று காலை 10 மணிக்கு நடைபெற்றது. நீதிபதி டி.ஒய்.சந்திரசூட்டுக்குப் பதிலாக நீதிபதி சஞ்சீவ் கண்ணா தலைமை நீதிபதி பொறுப்பை ஏற்கிறார். நாட்டின் பல வரலாற்று முடிவுகளில் நீதிபதி சஞ்சீவ் கண்ணா ஒரு பகுதியாக இருந்துள்ளார். தேர்தல் பத்திரத் திட்டத்தை முடிவுக்குக் கொண்டுவருதல் மற்றும் சட்டப்பிரிவு 370ஐ ரத்து செய்தல் போன்ற முக்கிய முடிவுகளில் அவர் ஒரு பகுதியாக இருந்துள்ளார். மேலும், அவர் மே 13, 2025 வரை இந்தப் பதவியில் இருப்பார் என்பது குறிப்பிடத்தக்கது.
யார் இந்த சஞ்சீவ் கண்ணா?
#WATCH | Delhi: President Droupadi Murmu administers the oath of Office of the Chief Justice of India to Sanjiv Khanna at Rashtrapati Bhavan. pic.twitter.com/tJmJ1U3DXv
— ANI (@ANI) November 11, 2024
நீதிபதி சஞ்சீவ் கண்ணா 2019 முதல் உச்ச நீதிமன்ற நீதிபதியாக பொறுப்பு வகித்து வருகிறார். தேர்தல் பத்திரங்களுடன், சட்டப்பிரிவு 370 ஐ ரத்து செய்தல், மின்னணு வாக்குப்பதிவு இயந்திரங்களின் புனிதத்தன்மையை பேணுதல் மற்றும் அரவிந்த் கெஜ்ரிவாலுக்கு இடைக்கால ஜாமீன் வழங்குதல் போன்ற முடிவுகளில் அவர் ஈடுபட்டார். நீதிபதி கண்ணா 1960 ஆம் ஆண்டு மே 14 ஆம் தேதி டெல்லியில் பிறந்தார். இவரது தந்தை நீதிபதி தேவ் ராஜ் கண்ணா டெல்லி உயர்நீதிமன்றத்தில் நீதிபதியாக உள்ளார். இவர் முன்னாள் உச்ச நீதிமன்ற தலைமை நீதிபதி எச்.ஆர்.கன்னாவின் மருமகனும் ஆவார். டெல்லி பல்கலைக்கழகத்தின் வளாக சட்ட மையத்தில் சட்டம் பயின்றார். தேசிய சட்ட சேவைகள் ஆணையத்தின் (NALSA) செயல் தலைவராகவும் இருந்துள்ளார்.
மேலும் படிக்க: அரசு வேலை வேண்டுமா? – விண்ணப்பிக்க நாளை கடைசி நாள்.. என்னென்ன பணிகள் தெரியுமா?
நீதிபதி சஞ்சீவ் கண்ணா 1983 இல் டெல்லி பார் கவுன்சிலில் சேர்ந்தார். மேலும், ஆரம்பத்தில் திசாஜரி வளாகத்தில் உள்ள மாவட்ட நீதிமன்றங்களிலும் பின்னர் டெல்லி உயர் நீதிமன்றத்திலும் பயிற்சி செய்தார். வருமான வரித்துறையின் மூத்த நிலை வழக்கறிஞராகவும் நீண்ட காலம் பணியாற்றினார். 2004 ஆம் ஆண்டில், அவர் டெல்லியின் நிலையான வழக்கறிஞராக (சிவில்) நியமிக்கப்பட்டார். நீதிபதி கண்ணா டெல்லி உயர்நீதிமன்றத்தில் கூடுதல் அரசு வழக்கறிஞராக பல கிரிமினல் வழக்குகளில் வழக்கு தொடர்ந்தார்.
மேலும் படிக்க: இந்திய அணியுடன் ஆஸ்திரேலியா செல்லாத ரோஹித்.. பும்ரா புதிய கேப்டனா..?
முன்னாள் தலைமை நீதிபதி டி.ஒய்.சந்திரசூட், நீதிபதி சஞ்சீவ் கண்ணாவின் பெயரை தலைமை நீதிபதி பதவிக்கு அக்டோபர் 16 ஆம் தேதி பரிந்துரை செய்தார். இதையடுத்து, அக்டோபர் 24-ம் தேதி தலைமை நீதிபதியாக சஞ்சீவ் கண்ணாவை நியமிப்பதாக மத்திய அரசு அதிகாரப்பூர்வமாக அறிவித்தது. நீதிபதி சந்திரசூட் தலைமை நீதிபதியாக இருந்த கடைசி வேலை நாள் வெள்ளிக்கிழமை ஆகும். இதைத் தொடர்ந்து அவருக்கு உச்ச நீதிமன்ற நீதிபதிகள், வழக்கறிஞர்கள், ஊழியர்கள் எனப் பிரமாண்டமான பிரியாவிடை விருந்து அளிக்கப்பட்டு, அவரது பதவிக்காலம் வெற்றிகரமாக 2 ஆண்டுகள் நிறைவடைந்தது.