Mithun Chakraborty: ”சுயமாக போராடி இங்கு வந்துள்ளேன்” – தாதாசாகேப் பால்கே விருது பெற்ற மிதுன் சக்ரவர்த்தி நெகிழ்ச்சி..

பாலிவுட் நடிகர் மிதுன் சக்ரவர்த்திக்கு கவுரவம் கிடைத்துள்ளது. மிதுன் சக்ரவர்த்திக்கு தாதாசாகேப் பால்கே விருது வழங்கப்பட்டுள்ளது. 70வது தேசிய திரைப்பட விருது விழாவையொட்டி, அக்டோபர் 8ஆம் தேதி மிதுன் சக்ரவர்த்திக்கு விருது வழங்கப்படுகிறது. இந்த விருதுக்கு மிதுன் சக்ரவர்த்தி தேர்வு செய்யப்பட்டுள்ளதாக மத்திய அமைச்சர் அஸ்வனி வைஷ்ணவ் அறிவித்துள்ளார். மேலும், திரைப்படத்துறைக்கு மிதுனின் சேவைகளை மத்திய அமைச்சர் பாராட்டினார். மிதுன் சக்ரவர்த்தி பல சூப்பர் ஹிட் படங்களில் நடித்துள்ளார். மிதுன் சக்ரவர்த்தி டிஸ்கோ டான்சர் படத்தின் மூலம் பிரபலமானார். அதுமட்டுமின்றி பல விருதுகளையும் பெற்றுள்ளார். சமீபத்தில் மிதுன் சக்ரவர்த்தி தாதாசாகேப் பால்கே விருதுக்கு தேர்ந்தெடுக்கப்பட்டார் என்பது குறிப்பிடத்தக்கது.

இதுவரை மிதுன் சக்ரவர்த்தி சிறந்த நடிகருக்கான விருதுகளைப் பெற்றுள்ளார் – 24 வது தேசிய திரைப்பட விருதுகள் 1976ல் மிருகயா, 40 வது தேசிய திரைப்பட விருதுகளில் சிறந்த நடிகருக்கான தஹதர் கதா, மற்றும் 43 வது தேசிய திரைப்பட விருதுகளில் சிறந்த துணை நடிகருக்கான விருதுகள் சுவாமி விவேகானந்தரின் படங்களுக்காக பெற்றுள்ளார்.

மேலும் படிக்க:  ” அரசியலில் இருந்து கடவுளை ஒதுக்கி வைக்க வேண்டும்” – திருப்பதி லட்டு விவகாரத்தில் உச்சநீதிமன்றம் கருத்து..

மிதுன் தனது வாழ்க்கையில் பல பிளாக்பஸ்டர் படங்களில் நடித்தார். ‘முக்தி’, ‘பன்சாரி’, ‘அமர்தீப்’, ‘பிரேம் விவா’, ‘பயானக்’, ‘கஸ்தூரி’, ‘கிஸ்மத்’, ‘மீ அவுர் மேரா சாதி’, ‘சாஹாஸ்’, ‘வான்டட்’, ‘பாக்ஸர்’, ‘திரிநேத்ரா’ ‘ ‘, ‘துஷ்மன்’, ‘தலால்’, ‘பீஷ்மா’, ‘சுல்தான்’, ‘குரு’, ‘கிக்’, ‘பாஸ்’, டிஸ்கோ டான்சர், எனப் பல படங்களில் பல்வேறு வேடங்களில் நடித்துக் கவர்ந்தவர் மிதுன் சக்ரவர்த்தி. தற்போது அவருக்கு மத்திய அரசு தாதாசாகேப் பால்கே விருதை அறிவித்துள்ளதையடுத்து திரையுலக பிரபலங்கள் மற்றும் ரசிகர்கள் சமூக வலைதளங்களில் அவருக்கு வாழ்த்து தெரிவித்து வருகின்றனர்.

இது தொடர்பாக மிதுன் சக்கரவர்த்தி கூறுகையில், “ உண்மையைச் சொல்வதென்றால் என்னிடம் வார்த்தைகள் இல்லை. என்னால் சிரிக்கவும் முடியாது, சந்தோஷத்தில் அழவும் முடியாது. இது மிகப் பெரிய விஷயம். நான் கொல்கத்தாவில் இருந்து வருகிறேன். அத்தகைய பகுதி நிலத்திலிருந்து. கால் நடையில் போராடி இங்கு வந்துள்ளேன். அந்த பையனுக்கு இவ்வளவு பெரிய கவுரவம், என்னால் கற்பனை கூட செய்து பார்க்க முடியவில்லை. இதை எனது குடும்பத்தினருக்கும், உலகம் முழுவதும் உள்ள எனது ரசிகர்களுக்கும் அர்ப்பணிக்கிறேன்” என்று தெரிவித்துள்ளார்.

Delighted that Shri Mithun Chakraborty Ji has been conferred the prestigious Dadasaheb Phalke Award, recognizing his unparalleled contributions to Indian cinema. He is a cultural icon, admired across generations for his versatile performances. Congratulations and best wishes to… https://t.co/aFpL2qMKlo

— Narendra Modi (@narendramodi) September 30, 2024

மிதுன் சக்கரவர்த்தி விருது பெறும் அறிவிப்பு குறித்து பிரதமர் நரேந்திர மோடி, “இந்திய சினிமாவுக்கு அவர் செய்த பங்களிப்பிற்காக மிதுன் சக்ரவர்த்திக்கு தாதாசாகேப் பால்கே விருது வழங்கப்படுவதில் மகிழ்ச்சி அடைகிறேன்” என்றார். மிதுனை ஒரு கலாச்சார சின்னம் என்று வர்ணித்த பிரதமர் மோடி, அவரது பல்துறை செயல்பாட்டிற்காக ஒவ்வொரு தலைமுறையும் அவரை விரும்புவதாக கூறினார். அவருக்கு பிரதமர் வாழ்த்து தெரிவித்துள்ளார்.

மேலும் படிக்க: வழிகாட்டி பலகை மீது ஏறி உடற்பயிற்சி.. நெடுஞ்சாலையில் இளைஞர் விபரீதம்!

மிதுனின் மகனும், நடிகருமான நமாஷி சக்ரவர்த்தியும், தனது தந்தைக்கு இந்த விருது கிடைத்ததற்கான அறிவிப்பு குறித்து மகிழ்ச்சி தெரிவித்தார். இது தொடர்பாக பேசிய அவர், தனது தந்தை ஒரு சுயமாக உருவாக்கிய நட்சத்திரம் என்று கூறினார். அவர் கூறுகையில், ” நான் பெருமையாகவும், உணர்கிறேன். என் அப்பா ஒரு சுயமாக உருவாக்கிய சூப்பர் ஸ்டார் மற்றும் ஒரு சிறந்த குடிமகன். அவரது வாழ்க்கைப் பயணம் கோடிக்கணக்கான மக்களுக்கு ஒரு உத்வேகம். இந்த கவுரவத்தைப் பற்றி நாங்கள் அனைவரும் பெருமைப்படுகிறோம்” என குறிப்பிட்டுள்ளார்.