டெல்லி ஐ.ஐ.டி.யில் ஆங்கில ஆசிரியர் பணிக்கு அழைப்பு: விண்ணப்பிக்கும் வழிமுறை இதோ!

டெல்லியில் உள்ள இந்திய தொழில்நுட்பக் கழகம் ஆங்கில மொழி பயிற்றுவிப்பாளர் பதவிக்கான விண்ணப்பங்களை வரவேற்கிறது. இந்தப்பணிக்கு, நேர்காணலின் போது விண்ணப்பதாரரின் செயல்திறன் சோதிக்கப்படும். இதுதான் அவர்களின் தேர்வை தீர்மானிக்கும் என்றும் டெல்லி ஐ.ஐ.டி-யின் அதிகாரப்பூர்வ வட்டாரங்கள் தெரிவிக்கின்றன. மேலும், விண்ணப்பதாரர்கள் ஐ.ஐ.டி டெல்லியின் அதிகாரப்பூர்வ இணையதளத்தில் விண்ணப்பிக்க வேண்டும் என்றும் அறிவுறுத்தப்பட்டுள்ளது. இந்தப் பணிகளுக்கு 2024 நவம்பர் 26ஆம் தேதிக்குள் விண்ணப்பிக்க வேண்டும். சமர்பித்த விண்ணப்ப படிவத்தை நகல் எடுத்து வைத்துக்கொள்ள வேண்டும். இது வருங்கால உபயோகம் மற்றும் அஞ்சல் வழியாக அனுப்பவும் தேவைப்படும். பணிக்கு தேவையான கல்வித் தகுதி மற்றும் முகவரி கீழே கொடுக்கப்பட்டுள்ளன. சம்பளம் உள்ளிட்ட இதர விவரங்களை ஐ.ஐ.டி. டெல்லி இணைய முகவரிக்கு சென்று பார்த்துக் கொள்ளவும்.

கல்வித் தகுதி

ஆங்கில மொழி பயிற்றுவிப்பாளர் விண்ணப்பதாரர்கள் ஆங்கிலம் அல்லது தொடர்புடைய துறைகளில் எம்.ஏ மற்றும் பி.ஹெச்டி ஆராய்ச்சி படிப்பு படித்திருக்க வேண்டும்.

வயது வரம்பு

இந்தப் பதவிக்கு விண்ணப்பிக்க பொதுப் பிரிவு விண்ணப்பதாரர்களுக்கு அதிகபட்ச வயது வரம்பு 45 ஆகும். தொடர்ந்து, இதர பிற்படுத்தப்பட்டவர்கள் (ஓபிசி), என்சிஎல் பிரிவில் உள்ள விண்ணப்பதாரர்களுக்கு அதிகபட்ச வயது வரம்பு மூன்று ஆண்டுகளும், எஸ்.டி பிரிவில் உள்ளவர்களுக்கு 5 ஆண்டுகளும் தளர்வு அளிக்கப்படும்.

இதையும் படிங்க : ஐ.டி.ஐ, டிப்ளமோ கல்வித் தகுதி.. இந்திய விமானப் படையில் அப்ரெண்டிஸ் பணிக்கு அழைப்பு!

காலி பணியிடங்கள்

பொது- 4 பதவிகள்
ஒ.பி.சி – 1 பதவி
எஸ்.டி- 1 பதவி
இ.டபிள்யூ.எஸ்- 1 பதவி

தேர்வு செய்யப்படும் முறை

விண்ணப்பதாரர்கள் நேர்காணலில் செயல்திறன் அடிப்படையில் தேர்வு செய்யப்படுவார்கள். அதாவது, நேர்காணல்கள் வேட்பாளர்களை மதிப்பீடு செய்யும் என்று ஐஐடி டெல்லி வட்டாரங்கள் கூறுகின்றன. நேர்காணலில் சிறப்பாக செயல்படும் தேர்வர்களுக்கு பணி வாய்ப்பு வழங்கப்படும்.

ஆன்லைனில் விண்ணப்பிப்பது எப்படி?

1. ஐஐடி டெல்லி இணையதளத்தில் https://home.iitd.ac.in/jobs-iitd/index.php என்ற முகவரிக்கு செல்ல வேண்டும்.
2. அதில், ஆங்கில மொழி பயிற்றுவிப்பாளர் அல்லது ஆங்கில ஆசிரியர்கள் என்ற பிரிவில் விண்ணப்ப படிவம் காணப்படும். இந்த விண்ணப்பத்தை பூர்த்தி செய்து சமர்பிக்க வேண்டும்.
3. விண்ணப்பப் படிவம், சரியாகப் பூர்த்தி செய்யப்பட்டு கையொப்பமிடப்பட்டு, அதில் பட்டியலிடப்பட்டுள்ள அனைத்து தொடர்புடைய ஆவணங்கள் மற்றும் சான்றிதழ்களின் சுய சான்றளிக்கப்பட்ட நகல்களை கீழ்காணும் முகவரிக்கு அனுப்ப வேண்டும்.
4. அனுப்ப வேண்டிய முகவரி, “ஆசிரிய ஆட்சேர்ப்பு பிரிவு, 2வது தளம், MS-207/C-18 மெயின் பில்டிங் இந்தியன் இன்ஸ்டிடியூட் ஆஃப் டெக்னாலஜி டெல்லி, ஹவுஸ் காஸ், புது டெல்லி-110016, இந்தியா” ஆகும்

கடைசி தேதி

ஐ.ஐ.டி. டெல்லி ஆங்கில பயிற்றுநர்கள் பணிக்கு விண்ணப்பிக்க நவ.26 கடைசி தேதியாகும். மொத்தம் 7 பணிகள் உள்ளன என்பது குறிப்பிடத்தக்கது.

இதையும் படிங்க : ITBP-யில் சப்-இன்ஸ்பெக்டர் பணி.. மாத சம்பளம் ரூ.92 ஆயிரம்.. விண்ணப்பிப்பது எப்படி?