Temple Jobs: அறநிலையத்துறையில் வேலை.. ரூ.30,000 சம்பளம்.. விண்ணப்பிக்க கடைசி வாய்ப்பு!

தமிழ்நாட்டில் அறநிலையத்துறை கட்டுப்பாட்டி கீழ் பெரும்பாலான கோயில்கள் செயல்பட்டு வருகிறது. இந்த கோயில்களில் அவ்வபோது காலிப் பணியிடங்கள் குறித்த அறிவிப்புகள் வெளியாகும். அந்த வகையில், சென்னை மதுரவாயில் உள்ள அருள்மிகு மார்க்க சகாய ஈஸ்வரர் திருக்கோயிலில் காலியாக உள்ள பணியிடங்களி நிரப்பப்படுகின்றன. எனவே, இதற்கு தகுதியும் விருப்பமும் உள்ளவர்கள் விண்ணப்பிக்கலாம் என்று தெரிவிக்கப்பட்டுள்ளது. எனவே, இந்த பணிக்கான கல்வித்தகுதி, சம்பள விவரம் போன்றவற்றை பார்க்கலாம்

பணி விவரம்

சென்னை மதுரவாயில் உள்ள அருள்மிகு மார்க்க சகாய ஈஸ்வரர் திருக்கோயிலில் சுயம்பாகி, மேளக்குழு, பகல் காவலாளி, இரவு காவலர் ஆகிய பணிகளுக்கு தலா ஒரு இடங்களும், திருவலகு பணிக்கு இரு இடங்களும் நிரப்பப்படுகின்றன. இதற்கு விண்ணப்பிக்க நாளை கடைசி நாள் என்று தெரிவிக்கப்பட்டுள்ளது.

கல்வித்தகுதி

சென்னை மதுரவாயில் உள்ள அருள்மிகு மார்க்க சகாய ஈஸ்வரர் திருக்கோயிலில் சுயம்பாகி பணிக்கு பிரசாதம் தயாரிக்க தெரிந்திருக்க வேண்டும். கோயில்களின் பூஜை முறைகளையும் தெரிந்திருக்க வேண்டும். தமிழில் எழுத படிக்க தெரிந்திருக்க வேண்டும். மேளக் குழுவிற்கு அரசு அல்லது மத நிறுவனங்கள், பல்கலைக்கழக மானிய குழு அங்கீகாரம் பெற்ற நிறுவனங்களிடம் இருந்து உரிய சான்று பெற்றிருக்க வேண்டும். பகல் காவலாளி, இரவு காவலர், திருவலகு ஆகிய பணிகளுக்கு தமிழில் எழுத, படிக்க தெரிந்திருக்க வேண்டும் என்று கூறப்பட்டுள்ளது.

Also Read : தமிழில் எழுத, படிக்க தெரியுமா? மாதம் ரூ.40,000 சம்பளம்.. அறநிலையத்துறையில் வேலை!

வயது விவரம்

மேற்கண்ட பணிகளுக்கு விண்ணப்பிப்பவர்கள் 18 வயது முதல் 45 வயதிற்குள் இருக்க வேண்டும் என்று தெரிவித்துள்ளது.

சம்பளம்

சுயம்பாகி பணிக்கு மாத சம்பளமாக ரூ.13,200 முதல் ரூ.41,800 வரையும், மேளக்குழு பணிக்கு ரூ.15,300 முதல் ரூ48,700 வரையும், பகல் காவலாளி பணிக்கு ரூ.11,600 முதல் 36,800 வரையும், இரவு காவலர் பணிக்கு ரூ.11,600 முல் 36,800 வரையும், திருவலகு பணிக்கு ரூ.10,000 முதல் ரூ.31,500 வரையும் வழங்கப்படும் என்று கூறப்பட்டுள்ளது.

விண்ணப்பிப்பது எப்படி?

மேற்கண்ட பணிக்கு விண்ணப்பிப்பவர்கள் என்ற இணையதளத்தில் இருக்கும் விண்ணப்ப படிவத்தை பதிவிறக்கம் செய்து விண்ணப்பித்து தபால் மூலம் அனுப்ப வேண்டும். கல்வித்தகுதி சான்றிதழ் நகல், சாதிச்சான்று நகல், குடும்ப அடையாள அட்டை, ஆதார் அட்டை, வேலைவாய்ப்பு பதிவு அட்டை நகல் உள்ளிட்டவற்றை விண்ணப்ப படிவத்தை இணைத்து அனுப்ப வேண்டும். இல்லையென்றால் நேரிலும் விண்ணப்பத்தை சமர்ப்பிக்கலாம் என்று கூறப்பட்டுள்ளது.

Also Read : டிகிரி முடித்தவரா? அரசு மருத்துவமனையில் வேலை.. மாதம் ரூ.30,000 சம்பளம்.. உடனே பாருங்க!

அனுப்ப வேண்டிய முகவரி

செயல் அலுவலர்,
அருள்மிகு மார்கசகாய ஈஸ்வரர் திருக்கோயில்,
மதுரவாயல், சென்னை 6000095

என்ற முகவரிக்கு வரும் 27ஆம் தேதிக்குள் விண்ணப்பிக்க வேண்டும் என்று அறிவிப்பில் கூறப்பட்டுள்ளது.