Temple Jobs: தமிழில் எழுத, படிக்க தெரியுமா? மாதம் ரூ.40,000 சம்பளம்.. அறநிலையத்துறையில் வேலை!

அறநிலையத்துறை வேலை

தமிழ்நாட்டில் உள்ள பெரும்பாலான கோயில் அறிநிலையத்துறை கட்டுப்பாட்டில் செயல்பட்டு வருகிறது. இந்த துறையின் அமைச்சராக சேகர் பாபு இருந்து வருகிறார். மற்ற துறைகளே போலவே இந்த துறையிலும் ஏகப்பட்ட வேலைகள் கொட்டிக் கிடக்கின்றன. அறநிலையத்துறை வேலை தொடர்பாக அறிவிப்புகளும் அவ்வப்போது வெளியிடப்பட்டு வருகிறது. இந்த நிலையில் தற்போது சென்னை வில்லிவாக்கம் அகத்தீஸ்வர சுவாமி திருக்கோயிலில் உள்ள காலிப்பணியிடங்கள் குறித்த அறிவிப்ப வெளியாகி உள்ளது. இதற்கு தகுதியும், விருப்பமும் உள்ளவர்கள் விண்ணப்பிக்கலாம் என்று தெரிவிக்கப்பட்டுள்ளது. எனவே, இந்த பணிக்கான சம்பளம், கல்வித்தகுதி போன்ற விவரங்களை பார்க்கலாம்.

பணி விவரம்

சென்னை வில்லிவாக்கம் அகத்தீஸ்வர சுவாமி திருக்கோயிலில் காலிப் பணியிடங்கள் நிரப்பப்படுகிறது. அதன்படி, அகத்தீஸ்வர சுவாமி திருக்கோயிலில் சுயம்பாகி, மின்பணியாளர், பகல் காவலர், திருவலகு ஆகிய பணிகளுக்கு தலா ஒரு இடங்கள் நிரப்பப்படுகின்றன.

கல்வித்தகுதி

அகத்தீஸ்வர சுவாமி திருக்கோயிலில் சுயம்பாகி பணிக்கு தமிழில் எழுத படிக்க தெரிந்திருக்க வேண்டும். திருக்கோயில் பழக்க வழக்கங்களின்படி, நைவேத்யம் மற்றும் பிரசாதம் தயாரிக்க தெரிந்திருக்க வேண்டும். திருக்கோயில் பூஜை மற்றும் திருவிழாக்கள் பற்றி விவரங்கள் தெரிந்திருக்க வேண்டும்.

Also Read : டிகிரி முடித்தவரா? அரசு மருத்துவமனையில் வேலை.. மாதம் ரூ.30,000 சம்பளம்.. உடனே பாருங்க!

மின்பணியாளர் பணிக்கு அரசு/அரசால் அங்கீகரிக்கப்பட்ட நிறுவனத்திடம் மின்சார வாரிய தொழில்துறை பயிற்சி பயின்றதற்கான சான்றிதழ் பெற்றிருத்தல் வேண்டும். மின்சார உரிம வாரியத்தால் வழங்கப்பட்ட B சான்றிதழ் பெற்றவராக இருக்க வேண்டும். பகல் காவலர், திருவலகு பணிக்கு தமிழில் எழுத படிக்க தெரிந்திருக்க வேண்டும் என்று கூறப்பட்டுள்ளது.

வயது வரம்பு

மேற்கண்ட பணிக்கு விண்ணப்பிப்பவர்களுக்கு 01.07.2024 அன்று 18 வயது பூர்த்தி அடைந்தவராகவும், 45 வயதிற்கு உட்பட்டவராகவும் இருக்க வேண்டும் என்று கூறப்பட்டுள்ளது.

சம்பளம்

சுயம்பாகி பணிக்கு மாத சம்பளமாக ரூ.13,200 முதல் 41,800 வரை வழங்கப்படும் என்று அறிவிப்பில் தெரிவிக்கப்பட்டுள்ளது. மேலும், மின்பணியாளர் பணிக்கு ரூ.12,600 முதல் ரூ.39,900 வரையும், பகல் காவலர் பணிக்கு ரூ.11,600 முதல் 36,800 வரையும், திருவலகு பணிக்கு ரூ.10,000 முதல் 31,500 வரையும் மாத சம்பளமாக வழங்கப்படும்.

விண்ணப்பிப்பது எப்படி?

மேற்கண்ட பணிக்கு https://hrce.tn.gov.in/hrcehome/index.php என்ற இணையத்தில் கொடுக்கப்பட்ட விண்ணப்ப படிவத்தை பதிவிறக்கம் செய்து பூர்த்தி செய்து உரிய முகவரிக்கு அனுப்ப வேண்டும். கல்வித்தகுதி சான்றிதழ் நகல், சாதிச்சான்று நகல், குடும்ப அடையாள அட்டை, ஆதார் அட்டை, வேலைவாய்ப்பு பதிவு அட்டை நகல் உள்ளிட்டவற்றை விண்ணப்ப படிவத்தை இணைத்து அனுப்ப வேண்டும்.

Also Read : ரயில்வே லோகோ பைலட் ஹால் டிக்கெட் வந்தாச்சு.. இப்படி டவுன்லோடு பண்ணுங்க!

அனுப்ப வேண்டிய முகவரி

செயல் அலுவலர்,
அருள்மிகு அகத்தீஸ்வர சுவாமி திருக்கோயில்,
வில்லிவாக்கம், சென்னை – 600 049

என்ற முகவரிக்கு  வரும் டிசம்பர் 9ஆம் தேதிக்குள் தபால் மூலம் விண்ணப்ப படிவத்தை  அனுப்ப  வேண்டும் என்று தெரிவிக்கப்பட்டுள்ளது.