Eye Care: கண்களுக்கு ஆரோக்கியம் வழங்கும் நெல்லிக்காய்.. இவ்வளவு சத்துகளா?

நெல்லிக்காய் (Photo Credit: Pinterest)

இன்றைய காலகட்டத்தில் பலரும் கணினிகள் மற்றும் ஸ்மார்ட் ஃபோன்களுக்கு முன்னால் நீண்ட நேரம் செலவிடுகிறார்கள். அதனால் பலரது கண்களில் அசௌகரியம் ஏற்படுகிறது. திரைகளுக்கு முன்னால் அதிக நேரம் செலவிடுவதால் நம் கண்கள் சிவந்து சோர்வாக மாறிவிடுகிறது. இறுதியில் கண் சொட்டுகள் பயன்படுத்துவதற்கும் அல்லது பிற சிகிச்சைகளுக்கு வழிவகுக்கும். ஆனால் இதற்கெல்லாம் தீர்வு காண சில இயற்கை வழிகள் உள்ளது. இதற்கு எளிதாக கிடைக்கக்கூடிய நெல்லிக்காய் சிறந்த தீர்வாக கருதப்படுகிறது. நெல்லிக்காய் நோய் எதிர்ப்பு சக்தியை அதிகரிப்பதற்கு மட்டுமல்லாமல் கண் ஆரோக்கியத்திற்கும் நன்மையை அளிக்கிறது.

வைட்டமின் சி:

கண் ஆரோக்கியத்தை பராமரிப்பதில் வைட்டமின் சி ஒரு முக்கிய அங்கமாகும். நெல்லிக்காயில் இவை ஏராளமாக உள்ளன. நெல்லிக்காயின் ஆக்ஸிஜனேற்ற பண்புகள் ஃப்ரீ ரேடிக்கல்களில் இருந்து பாதுகாக்கிறது, உடலை உள்ளே இருந்து ஊட்டமளிக்கிறது மற்றும் நோய் எதிர்ப்பு சக்தியை பலப்படுத்துகிறது. எனவே, நெல்லிக்காயை அன்றாட உணவில் சேர்த்துக் கொள்வது எதிர்காலத்தில் கண்களின் பார்வை மற்றும் ஆற்றலை அதிகரிக்க உதவுகிறது.

Also Read: நாள்பட்ட நோயால் அவதியா? – தீர்வளிக்கும் ஸ்ட்ராபெர்ரி பழங்கள்!

கண் சோர்வை நீக்குகிறது:

உங்கள் கண்கள் பல மணிநேரம் திரையை பார்த்து சோர்வாக இருந்தால், நெல்லிக்காய் உட்கொள்வது அவற்றைப் போக்க உதவும். ஏனெனில் அவற்றில் ஆன்டி-ஆக்ஸிடன்ட்கள் மற்றும் அழற்சி எதிர்ப்பு பண்புகள் நிறைந்துள்ளன. இது உங்கள் கண்களுக்கு இயற்கையான ஆற்றலை அளிக்கிறது.

பார்வையை மேம்படுத்துகிறது:

கண்ணை மூடிக் கொண்டு இருப்பது யாருக்கும் பிடிக்காது. கண்பார்வை குறைவாக இருந்தால் வேறு என்ன செய்யலாம்? கவலை வேண்டாம் நெல்லிக்காயை தொடர்ந்து சாப்பிடுங்கள். வைட்டமின் ஏ நிறைந்துள்ளதால், விழித்திரையின் ஆரோக்கியத்தைப் பராமரிக்கிறது. இவை உங்கள் கண்பார்வையை மேம்படுத்தும். வைட்டமின் ஏ குறைபாட்டால் ஏற்படும் இரவு பார்வை மங்கலின் தீவிரத்தையும் குறைக்கிறது.

வயது தொடர்பான பார்வை பிரச்சினைகள்:

நெல்லிக்காய் சாறு வயது தொடர்பான பார்வை பிரச்சனைகளை ஓரளவிற்கு தடுக்கும். நெல்லிக்காயில் வைட்டமின் சி மற்றும் பாலிஃபீனால்கள் உள்ளிட்ட சக்திவாய்ந்த ஆக்ஸிஜனேற்றங்கள் உள்ளன, அவை ஃப்ரீ ரேடிக்கல்களை எதிர்த்துப் போராட உதவுகின்றன.

Also Read:  குறைந்த இரத்த அழுத்தத்தின் அறிகுறிகள் இதுதான்.. முன்னெச்சரிக்கை முக்கியம்..!

நெல்லிக்காயை எப்படி உணவில் சேர்ப்பது?

1. ஜூஸ்: நெல்லிக்காய் சாற்றில் ஒரு சிட்டிகை தேன் கலந்து குடிப்பது உடல் நலத்திற்கு மிகவும் நல்லது.

2. தூள்: நெல்லிக்காய் பொடியை வெதுவெதுப்பான நீர் அல்லது மூலிகை டீகளிலும் கலந்து குடிப்பது உடலில் இருக்கும் மிகவும் நல்லது.

(Disclaimer : இணையத்தில் இருந்து சேகரிக்கப்பட்ட தகவல்களின் அடிப்படையில் இந்த விவரங்கள் கொடுக்கப்பட்டுள்ளன. உள்ளடக்கங்கள் தகவலுக்காக மட்டுமே. முயற்சிக்கும் முன் தொடர்புடைய நிபுணர்களின் ஆலோசனையைப் பெறவும். எந்த விளைவுகளுக்கும் TamilTV9 பொறுப்பேற்காது.)