Brain Stroke: பக்கவாதம் ஏன் ஏற்படுகிறது..? இதனை கண்டறியும் ஃபார்முலா இதுதான்!
Health Tips: இந்தியாவில் இளைஞர்களிடையே பக்கவாதம் அடைந்தவர்களின் எண்ணிக்கை நாளுக்கு நாள் அதிகரித்து வருகிறது. இந்தநிலையில், கடந்த 5 ஆண்டுகளில் 25 சதவீதம் உயர்வு ஏற்பட்டுள்ளது. பெரும்பாலான பாதிப்புகள் 25-40 வயதுடையவர்களுக்கே ஏற்படுகிறது.
மூளை பக்கவாதம் (Image: freepik)
மூளையின் ஒரு பகுதியில் இரத்த ஓட்டம் சரியாக வேலை செய்யாதபோது பக்கவாதம் ஏற்படுகிறது. இதன் அறிகுறிகளை முன்கூட்டியே கண்டறிவது ஒரு நபரின் உயிரை காப்பாற்ற உதவி செய்யும். அதன்படி, பக்கவாதம் தோன்றுவதற்கு முன்பாக தோன்றும் அறிகுறிகளை கண்டறிந்து சரியான நேரத்தில் சிகிச்சையளிப்பது மிகவும் முக்கியம். சைலண்ட் பிரைன் ஸ்ட்ரோக் என்பது மூளையின் நரம்புகளில் உறைதல் அல்லது இரத்தப்போக்கு காரணமாக ஏற்படுகிறது. மூளை செல்கலுக்கு ஆக்ஸிஜன் இல்லாததால், மூளை பாதிப்பு ஏற்படுகிறது. அதேநேரத்தில், எந்த அறிகுறியும் காட்டாததால், இது சைலண்ட் பிரைன் ஸ்ட்ரோக் என்று அழைக்கப்படுகிறது. இந்தியாவில் ஒவ்வொரு ஆண்டும் 1 லட்சத்து 85 ஆயிரத்துக்கும் மேற்பட்ட வழக்குகள் ஏற்படுகின்றன. ஒவ்வொரு 40 வினாடிக்கும் ஒரு பக்கவாதம் ஏற்படுகிறது.
அதேநேரத்தில், மூளை செல்கள் மற்றும் திசுக்களை சேதப்படுத்தி சில நிமிடங்களில் இறப்பை சந்திக்கின்றனர். இதன் காரணமாக, பக்கவாதம் அறிகுறிகளை கண்டறிந்து சிகிச்சை பெறுவது முக்கியம்.
பக்கவாதத்தின் அறிகுறிகள் என்ன..?
மூளையில் இரத்தம் இல்லாததால், திசுக்கள் மற்றும் செல்கள் சேதமடைகின்றன. இது பக்கவாதம் ஏற்படும் அபாயத்தை அதிகரிக்கிறது. இதன் காரணமாக, உடலின் மற்ற பகுதிகளான கை மற்றும் கால்களில் செயலிழப்பு ஏற்படுகிறது. பக்கவாதத்தால் பாதிக்கப்பட்ட ஒருவர் எவ்வளவு சீக்கிரம் சிகிச்சை பெறுகிறாரோ, அவ்வளவு இந்த பிரச்சனையை சரி செய்வார்கள். இந்த காரணத்திற்காக, பக்கவாதத்தின் அறிகுறிகளை அறிந்து கொள்வது உங்களுக்கு உதவியாக இருக்கும்.
இன்றைய காலக்கட்டத்தில் தவறான வாழ்க்கை முறை மற்றும் உணவு முறை காரணமாக மக்கள் பல்வேறு வகையான நரம்பியல் நோய்களை எதிர்கொள்கின்றனர். இதனால் ஒற்றைத் தலைவலி, பக்கவாதம், வலிப்பு போன்ற பல வகையான புற்றுநோய் அல்லாத மூளைக் கட்டிகள் போன்றவை ஏற்படுகிறது. இது இப்போதெல்லாம் மிகவும் பொதுவானது. ஒவ்வொரு ஆண்டும் 40 முதல் 50 ஆயிரம் பேர் மூளைக் கட்டியால் பாதிக்கப்படுகின்றனர்.
25 சதவீதம் அதிகம்:
இந்தியாவில் இளைஞர்களிடையே பக்கவாதம் அடைந்தவர்களின் எண்ணிக்கை நாளுக்கு நாள் அதிகரித்து வருகிறது. இந்தநிலையில், கடந்த 5 ஆண்டுகளில் 25 சதவீதம் உயர்வு ஏற்பட்டுள்ளது. பெரும்பாலான பாதிப்புகள் 25-40 வயதுடையவர்களுக்கே ஏற்படுகிறது. இதற்கு தவறான உணவுமுறை, உணவுக் கட்டுப்பாடு, புகைபிடித்தல் மற்றும் உடற்பயிற்சி இல்லாமையும் ஒரு காரணம். இதனால், உயர் இரத்த அழுத்தம், சர்க்கரை நோய் போன்ற பல நோய்களால் பாதிக்கப்படுகின்றனர்.
அறிகுறிகள் என்ன..?
தலையில் தாங்க முடியாத வலி ஏற்படும். இது மிகவும் பொதுவான அறிகுறியாகும். யாரோ ஒருவர் சொல்வதை பேசுவதிலும், புரிந்து கொள்வதிலும் சிரமம் ஏற்படலாம்.
பக்கவாதம் காரணமாக முகம், கைகள் அல்லது கால்கள் மரத்து போகலாம். பாதிக்கப்பட்ட ஒரு நபர் தனது இரு கைகளையும் தலைக்கு மேல் உயர்த்த முயற்சித்தால், ஒரு கை பலவீனமாகி கீழே விழ தொடங்கும். உடல் சமநிலையை இழந்து, நடப்பது கடினமாகிவிடும்.
பக்கவாதத்தை கண்டறியும் முறைகள்:
மூளைப் பக்கவாதத்தின் அறிகுறிகளை அடையாளம் காண சில முறைகள் உள்ளன. இதன்மூலம், யாருக்காவது பக்கவாதம் வந்ததா இல்லையா என்பதை எளிதாக அறிந்து கொள்ள முடியும்.
- F (Face Drooping): முகம் ஒரு பக்கம் இழுக்கிறதா
- A (Arm Weakness) : ஒடு கை பலவீனமாக உள்ளதா அல்லது விழுகிறதா?
- S (Speech Difficulty): பேசுவதில் சிரமம் உள்ளதா?
- T (Time to Call Emergency: உடனடியாக சிகிச்சை பெறுவது நல்லது.
தடுக்க என்ன செய்யலாம்..?
30 வயதிற்கு பிறகு எல்லா மக்களும் தொடர்ந்து இரத்த அழுத்தத்தை பரிசோதித்து, அதை கட்டுக்குள் வைத்திருக்க முயற்சி செய்யுங்கள். பரிசோதனை செய்வதன் மூலம் கிடைக்கும் சிறிய எச்சரிக்கை ஆபத்திலிருந்து உங்களை பாதுகாக்கும்.
அதிக உப்பை சாப்பிடுவது உடலில் சோடியத்தின் அளவை அதிகரிக்கிறது, இதன் காரணமாக உயர் இரத்த அழுத்தம் ஏற்படுவதற்கான வாய்ப்புகள் அதிகம்.
அதிக இரத்த அழுத்தம் காரணமாக, மௌனமான மூளை பக்கவாதம் ஏற்படும் வாய்ப்பு அதிகரிக்கிறது. எனவே, உங்களுக்கு இரத்த அழுத்தம் பிரச்சனை இருந்தால், உங்கள் மருத்துவரை அணுகி, அதற்கு சிகிச்சை பெறுவது நல்லது.
(Disclaimer : இணையத்தில் இருந்து சேகரிக்கப்பட்ட தகவல்களின் அடிப்படையில் இந்த விவரங்கள் கொடுக்கப்பட்டுள்ளன. உள்ளடக்கங்கள் தகவலுக்காக மட்டுமே. முயற்சிக்கும் முன் தொடர்புடைய நிபுணர்களின் ஆலோசனையைப் பெறவும். எந்த விளைவுகளுக்கும் TamilTV9 பொறுப்பேற்காது.)