Mint Leaves Benefits: செரிமானம் முதல் எடை குறைப்பு வரை.. எண்ணற்ற நன்மைகளை தரும் புதினா இலைகள்..!

புதினா இலைகள் (Image: Freepik)

புதினா அதன் சிறந்த சுவை மற்றும் நறுமணத்திற்காக பெயர் பெற்ற ஒரு மூலிகையாகும். இதை பெரும்பாலும் மக்கள் பானங்கள், சட்னி மற்றும் பிரியாணி தயாரிக்க இதை பயன்படுத்துகிறது. இது தவிர, புதினாவின் நன்மைகள் குறித்து பலருக்கு தெரிவதில்லை. தினமும் காலையில் எழுந்ததும் வெறும் வயிற்றில் புதினா இலையை மென்று சாப்பிட்டால் பல நன்மைகள் கிடைக்கும். புதினா இலைகளில் ஆன்டி-ஆக்ஸிடன்ட்கள் மற்றும் பைட்டோ நியூட்ரியன்ட்கள் நிறைந்துள்ளன. இவற்றில் வைட்டமின் ஏ, வைட்டமின் சி, பி-காம்ப்ளக்ஸ், பாஸ்பரஸ், கால்சியம் மற்றும் பாக்டீரியா எதிர்ப்பு பண்புகள் நிறைந்துள்ளன.

இதுமட்டுமின்றி இரும்புச்சத்து, பொட்டாசியம், மாங்கனீசு போன்றவையும் புதினாவில் அதிகம் உள்ளது. இதனுடன், குறைந்த அளவு கலோரிகள், புரதம் மற்றும் கொழுப்பு இந்த இலைகளில் காணப்படுகின்றன. அந்தவகையில், புதினா சாப்பிடுவதால் உடலுக்கு என்னென்ன நன்மைகள் கிடைக்கும் என்பதை இங்கே தெரிந்து கொள்வோம்.

ALSO READ: Exclusive: மதிய உணவாக சர்க்கரை நோயாளிகள் என்ன சாப்பிடலாம்..? டாக்டர் கொடுத்த டிப்ஸ்!

சிறந்த செரிமான அமைப்பு:

புதினா இலைகளை வெறும் வயிற்றில் ஒரு மாதம் தொடர்ந்து மென்று சாப்பிட்டு வர உங்கள் செரிமான அமைப்பு மேம்படும். புதினா செரிமான நொதிகளை ஊக்குவிப்பதன் மூலம் செரிமான அமைப்பை வலுப்படுத்த வேலை செய்கிறது. இந்த இலைகளின் சாறு அஜீரணம், வயிற்று வலி மற்றும் செரிமானம் தொடர்பான அனைத்து பிரச்சனைகளையும் நீக்குகிறது.

வாய் துர்நாற்றத்தில் இருந்து நிவாரணம்:

பூஞ்சை எதிர்ப்பு பண்புகள் புதினா இலைகளில் உள்ளன. இதன் காரணமாக இவை உங்கள் வாய் ஆரோக்கியத்தை மேம்படுத்த உதவி செய்கின்றன. இதனுடன், தினமும் காலையில் எழுந்ததும் புதினா நீரால் வாய் கொப்பளித்து வந்தால், அதன் உதவியுடன் வாய் துர்நாற்றத்திலிருந்தும் விடுபடலாம். இதனுடன், பாக்டீரியாக்களிடம் இருந்து பாதுகாத்து உங்கள் வாய் ஆரோக்கியத்தை மேம்படுத்த உதவுகின்றன.

சருமத்தை இயற்கையாக பளபளப்பாக்கும்:

தினமும் காலையில் வெறும் வயிற்றில் புதினா இலைகளை மென்று சாப்பிடுவது உங்கள் உடலை இயற்கையாகவே நச்சுத்தன்மையாக்குகிறது. இது சருமத்தை இயற்கையாக பளபளக்க உதவுகிறது. இதனுடன், புதினாவில் உள்ள ஆன்டி-பாக்டீரியல் பண்புகள் சரும தொற்று, பருக்கள் மற்றும் முகப்பரு போன்ற பிரச்சனைகளில் இருந்தும் நிவாரணம் அளிக்கிறது.

ஆஸ்துமா:

புதிதாக ஆஸ்துமா நோயால் பாதிக்கப்பட்டவர்களுக்கு புதினா மிகவும் நன்மை பயக்கும். இதில் உள்ள அழற்சி எதிர்ப்பு பண்புகள் மூக்கில் ஏற்படுத்தும் அசௌகரித்தில் இருந்து நிவாரணம் அளிக்கும்.

காய்ச்சல்:

வானிலை மாறும்போது காய்ச்சல் வருவது மிகவும் பொதுவான ஒரு விஷயம். இத்தகைய சூழ்நிலையில், புதினா உங்களுக்கு நல்ல தீர்வை தரும். பருவ மாற்றத்தின்போது உங்களுக்கு காய்ச்சல் ஏற்பட்டால் புதினா இலைகளை கஷாயம் செய்து குடித்தால் காய்ச்சல் விரைவில் குணமாகும். புதினா சட்னி செய்து கொடுப்பதும் காய்ச்சல் நோயாளிகளுக்கு நல்ல பலனை தரும்.

ஒவ்வாமை:

புதினாவில் ஆன்டி-ஆக்ஸிடன்ட் மற்றும் அழற்சி எதிர்ப்பு பண்புகள் இருப்பதால் ஒவ்வாமையை குணப்படுத்தும். இது வயிற்று உப்புசம், வாயு மற்றும் மாதவிடாய் பிடிப்புகள் போன்ற வயிற்று பிரச்சனைகளில் இருந்து நிவாரணம் அளிக்கிறது.

தலைவலி:

நீண்ட நாட்களாக தலைவலியால் அவதிப்படுபவர்களுக்கு புதினா சிறந்த தீர்வை தரும். மேலும், வாந்தி மற்றும் குமட்டல் போன்ற பிரச்சனைகள் உங்களுக்கு தோன்றினால், இவற்றில் இருந்தும் புதினா பல பலனை தரும்.

ALSO READ: On This Day in 2018: வலியுடன் கடைசி வரை போராடிய கேதர் ஜாதவ்.. 6 ஆண்டுக்குமுன் இதே நாளில் இந்திய அணி ஆசிய சாம்பியன்!

சளி:

புதினாவில் இயற்கையான டிகோங்கஸ்டன்ட் என்ற ஒரு சத்து உள்ளது. இது உங்களுக்கு தொல்லை தரும் சளியை உடைத்து வெளியேற்றுவதை எளிதாக்கும். மேலும், புதினா இயற்கையாகவே குளிர்ச்சியான விளைவைக் கொண்டுள்ளது. இது தொண்டை வலியைப் போக்க உதவி செய்கிறது.

மன அழுத்தத்தை போக்கும்:

புதினா மூளையின் செயல்பாட்டை மேம்படுத்த பெரிதும் உதவி செய்கிறது. புதினா நினைவாற்றல் பலவீனமடைவதைத் தடுக்கிறது. மேலும், இது சோர்வு, மன அழுத்தம் மற்றும் பல தோல் நோய்களுக்கு சிறந்த சிகிச்சையை தரும்.

எடை குறைக்க உதவி செய்யும்:

அதிக உடல் பருமனால் பாதிக்கப்படுபவர்கள் உடல் எடையை குறைக்க விரும்பினால் புதினா இலைகள் உங்களுக்கு பெரிதும் உதவி செய்யும். புதினா இலைகளின் பானத்தை தயார் செய்து, அதில் எலுமிச்சை சாறு மற்றும் கருப்பு மிளகு தூள் சேர்க்கவும். இந்த பானத்தை தினமும் வெறும் வயிற்றில் குடித்தால் இது உடல் எடையை குறைக்க உதவி செய்யும்.