தண்ணீர் குடிக்காமல் ஒரு மனிதன் எத்தனை நாட்கள் வாழ முடியும் தெரியுமா? ஆய்வு சொல்லும் முடிவுகள்!
Water Facts : ஒருவரது உடலில் நீர்ச்சத்து குறையும்போது அவருக்கு மிகவும் தாகம் ஏற்படுகிறது. தண்ணீர் இல்லாததால் சோர்வாக உணர்கிறார். உறுப்புகளையும் பாதிக்கிறது. மேலும், இது மரணத்திற்கு வழிவகுக்கிறது. ஒருவர் தண்ணீர் குடிக்கவில்லை என்றால், முதல் நாளே கொஞ்சம் மந்தமாக இருப்பார். மூன்றாவது நாளில் பெரும்பாலான உறுப்புகள் சேதமடைய வாய்ப்புள்ளதாக மருத்துவர்கள் கூறுகின்றனர்.
தண்ணீர் : மனித உடலுக்கு தண்ணீர் இன்றியமையாதது. ஒரு குறிப்பிட்ட அளவு தண்ணீர் உடல் சரியாக செயல்பட உதவுகிறது. அது இல்லாமல் வாழ்க்கை தொடர முடியாது. மனிதன் உணவு இல்லாமல் பல நாட்கள் வாழ முடியும் ஆனால் தண்ணீர் இல்லாமல் வாழ்வது கடினம். இப்படிப்பட்ட சூழ்நிலையில் தண்ணீர் இல்லாமல் ஒருவர் எத்தனை நாட்கள் உயிர்வாழ முடியும்? தண்ணீர் பற்றாக்குறையால் என்ன நடக்கிறது என்ற கேள்வி எழுந்துள்ளது. ஒருவரது உடலில் நீர்ச்சத்து குறையும்போது அவருக்கு மிகவும் தாகம் ஏற்படுகிறது. தண்ணீர் இல்லாததால் சோர்வாக உணர்கிறார். உறுப்புகளையும் பாதிக்கிறது. மேலும், இது மரணத்திற்கு வழிவகுக்கிறது. ஒருவர் தண்ணீர் குடிக்கவில்லை என்றால், முதல் நாளே கொஞ்சம் மந்தமாக இருப்பார். மூன்றாவது நாளில் பெரும்பாலான உறுப்புகள் சேதமடைய வாய்ப்புள்ளதாக மருத்துவர்கள் கூறுகின்றனர்.
தண்ணீர் பற்றாக்குறையின் பாதிப்பு ஒவ்வொருவருக்கும் மாறுபடும். இருப்பினும், இது அவரது சகிப்புத்தன்மையின் அளவைப் பொறுத்தது. நமது உடல் 70% நீரால் ஆனது என்பதால், பல முக்கிய செயல்பாடுகள் அதன் மூலம் மேற்கொள்ளப்படுகின்றன. அத்தகைய சூழ்நிலையில் தண்ணீர் இல்லாமல் நீண்ட காலம் வாழ்வது எளிதல்ல.
தண்ணீர் இல்லாமல் ஒரு மனிதன் எத்தனை நாட்கள் வாழ முடியும்?
வெவ்வேறு நபர்களுக்கு இது வித்தியாசமாக இருக்கலாம். இது இரண்டு நாட்கள் முதல் ஒரு வாரம் வரை இருக்கலாம். தண்ணீருக்காகவும் ‘ரூல் ஆஃப் 3’ கருதப்படுகிறது. அதாவது காற்று இல்லாமல் 3 நிமிடம், தண்ணீர் இல்லாமல் 3 நாட்கள், உணவு இல்லாமல் 3 வாரங்கள் மனிதன் உயிர்வாழ முடியும்.
ஒரு மனிதனால் உணவு மற்றும் தண்ணீர் இல்லாமல் 8 முதல் 21 நாட்களுக்கு மேல் உயிர்வாழ முடியாது என்று ‘Archive for Criminology’ நடத்திய ஆய்வில் தெரியவந்துள்ளது. தண்ணீர் பற்றாக்குறை உடலில் பல எதிர்மறை விளைவுகளை ஏற்படுத்தும். ஆனால் இது அனைத்தும் லைப்ஸ்டைல் மற்றும் காலநிலையைப் பொறுத்தது.
Also Read : கிட்னி கேன்சர்.. இந்த பிரச்னை எல்லாம் உங்கள் சிறுநீரகத்தை பாதிக்கும்!
உடலுக்கு எவ்வளவு தண்ணீர் தேவை:
- ஆராய்ச்சியின்படி, ஆண்கள் 3.6 லிட்டர் தண்ணீரும், பெண்கள் 2.6 லிட்டர் தண்ணீரும் குடிக்க வேண்டும். இந்த அளவு திரவ மற்றும் உணவில் இருந்து பெறலாம்.
- தண்ணீர் தேவை ஒவ்வொரு நபரின் வயது, உடல் செயல்பாடு, ஆரோக்கியம், உடல் திறன், உயரம், எடை, பாலினம் மற்றும் உணவு முறை ஆகியவற்றைப் பொறுத்தது.
- நீர்ச்சத்து நிறைந்த பழங்கள், காய்கறிகள் மற்றும் பழச்சாறுகளை உட்கொள்பவர்களுக்கு அதிக தண்ணீர் தேவைப்படாது. ஆனால் தானியங்கள், ரொட்டி அல்லது உலர் உணவுகளை உட்கொள்பவர்களுக்கு அதிக தண்ணீர் தேவைப்படுகிறது.
- ஒருவரின் உடலுக்கு எவ்வளவு தண்ணீர் தேவை என்பதும் அவரைச் சுற்றியுள்ள சூழலைப் பொறுத்தது.