Salt : மிக குறைந்த அளவில் உப்பை எடுத்து கொள்கிறீர்களா..? இதுவும் உடலுக்கு பிரச்சனைதான்!

உப்பு

நமது உணவில் உப்பு முக்கிய பங்கு வகிக்கிறது. உப்பு சோடியத்தின் வளமான ஆதாரமாகவும் கருதப்படுகிறது. உடலில் உள்ள செல்கள் சரியாக இயங்குவதற்கு சோடியம் தான் காரணம். இது தவிர, எலக்ட்ரோலைட்டுகளின் சமநிலையை பராமரிக்க உதவுகிறது. இருப்பினும், அதன் அதிகப்படியான உப்பு, உடல் ஆரோக்கியத்திற்கு பல தீங்கு விளைவிக்கும். இதனால்தான் உப்பை குறைந்த அளவில் எடுத்துக்கொள்ளுமாறு சுகாதார நிபுணர்கள் பரிந்துரைக்கின்றனர். உலக சுகாதார அமைப்பின் கூற்றுப்படி, தினமும் 5 கிராம் உப்பு எடுத்துக்கொள்வது ஆரோக்கியத்திற்கு நல்லது என்று தெரிவித்துள்ளது. இருப்பினும், உப்பு ஒரு நாளைக்கு 5 கிராமுக்கு மேலாகவோ அல்லது குறைவாகவோ எடுத்துக்கொள்வதும் தீங்கு விளைவிக்கும்.

ALSO READ: Uric Acid: யூரிக் அமிலம் என்றால் என்ன..? இது ஏன் உடலுக்கு தீங்கு..? முழு விவரம் இங்கே!

உயர் இரத்த அழுத்தம்:

குறைந்த அளவு சோடியம் உடலில் உயர் இரத்த அழுத்தத்தை ஏற்படுத்தும். இந்த நிலை ஹைபோடென்ஷன் என்று அழைக்கப்படுகிறது. உயர் இரத்த அழுத்தத்தால் பாதிக்கப்பட்ட ஒரு நபர் தலைச்சுற்றல், மயக்கம் மற்றும் மங்கலான பார்வை போன்ற அறிகுறிகளை ஏற்படுத்தலாம். இது உடலில் சில பகுதிகளுக்கு இரத்த ஓட்டத்தை தடுத்து, காலப்போக்கில் சேதத்தை ஏற்படுத்தும்.

ஹைபோநெட்ரீமியா:

இரத்தத்தில் சோடியத்தின் அளவு குறைக்கும்போது ஹைபோநெட்ரீமியா என்ற பிரச்சனையும் ஏற்படுகிறது. இதன்மூலம் குமட்டல், தலைவலி, பிரமைகள் போன்ற பிரச்சனைகள் ஏற்படலாம். இந்த ஹைபோநெட்ரீமியா உயிருக்கு ஆபத்தை ஏற்படுத்தலாம்.

எலக்ட்ரோலைட்:

சோடியம் குறைவாக சாப்பிடுவது உடலில் எலக்ட்ரோலைட்டுகளின் சமநிலையை சீர்குலைக்கும். இது தசைப்பிடிப்பு, பலவீனம் மற்றும் ஒழுங்கற்ற இதய துடிப்பை கூட ஏற்படுத்தும். விளையாட்டு வீரர்கள் மற்றும் அதிகமாக பயிற்சி மேற்கொள்பவர்கள் உப்பை உணவில் குறைத்துக்கொள்ளும்போது மேலே குறிப்பிட்டுள்ள பிரச்சனையை சந்திப்பார்கள்.

இன்சுலின்:

மிக குறைந்த சோடியம் உணவை உட்கொள்வது இன்சுலின் எதிர்ப்பை அதிகரிக்கும். இது வகை 2 நீரிழிவு நோய்க்கு வழிவகுக்கும் என்று சில ஆய்வுகள் தெரிவிக்கின்றன.

தசைகளில் பிரச்சனை:

சோடியம் குறைபாடு நரம்பு சமிக்ஞைகளை சீர்குலைத்து தசை சுருக்கத்தை பாதிக்க செய்யும். இது தசை பலவீனம், தசைப்பிடிப்புகள் உண்டாகும். இந்த நிலை தொடர்ந்தால் பக்கவாதத்தை கூட ஏற்படுத்தலாம்.

சிறுநீரக செயல்பாடு:

சோடியம் உங்கள் உடலில் குறையும்போது சிறுநீரகங்களுக்கு அழுத்தம் கொடுக்கும். சிறுநீரகங்கள் சரியாக செயல்பட ஒரு குறிப்பிட்ட அளவு சோடியம் தேவைப்படுகிறது. இத்தகைய சூழ்நிலையில், உங்கள் உடலில் சோடியம் இல்லாதபோது சிறுநீரகத்தின் செயல் திறன் பாதிக்கப்படுவதுடன் சிறுநீரக கற்கள் உருவாகும் வாய்ப்பும் அதிகரிக்கிறது.

இதய பிரச்சனை:

உடலில் சோடியம் குறையும்போது இதயத்தில் எதிர்மறையான விளைவுகளை ஏற்படுத்தும். சோடியம் எடுத்துகொள்வதை குறைப்பது சிலருக்கு இரத்த அழுத்தத்தை குறைக்கலாம். இது மாரடைப்பு மற்றும் பக்கவாதம் போன்ற இதய பிரச்சனைகளின் அபாயத்தை அதிகரிக்க செய்யும்.

ALSO READ: Cholesterol Control Tips: உடலில் கொலஸ்ட்ரால் அதிகரிப்பதை தடுப்பது எப்படி? என்ன சாப்பிடலாம்..?

உப்பால் ஏற்படும் நன்மைகள்:

• உப்பில் சோடியம், பொட்டாசியம் மற்றும் குளோரைடு போன்ற எலக்ட்ரோலைட்டுகள் உள்ளன. இவரை உங்கள் உடலை ஈரப்பதமாக வைக்க உதவி செய்கிறது. இதை உட்கொள்வது நரம்புகளின் செயல்பாட்டை மேம்படுத்தவும், தசை சுருக்கத்தை சரி செய்யவும் உதவும். நீங்கள் அதிகமாக உழைக்கும்போது வியர்வை வெளியேறும். உடற்பயிற்சி செய்த பின் உப்பு கலந்த நீர் அருந்தினால், இது புத்துணர்ச்சியையும், ஆற்றலையும் தரும்.
• உப்பு உட்கொள்வதால் செரிமானம் ஆரோக்கியமாக நடைபெறும். இது வயிற்றில் உள்ள செரிமான நொதிகள் மற்றும் ஹைட்ரோகுளோரிக் அமிலத்தின் உற்பத்தியை தூண்டி செரிமானத்திற்கு உதவி செய்கிறது.
• உப்பு உட்கொள்வது சரும ஆரோக்கியத்தையும் மேம்படுத்தும். உப்பு தோல் அழற்ஜியை குறைத்து, மீட்பை துரிதப்படுத்துகிறது. அரிக்கும் தோலழற்ஜி மற்றும் தடிப்பு தோல் அழற்சி போன்ற தோல் பிரச்சைனைகளை மேம்படுத்த உப்பு பயனுள்ளதாக இருக்கிறது. இது சருமத்தின் pH அளவை நீரேற்றம் செய்து சமநிலைப்படுத்துவதன் மூலம் ஒட்டுமொத்த சரும ஆரோக்கியத்தை மேம்படுத்தும்.

அதிக உப்பு சாப்பிடுவதால் ஏற்படும் பிரச்சனைகள்:

உணவில் அதிக உப்பு எடுத்துகொள்வது தீங்கு விளைவிக்கும். அதிகப்படியான உப்பு இரத்த அழுத்தத்தை அதிகரிப்பது மட்டுமல்லாமல், வயிற்று புற்றுநோயை உண்டாக்கும் அபாயத்தை ஏற்படுத்தும். குறைந்த சோடியம் கொண்ட உப்பு அதிக நன்மை பயக்கும். கடல் மற்றும் கல் உப்பு இரண்டும் அதிக நன்மை பயக்கும். இவை இரண்டிலும் சாதாரண உப்பை விட குறைவான அளவு சோடியம் உள்ளது. இந்த இரண்டு உப்புகளையும் உங்கள் உணவில் சேர்த்துக்கொள்ளலாம்.