Tamil News Photo Gallery > Actor Sivakarthikeyan Amaran Movie Beats Vijay's Goat Movie Collection In Telugu

’தி கோட்’ பட வசூலை மிஞ்சும் ‘அமரன்’ .. தெலுங்கில் சீறும் கலெக்‌ஷன்!

Published:

04 Nov 2024 14:50 PM

Amaran Movie Collection : தமிழ் சினிமாவின் பிரபல நடிகர் சிவகார்த்திகேயன் மற்றும் நடிகை சாய் பல்லவியின் நடிப்பில் அவெளியான திரைப்படம் அமரன். ரங்கூன் திரைப்படத்தின் மூலம் பிரபலமான இயக்குநர் ராஜ்குமார் பெரியசாமியின் இயக்கத்தில் ராணுவ வீரர் முகுந்த் வரதராஜனின் வாழ்க்கை கதையை அடிப்படையாகக் கொண்டு உருவாக்கிய இப்படம் கடந்த அக்டோபர் 31ம் தேதி தீபாவளி பண்டிகையை முன்னிட்டு திரையரங்குகளில் வெளியானது

தமிழ்த் திரைப்படங்களின் தனது நடிப்பினாலும் மற்றும் நகைச்சுவையினாலும் சிறியவர்கள் முதல் பெரியவர்கள் அனைவரின் கவனத்தை ஈர்த்துவருபவர் நடிகர் சிவகார்த்திகேயன். தற்போது இவர் மற்றும் நடிகை சாய் பல்லவியின் நடிப்பில் வெளியான திரைப்படம் அமரன்.

2 / 7

தமிழில் 2017ல் வெளியான ரங்கூன் திரைப்படத்தின் மூலம் இயக்குநராக அறிமுகமாகிய ராஜ்குமார் பெரியசாமியின் இயக்கத்தில் நடிகர் கமல்ஹாசனின் ராஜ்கமல் பிலிம்ஸ் தயாரிப்பில் இப்படம் கடந்த அக்டோபர் 31ம் தேதி உலகமெங்கும் வெளியாகியது.

3 / 7

மறைந்த முன்னாள் ராணுவ வீரர் மேஜர் முகுந்த் அவர்களின் காதல் வாழ்க்கை மற்றும் ராணுவ வாழ்க்கை குறித்து வெளியான இந்த திரைப்படத்திற்கு நடிகர் ரஜினிகாந்த், நா.த.க தலைவர் சீமான், அண்ணாமலை என பலரும் தங்களின் வாழ்த்துக்களைத் தெரிவித்து வருகின்றனர்.

4 / 7

இந்த திரைப்படத்திற்காக ஜி.வி. பிரகாஷ் இசையமைத்துள்ளார். இவரின் இசையமைப்பில் மின்னலே, வெண்ணிலவு சாரல் மற்றும் உயிரே என இந்த மூன்று பாடல்களும் தற்போது இணையத்தில் ட்ரெண்டிங் லிஸ்டில் இருந்து வருகிறது. தமிழ்த் திரைப்படங்களில் நடிகர்களுக்கு எந்த அளவிற்கு வரவேற்புகள் இருக்கிறதோ அதைவிட இந்த திரைப்படத்தில் நடிகை சாய் பல்லவிக்கு அந்த அளவிற்கு பெரும் வரவேற்புகள் இருந்தது.

5 / 7

நடிகர் சிவகார்த்திகேயன் இதுவரை நடித்திடாத எமோஷன் மற்றும் ஆக்ஷன் நிறைந்த கதாபாத்திரத்தில் அமரன் திரைப்படத்தில் நடித்துள்ளார். இந்த திரைப்படம் வெளியான முதல் நாளிலே உலகளாவிய வசூலில் 42.3 கோடிகளை வசூல் செய்து சாதனை படைத்தது. சிவகார்த்திகேயன் இதுவரை நடித்த எந்த திரைப்படமும் முதல் நாளில் 40 கோடியைத் தாண்டவில்லை எனவும் இதுதான் அதிக வசூல் செய்த முதல் திரைப்படம் எனவும் கூறப்படுகிறது.

6 / 7

இந்நிலையில் தமிழ், மலையாளம், தெலுங்கு எனப் பல மொழிகளில் வெளியான இந்தத்திரைப்படம் அனைத்து மொழி ரசிகர்கள் மனதில் நீங்காத இடத்தை பிடித்து வருகிறது. இந்நிலையில் தெலுங்கு மொழியில் வெளியான அமரன் விஜய் நடிப்பில் வெளியான "கோட்" திரைப்படத்தின் வசூலை முறியடித்ததாகக் கூறப்படுகிறது.

7 / 7

அமரன் திரைப்படம் 4 நாட்களில் தெலுங்கில் சுமார் 16 கோடிகளை வசூல் செய்துள்ளதாகவும், தெலுங்கில் விஜயின் கோட் திரைப்படம் மொத்த வசூலையும் முந்தியதாகவும் கூறப்படுகிறது. இதனால் சிவகார்த்திகேயனின் அமரன் ஒரு பிளாக் பஸ்டர் திரைப்படமாக அமையும் என எதிர்பார்க்கப்படுகிறது.

Actor Thalapathy Vijay Sivakarthikeyan Tamil Movie Updates