Tamil News Photo Gallery > Actor Vijay Childhood Photos Viral On Social Media

புகைப்படத்தில் தொப்பி அணிந்திருக்கும் சிறுவன் யார் தெரிகிறதா? தமிழ் சினிமாவின் டாப் நடிகர் இவர்..!

Published:

16 Nov 2024 17:30 PM

Actors Childhood Photos: தற்போதைய காலத்தில் இணையதளங்களின் வளர்ச்சியால் பல தகவல்கள் நம்முடைய விரல்நுனியில் இருக்கிறது. அந்த வகையில் திரை பிரபலங்களில் புகைப்படங்கள் மற்றும் அவர்களின் சினிமா வாழ்க்கை பற்றிய தகவல்கள் வைரலாகி வருகிறது. இந்நிலையில் இந்த புகைப்படத்தில் இருக்கும் தொப்பி போட்ட இந்த சிறுவன் யார் தெரிகிறதா? இவர் தமிழ் சினிமாவில் பிரபல நடிகர், தமிழ் சினிமாவில் இளைய தளபதி என்றும் இவர் அழைக்கப்படுவார்! இப்போதாவது யார் இந்த சிறுவன் என்று தெரிகிறதா?

சமூக வலைத்தளங்களில் சமீபகாலமாகத் திரைப்பட பிரபலங்களின் சிறுவயது புகைப்படங்கள் இணையத்தில் வைரலாகி வருகின்றன. இந்த லிஸ்டில் இந்த புகைப்படத்தில் இருக்கும் பிரபல நடிகர் யார் தெரிகிறதா? இவர் இவர் தமிழ் சினிமாவில் மொத்தம் 68க்கும் மேற்பட்ட திரைப்படங்களில் நடித்திருக்கிறார்.இவர், வேறு யாரும் இல்ல நடிகரும், த.வெ.க தலைவருமான விஜய் தான்.

2 / 6

தமிழ் சினிமாவில் குழந்தை நட்சத்திரமாகத் திரைப்படங்களில் நடித்துவந்த விஜய் 1992ல் தனது தந்தை எஸ்.ஏ. சந்திரசேகர் இயக்கத்தில் வெளியான 'நாளைய தீர்ப்பு' திரைப்படத்தில் முக்கிய கதாபாத்திரத்தில் நடித்து திரைப்படங்களில் நடிகராக நடிக்க ஆரம்பித்தார். இந்த திரைப்படத்தைத் தொடர்ந்து 1993ல் வெளியான செந்தூரபாண்டி என்ற திரைப்படத்தில் விஜயகாந்த்துடன் நடித்து பட்டிதொட்டி எங்கும் பிரபலமானார்.

3 / 6

இப்படத்தினை தொடர்ந்து ரசிகன், தேவா, ராஜாவின் பார்வையில் மற்றும் சந்திரலேகா போன்ற திரைப்படங்களில் நடிகராக நடித்துவந்த விஜய்க்கு 1996ம் ஆண்டு விக்ரமன் இயக்கத்தில் வெளியான "பூவே உனக்காக" என்ற திரைப்படம் வெற்றி திரைப்படமாக அமைந்தது. இந்த திரைப்படத்தின் வெற்றியை அடுத்து லவ் டுடே, ஒன்ஸ் மோர், நேருக்கு நேர், காதலுக்கு மரியாதை போன்ற வெற்றி திரைப்படங்களைக் கொடுத்து வெற்றி நாயகனாக வலம்வந்தார்.

4 / 6

இந்நிலையில் தொடர்ந்து வெற்றி திரைப்படங்களில் நடித்து முன்னணி கதாநாயகனாக வலம்வந்தாலும் இவருக்கும் சில திரைப்படங்கள் கடும் தோல்வியையும் கொடுத்திருக்கிறது. வெற்றி என்று ஒன்று இருந்தால் தோல்வி என்று ஒன்று இருக்கும் நிலையில் இவருக்கு வில்லு, சுறா மற்றும் புலி போன்ற திரைப்படங்கள் தோல்வியாக முடிந்தது. இப்படத்தின் தோல்வியை அடுத்து கொஞ்சம் கூட மனம் தளராமல் நடித்த விஜய்க்கு அடுத்த திரைப்படங்களைத் திரை கதையை தேர்ந்தெடுத்து நடிக ஆரம்பித்தார்.

5 / 6

தமிழ் நடிகர்களில் அதிகம் சம்பளம் வாங்கு நடிகர்களில் முதலிடத்தில் இருக்கும் விஜய் கடந்த செப்டம்பர் மாதம் வெளியான கோட் திரைப்படத்தின் வெற்றியினை தொடர்ந்து தற்போது தளபதி 69 என்று இயக்குநர் ஹெச். வினோத் இயக்கத்தில் உருவாகிவரும் திரைப்படத்தில் நடித்துவருகிறார்.

6 / 6

இந்த திரைப்படத்தில் நடிப்பதற்காக இவர் 275 கோடி சம்பளம் வாங்கியுள்ளார் என்பது குறிப்பிடத்தக்கது. இந்த திரைப்படத்தினை அடுத்து முழுமையாக அரசியலில் இறங்கவுள்ள நடிகர் விஜய்யின் சிறுவயது புகைப்படம் இணையத்தில் வைரலாகி வருகிறது.

Actor Thalapathy Vijay