Tamil News Photo Gallery > Actress Keerthy Suresh talks about her marriage after completing her darshan at Tirupati

Keerthy Suresh : விரைவில் திருமணம்.. திருப்பதியில் தரிசனம்.. நடிகை கீர்த்தி சுரேஷ் கொடுத்த அப்டேட்!

Published:

29 Nov 2024 15:06 PM

Keerthy Suresh: தமிழ் நடிகைகளில் பிரபலமாக இருந்துவருபவர் கீர்த்தி சுரேஷ். இவரை நடிகையாக அறிமுகம் செய்தது மலையாள சினிமாதான். 2000ம் ஆண்டு மலையாள திரைப்படங்களில் குழந்தை நட்சத்திரமாக அறிமுகமாகிய இவர், தற்போது பான் இந்திய நடிகையாக வலம் வருகிறார்.

2000ம் ஆண்டு வெளியான "பைலட்ஸ்" என்ற திரைப்படத்தின் மூலம் குழந்தை நட்சத்திரமாக அறிமுகமானவர் நடிகை கீர்த்தி சுரேஷ். இவர் பின் 2013ம் ஆண்டு "கீதாஞ்சலி" என்ற திரைப்படத்தின் மூலம் கதாநாயகியாக அறிமுகமானார். தொடர்ந்து திரைப்படங்களில் நடிக்க ஆர்வம் காட்டிய கீர்த்தி சுரேஷ் பின் தமிழ் சினிமாவிலும் கதாநாயகியாக தடம் பதித்தார்.

2 / 6

கீர்த்தி சுரேஷ், தமிழில் இயக்குநர் ஏ.எல்.விஜய் இயக்கத்தில் வெளியான "இது என்ன மாயம்" என்ற திரைப்படத்தில் விக்ரம் பிரபுவிற்கு ஜோடியாக நடித்து அறிமுகமானார். பின் தொடர்ந்து பிரபல நடிகர்களான விஜய், விக்ரம், ரஜினிகாந்த் மற்றும் சிவகார்த்திகேயன் என முன்னணி நடிகர்களுடன் இணைந்து நடித்தார். இவரின் நடிப்பில் தெலுங்கில் மகாநதி மிகப்பெரிய வெற்றியை பெற்றது.

3 / 6

சமீப காலமாக நடிகை கீர்த்தி சுரேஷ் திருமணத்தைப் பற்றிய தகவல்கள் மற்றும் புகைப்படங்கள் வெளியாகி வருகின்றன. நடிகை கீர்த்தி சுரேஷின் காதலர் இவரா? என்று ரசிகர்கள் வியந்த நிலையில், திருமணத்தை உறுதி செய்யும் விதமாகத் தனது இன்ஸ்டாகிராம் பக்கத்தில் காதலருடன் இருக்கும் புகைப்படத்தினை வெளியிட்டார். அதில் "15 ஆண்டுகளாக இருவரும் காதலித்து வருகிறோம்" கேப்ஷனுடன் பகிர்ந்திருந்தார்.

4 / 6

கீர்த்தி சுரேஷ், இன்று திருப்பதியில் தனது தந்தை சுரேஷ் குமார், தாய் மேனகா மற்றும் சகோதரி ரேவதி எனத் தனது குடும்பத்துடன் திருப்பதியில் சுவாமி தரிசனம் செய்துள்ளார். தொடர்ந்து செய்தியாளர்களைச் சந்தித்த கீர்த்தி சுரேஷ் நீண்ட நாட்களுக்குப் பிறகு ஏழுமலையானைத் தரிசித்ததாகவும், மற்றும் அவருக்கு விரைவில் திருமணம் என்றும் எனது திருமணம் கோவாவில் நடைபெற உள்ளது என்றும் கூறியுள்ளார்.

5 / 6

தொடர்ந்து நடிகை கீர்த்தி சுரேஷ் தமிழ், மலையாளம் மற்றும் தெலுங்கு திரைப்படங்களைத் தாண்டி தற்போது இந்தியில் விஜய் நடித்த தெறி திரைப்படத்தின் ரீமேக் திரைப்படமான 'பேபி ஜான்' திரைப்படத்தில் நடித்து பாலிவுட் சினிமாவில் நடிகையாக அறிமுகமாகி உள்ளார். இந்த திரைப்படம் வருகின்ற டிசம்பர் 25ம் தேதி கிறிஸ்துமஸ் தினத்தன்று வெளியாக உள்ளது.

6 / 6

தற்போது திரைப்படங்களில் சிங்கிள் கதாபாத்திரங்களில் நடிப்பதில் ஆர்வம் காட்டும் நடிகை கீர்த்தி சுரேஷ் தமிழில் 'ரிவால்வர் ரீட்டா மற்றும் கண்ணிவெடி' போன்ற திரைப்படங்களில் நடித்துவருகிறார். இதைத் தொடர்ந்து திருமணத்திற்குப் பின்னும் இவர் திரைப்படங்களில் நடிப்பார் என்று எதிர்பார்க்கப்படுகிறது.

Keerthy Suresh