Tamil News Photo Gallery > Actress Nayanthara Celebrate Her 40th Birthday today

ஹாப்பி பர்த்டே நயன்தாரா..லேடி சூப்பர் ஸ்டார் பற்றிய சுவாரஸ்ய தகவல்..!

Updated On:

18 Nov 2024 11:33 AM

Actress Nayanthara : தமிழ் திரையுலகில் முன்னணி கதாநாயகிகளில் முதன்மையாக இருந்து வருபவர் நடிகை நயன்தாரா. தனது மாறுபட்ட நடிப்பினாலும், சினிமா மீது கொண்டுள்ள அதிக ஈர்ப்பினாலும் தமிழ் திரைப்படங்களில் மட்டுமில்லாமல் பாண் இந்திய பிரபல நடிகையாக வலம் வருபவர் நயந்தாரா. இன்று தனது 40-வது பிறந்தநாளைக் கொண்டாடும் லேடி சூப்பர் ஸ்டாரை பற்றிய சுவாரஸ்ய தகவலைப் பற்றிப் பார்க்கலாம்

2003ம் ஆண்டு வெளியான "மனசினகாரே" என்ற மலையாள திரைப்படத்தின் மூலம் நடிகையாக அறிமுகமான நயன்தாரா தமிழ் சினிமாவில் 2005ம் ஆண்டு இயக்குநர் ஹரி இயக்கத்தில் வெளியான "ஐயா" என்ற திரைப்படத்தில் சரத்குமாருக்கு ஜோடியாக நடித்துப் பிரபலமானார். அதிலும் அப்படத்தில் "ஒரு வார்த்த பேச ஒரு வருஷம் காத்திருந்தேன்" என்ற பாடலின் மூலமாகப் பட்டி தொட்டி எங்கும் மிகவும் பேமஸ் ஆனார்.

2 / 7

தமிழ்த் திரைப்படங்களில் தொடர்ந்து நடிப்பதில் ஆர்வம் காட்டிய நயன் சந்திரமுகி, கஜினி, கள்வனின் காதலில் மற்றும் வல்லவன் போன்ற திரைப்படங்கள் நடித்தார். இதில் அவர் நடித்த கள்வனின் காதலி மற்றும் வல்லவன் போன்ற திரைப்படங்களில் நெருக்கமான காட்சிகளின் மூலமாகத் தமிழ் ரசிகர்கள் மத்தியில் பெரும் விமர்சனங்களுக்கு உள்ளானார்.

3 / 7

நடிகை நயன்தாரா சினிமாவின் மீதுள்ள ஆர்வத்தினால் பல விமர்சனங்களைத் தாண்டியும் தொடர்ந்து திரைப்படங்களில் நடிக்க ஆரம்பித்தார். இதில் அவர் நடித்த யாரடி நீ மோகினி, ஆதவன், பாஸ் என்கிற பாஸ்கரன், பில்லா போன்ற திரைப்படங்கள் இவருக்கு வெற்றியாக அமைந்தது.

4 / 7

ஆரம்பத்தில் இவர் நடித்த திரைப்படங்கள் இவருக்கு அந்த அளவிற்கு வரவேற்புகளைக் கொடுக்காத காரணத்தைக் கூறவேண்டும் என்றால் சரியான கதாபாத்திரங்களைத் தேர்ந்தெடுக்காததுதான் என்றும் கூறலாம். பின் இவருக்கு முக்கியமான கதாபாத்திரங்களைத் தேர்ந்தெடுத்து நடிக்க ஆரம்பித்த இவருக்கு ராஜா ராணி, தனி ஒருவன், நானும் ரவுடி தான் போன்ற திரைப்படங்கள் பயங்கர வெற்றியைத் தந்தது.

5 / 7

தொடர்ந்து திரைப்படங்களில் முன்னணி கதாநாயகியாக வலம் வந்த நயன்தாரா தமிழ்த் திரைப்படங்களில் மட்டுமில்லாமல் தெலுங்கு, இந்தி மற்றும் மலையாளம் போன்ற மொழி திரைப்படங்களில் நடித்து முன்னணி கதாநாயகியாக நடித்துவந்த இவர் திரைப்படங்களில் நடிகைகளுக்கு முக்கியத்துவம் அளிக்கும் விதத்தில் கதைகளைத் தேர்ந்தெடுத்து நடிக்க ஆரம்பித்தார். அதில் டோரா, அறம், இமைக்கா நொடிகள், நெற்றிக்கண் மற்றும் மூக்குத்தி அம்மன் போன்ற திரைப்படங்கள் இவருக்கு பெரும் வெற்றிப் படங்களாக அமைந்தது.

6 / 7

தமிழ் சினிமாவில் தொடர்ந்து முன்னிலை வகிக்கும் நடிகை நயன்தாரா பின் "லேடி சூப்பர் ஸ்டார்" என்றும் தனது ரசிகர்களால் அழைக்கப்பட்டார். 2015ம் ஆண்டு வெளியான "நானும் ரவுடிதான்" என்ற திரைப்படத்தின் மூலம் இயக்குநர் விக்னேஷ் சிவனுக்கும் நடிகை நயன்தாராவுக்கும் இடையே காதல் மலர்ந்த நிலையில் இவர்கள் 2022ம் ஆம் ஆண்டு ஜூன் 9ம் தேதி மகாபலிபுரத்தில் திருமணம் செய்துகொண்டனர்.பின் அதென்ன ஆண்டு அக்டோபர் மாதம் வாடகைத் தாயின் மூலமாக இரட்டை ஆண் குழந்தைகளைப் பெற்றுக்கொண்டனர்.

7 / 7

பாண் இந்திய முன்னை நடிகையாக வலம்வரும் நயன்தாரா இன்று தனது 40-வது பிறந்தநாளைக் கொண்டாடிவருகிறார். இவருக்கு ரசிகர்களும், திரை பிரபலங்கள் பலரும் தங்களின் வாழ்த்துக்களைத் தெரிவித்துவருகின்றனர். நடிகை நயன்தாரா தனது பிறந்தநாளை முன்னிட்டு "பேயொண்ட் தி ஃபரி டைல்" என்ற தன்னுடைய ஆவணப்படத்தை வெளியிட்டுள்ளார். பல சிக்கல்களைத் தாண்டி இன்று அதிகாலையில் நெட்பிளிக்ஸில் வெளியாகி உள்ளது.

Nayanthara