Tamil News Photo Gallery > Army officers presented an award to actor Sivakarthikeyan for his performance in the film Amaran following its success

சிவகார்த்திகேயனுக்கு விருது வழங்கி கெளரவித்த ராணுவ அதிகாரிகள்..!

Barath Murugan

Published:

28 Nov 2024 14:02 PM

Actor Sivakarthikeyan: தமிழ் சினிமாவில் கடந்த அக்டோபர் 31ம் தேதி தீபாவளியை முன்னிட்டு மிகப் பிரம்மாண்டமாக வெளியான திரைப்படம் அமரன். இயக்குநர் ராஜ்குமார் பெரியசாமியின் இயக்கத்தில் நடிகர் சிவகார்த்திகேயன் மற்றும் சாய் பல்லவி இருவரும் இணைந்து நடித்திருந்தனர்.

நடிகர் சிவகார்த்திகேயன் மற்றும் நடிகை சாய் பல்லவியின் முன்னணி நடிப்பில் வெளியான திரைப்படம் அமரன். மறைந்த முன்னாள் ராணுவ வீரர் மேஜர் முகுந்த வரதராஜனின் ராணுவ வாழ்க்கை மற்றும் காதல் வாழ்க்கையை அடிப்படையாகக் கொண்டு வெளியான இப்படத்தை இயக்குநர் ராஜ்குமார் பெரியசாமி இயக்கியிருந்தார்.

2 / 5

நடிகர் கமல்ஹாசனின் ராஜ்கமல் பிலிம்ஸ் மற்றும் சோனி பிக்ச்சர்ஸ் இணைந்து தயாரித்த இப்படத்திற்காக இசையமைப்பாள ஜி.வி. பிரகாஷ் இசையமைத்திருந்தார். பயோ கிராபிக் திரைப்படமாக அமைந்த இப்படம் திரையரங்குகளில் வெளியாகி மக்களிடையே பெரும் வரவேற்பை பெற்றது என்று சொன்னாலும் பல ரசிகர்களின் மனதைத் தொட்ட திரைப்படம் என்றே சொல்லலாம். ராணுவ அதிகாரிகளின் வாழ்க்கை இப்படித்தான் என்று புரியவைக்கும் விதத்தில் உருவான இப்படத்திற்குத் தமிழ் மொழியில் மட்டுமில்லாமல் தெலுங்கு, மலையாளம், இந்தி மற்றும் கன்னடம் போன்ற மொழிகளிலும் நல்ல வரவேற்பைப் பெற்றது.

3 / 5

இப்படத்தின் வெற்றியை அடுத்தாக பல இயக்குநர்கள், அரசியல்வாதிகள் மற்றும் நடிகர்கள் எனப் பலரின் வாழ்த்துக்களைப் பெற்ற இந்த திரைப்படத்திற்கு தற்போது ராணுவ அதிகாரிகள் விருதை வழங்கியுள்ளனர். இந்நிலையில் மேஜர் முகுந்த் வரதராஜனாக நடித்த நடிகர் சிவகார்த்திகேயனுக்கு ராணுவ "ஆஃபீசர்ஸ் ட்ரெயினிங் அகாடமி" சார்பாக விருதினை வழங்கியுள்ளனர். அமரன் வெற்றியைத் தொடர்ந்து இவ்விருது வழங்கப்பட்டது குறிப்பிடத்தக்கது.

4 / 5

சிவகார்த்திகேயனின் சிறப்பான நடிப்பில் வெளியான இப்படத்தில் அவர் இதுவரை நடித்திடாத மாறுபட்ட நடிப்பிலும் தோற்றத்திலும் நடித்து அசத்தியிருந்தார். இப்படத்தில் இவனுக்கு எப்படி முக்கியமான கதாபாத்திரம் இருந்ததோ அதைப்போல் நடிகை சாய் பல்லவியும் இந்து ரெபேக்கா வர்கீஸ் என்ற முக்கிய கதாபாத்திரத்தில் நடித்து அசத்தியிருந்தார்.

5 / 5

இந்த அமரன் திரைப்படம் வெளியாகி தற்போது 25 நாட்களைக் கடந்த நிலையில் இதுவரை இந்தியாவில் மட்டுமே சுமார் ரூ 210 கோடிக்கும் மேல் வசூல் செய்து சாதனை படைத்துள்ளது. தற்போது இத்திரைப்படத்தின் வெற்றியை அடுத்தாக நடிகர் சிவகார்த்திகேயன் இயக்குநர் ஏ.ஆர்.முருகதாஸ் இயக்கத்தில் SK23 என்ற திரைப்படத்தில் நடித்துவருகிறார். இப்படத்தினை தொடர்ந்து SK24 என்ற திரைப்படத்திலும் கமிட்டாகி உள்ளார்.

Sivakarthikeyan