Tamil News Photo Gallery > Details about the budget of Sivakarthikeyan's Purananooru movie

சிவகார்த்திகேயன் ரசிகர்களுக்கு சர்ப்ரைஸ்.. புறநாநூறு பட அப்டேட்!

Published:

26 Nov 2024 15:16 PM

Actor Sivakarthikeyan : தமிழ் சினிமாவில் தற்போது பிரபல நடிகராக விளங்குபவர் சிவகார்த்திகேயன். அமரன் திரைப்படத்தின் வெற்றியைத் தொடர்ந்து அடுத்தடுத்த திரைப்படங்களில் கமிட்டாகி வருகிறார். இந்நிலையில் இயக்குநர் சுதா கொங்கரா இயக்கத்தில் இணைய உள்ளார்.

தமிழ்த் திரைப்படங்களில் ஆரம்பத்தில் துணைக் கதாபாத்திரமாக நடித்து பின் கதாநாயகனாக மாறி தற்போது முன்னணி நடிகராக இருந்துவருபவர் சிவகார்த்திகேயன். 2012ம் ஆண்டு பாண்டிய ராஜ் இயக்கத்தில் கதாநாயகனாக அறிமுகமான இவர் தொடர்ந்து திரைப்படங்களில் நடிப்பதில் ஆர்வம் காட்டி வருகிறார்.

2 / 7

தொடர்ந்து இவர் எதிர்நீச்சல், வருத்தப்படாத வாலிபர் சங்கம், மற்றும் மான் கராத்தே எனத் திரைப்படங்களில் முன்னணி நடிகராக நடித்து தமிழ்த் திரைப்பட ரசிகர்கள் மத்தியில் பிரபலமானார். SK என்றாலே சிறியவர்கள் முதல் பெரியவர்கள் வரை அனைத்து தரப்பினர் ரசிகர்களையும் தன் பக்கம் ஈர்த்து வைத்திருக்கிறார்.

3 / 7

இந்நிலையில் இவரின் நடிப்பில் மிகப் பிரம்மாண்ட கதைக்களத்துடன் உருவான திரைப்படம் அமரன். இயக்குநர் ராஜ்குமார் பெரியசாமி இயக்கத்தில் உருவான இந்த திரைப்படத்தில் சிவகார்த்திகேயனுக்கு ஜோடியாக நடிகை சாய் பல்லவி நடித்திருந்தார். சுமார் ரூ 100 முதல் ரூ 150 கோடிகளுக்கு மேல் பட்ஜெட்டில் உருவான இந்த அமரன் தற்போது தமிழ்நாட்டில் மட்டுமே ரூ 158 கோடி வசூல் செய்து சாதனை படைத்துள்ளது.

4 / 7

இந்த திரைப்படத்தினை தொடர்ந்து தற்போது இயக்குநர் ஏ.ஆர். முருகதாஸ் இயக்கத்தில் SK23 என்று தற்காலிகமாகப் பெயரிடப்பட்ட திரைப்படத்தில் நடித்து வருகிறார். இந்த திரைப்படத்தில் சிவகார்த்திகேயனுக்கு ஜோடியாக ருக்மிணி வசந்த் நடித்துவருகிறார். இத்திரைப்படத்தின் படப்பிடிப்புகள் தற்போது நடந்துவரும் நிலையில் அடுத்த ஆண்டு இறுதியில் வெளியாகும் என்று எதிர்பார்க்கப்படுகிறது.

5 / 7

இந்த திரைப்படத்தினை தொடர்ந்து இவர் அடுத்து நடிக்கவிருக்கும் திரைப்படம் புறநானூறு. நடிகர் சூர்யா இந்த திரைப்படத்திற்காக முதலில் கமிட்டாகி இருந்த நிலையில் சில காரணங்களால் அவர் இப்படத்திலிருந்து விலகினார். தொடர்ந்து சிவகார்த்திகேயன் நடிகராக புறநானூறு படத்தில் நடிக்க இருப்பதாக அதிகாரப்பூர்வ தகவல் வெளியாகியது.

6 / 7

நடிகர் சிவகார்த்திகேயனுக்கு ஜோடியாக இப்படத்தில் ஸ்ரீலீலா நடிக்க உள்ளார் என்று கூறப்படுகிறது. இதைத்தொடர்ந்து புறநானூறு திரைப்படத்தில் நடிகர்கள் ஜெயம் ரவி மற்றும் அதர்வாவும் இணைந்து நடிக்க உள்ளார்கள் என்று கூறப்படுகிறது. மற்றும் இந்த திரைப்படத்திற்காக இசையமைப்பாளர் ஜி.வி பிரகாஷ் இசையமைக்கவுள்ளார் என்பதும் குறிப்பிடத்தக்கத்து.

7 / 7

பல நடிகர்கள் ஒன்றிணைந்து உருவாக்க உள்ள இந்த திரைப்படமானது பெரிய பட்ஜெட்டில் உருவாக உள்ளது என்று கூறப்பட்ட நிலையில் இப்படத்தினை உருவாக்குவதற்காக மட்டுமே ரூ 150 கோடியை ஒதுக்கி உள்ளதாகவும், இன்னும் இந்த கணக்கில் நடிகர்களின் சம்பளத்தை இணைக்கவில்லை என்றும் இணைத்தால் இன்னும் அதிகரிக்கும் என்று கூறப்படுகிறது.

Sivakarthikeyan Tamil Movie Updates