Tamil News Photo Gallery > Do you know how much paid to actress Sreeleela for dance in Pushpa 2

Pushpa 2: ஒரு பாடலுக்கு இத்தனை கோடியா? – புஷ்பா 2 படத்துக்காக ஸ்ரீலீலா பெற்ற சம்பளம்!

Published:

15 Nov 2024 12:56 PM

Actress Sri Leela : அல்லு அர்ஜுன். நடிப்பில் 2021ம் பிரம்மாண்ட படைப்பாக வெளியான திரைப்படம் புஷ்பா: தி ரைஸ். இந்த திரைப்படம் எந்த அளவிற்கு மக்கள் மத்தியில் வரவேற்புகள் இருந்ததோ அதைவிட நடிகை சமந்தா நடனமாடிய "ஊ சொல்றியா" என்ற பாடலுக்கு அதீத வரவேற்புகள் இருந்தது. இந்நிலையில் தற்போது புஷ்பா 2 திரைப்படம் உருவாகிவரும் நிலையில் இப்படத்தில் ஸ்ரீ லீலா நடனமாடுகிறார். இப்படத்திற்காக நடிகை ஸ்ரீ லீலா வாங்கிய சம்பளம் இணையத்தில் வைரலாகி வருகிறது.

தெலுங்கில் பிரபல இயக்குநர் சுகுமார் இயக்கத்தில் 2021 ஆம் ஆண்டு மிகப் பிரம்மாண்ட திரைப்படமாக வெளியானது புஷ்பா தி ரைஸ். டோலிவுட்டில் பிரபல நடிகரான அல்லு அர்ஜுன் இதில் ஹீரோவாக நடித்திருந்தார் மற்றும் அவருக்கு ஜோடியாக ராஷ்மிகா மந்தனா நடித்தார்.

2 / 5

இப்படம் வெளியான போது திரைப்படத்திற்கு எந்த அளவிற்கு அதைவிட ஒரு படி மேலாக நடிகை சமந்தா ஆடிய "ஊ சொல்றியா மாமா" என்ற குத்து பாடலுக்கு அதிக வரவேற்புகள் இருந்தது. இவர் ஆடிய இந்த பாடலானது பட்டிதொட்டி எங்கும் ஹிட்டாகியது. நடிகை சமந்தா தனது விவாகரத்திற்குப் பிறகு முதலில் ஆடிய குத்து நடனம் என்பதால் பலரால் விமர்சிக்கப்பட்டும், பின் பாராட்டிற்கும் ஆளானார்.

3 / 5

இந்நிலையில் புஷ்பா பாகம் 1 வெற்றியைத் தொடர்ந்தது, அடுத்தாக புஷ்பா தி ரூல் என்ற திரைப்படத்தை இயக்கவுள்ளதாகக் கடந்த 2022 ஆண்டே அறிவிக்கப்பட்டது. இதையடுத்து சுமார் 400 முதல் 500 கோடி பட்ஜெட்டில் கடந்த ஆண்டு முதல் படப்பிடிப்பு ஆரம்பிக்கப்பட்டுவந்த நிலையில் இப்படத்தில் நடிகர் அல்லு அர்ஜுன், ராஷ்மிகா மந்தனா, ஃபகத் பாசில் எனப் பல முன்னணி திரை பிரபலங்களும் நடித்துள்ளனர்.

4 / 5

ஏற்கனவே வெளியான பாகம் ஒன்றின் தொடர்ச்சியில் இந்த பாகம் 2ன் கதைக்களம் உள்ளது. பாகம் ஒன்றில் நடிகை சமந்தா ஆடிய பாடல் மக்கள் மத்தியில் நல்ல வரவேற்பைப் பெற்ற நிலையில், தற்போது புஷ்பா பாகம் 2ல் நடிகை சமந்தாவிற்குப் பதிலாக நடிகை ஸ்ரீலீலா நடனமாட உள்ளார் என்று அதிகாரப்பூர்வமான தகவல் படக்குழு வெளியிட்ட நிலையில் இதில் அவர் வாங்கிய சம்பளம் பற்றிய தகவல் வெளியாகியுள்ளது.

5 / 5

இந்நிலையில் வருகின்ற டிசம்பர் 5ம் தேதி வெளியாகி உள்ள இந்த படத்தில் நடிகை ஸ்ரீலீலா ஒரு பாடலுக்கு நடனமாட சுமார் 2 கோடி சம்பளம் வாங்கியுள்ளாராம். ஆனால் நடிகை சமந்தா புஷ்பா பாகம் 1ல் நடனமாட சுமார் 5 கோடி சம்பளம் வாங்கியுள்ளாராம். இதனால் நடிகை சமந்தாவை விடக் குறைவாகத்தான் வாங்கியுள்ளார் என்று சமூகவலைத்தளங்களில் இந்த தகவல் வைரலாகி வருகிறது.

Samantha Ruth Prabhu